6 ፅሎ አስ አዉደካ ኩንደና፤ እ መርናዉ ሀሳየታና።
6 Xillo asi awudeka kundenna; I merinaw hassayetana.
ታኒ ሌወት ባንታ ሁጵያ ጌሻና መላ፥ ፐንገታ ናጋና መላነ ሳምባታ ጋላሳ ጌሽ ኦና መላ ኪታስ። “ታ ፆሳዉ፥ ሀ ኡባ ግሾ ታና ቆፓ፤ ነ መርና ሲቁዋ ግሾ ታዉ ቃታ” ያጋዳ ዎሳስ።
ያርሾስ ኤያ ምይ ዎደን ዎደን ያና መላነ አሳይ ባዉ አይፍዳባፐ ኮይሮ አይፍያ እሞታ ኦድ ኤሀና መላ ዎጋ ዎስ። “ታ ፆሳዉ፥ ነ ኬሀተን ታና ቆፓ” ያጋዳ ዎሳስ።
ጎዳን አማነተይሳት ቃፃናዉ ዳንዳኦና፥ መርናዉ ደእያ ፅዮነ ዙማ መላ።
ባ ሚሽያ የሎን ታልኦናይ፥ ፅሎ አስ ቆሀናዉ ዎፈ ኤኮናይ፥ ሀይሳታ ኦያ ኡራይ መርናዉ ቃፀና።
ነ ቶሁዋ ፆሳ ቦላ የጋ፤ እ ነና ካትሳና። ፆሳይ ፅሎት፥ ዳጋማና መላ ኦና።
ሽን አቤት ፆሳዉ፥ ኢታ አሳታ ዎልቃማ ኦላን ሆላና። ሱ ጉሰይሳትነ ጭመይሳት፥ ባንታ ላይፈ ባጋካ ደኦኮና፤ ሽን ታኒ ነናን አማነታና።
እያ ፃላል ታ ዛላነ ታ አቶተ፤ እ ታ ቆሰትያ አትያ በሲ ግድያ ግሾ ዳጋምከ።
እያ ፃላል ታ ዛላነ ታ አቶተ፤ ታኒ ቆሰትያ በሲ ግድያ ግሾ ዳጋምከ።
ፅሎት ኡባ ዎደ ቃፆኮና፤ ሽን ኢታት ቢታ ቦላ ዶኮና።
ፅሉዋ ሱንይ አንጆን ፄገትሸ ደኤስ፤ ሽን ናጋራንቾታ ሱንይ ኤለ ዶገቴስ።
ፆሳይ ሱረ ፕርደይሳ። ፆሳይ፥ ህንተ ኦዳ ኦሱዋነ ካሰ ግድን ሀእካ አማነይሳታ ማድድ፥ እያዉ ደእያ ሲቁዋ በስዳይሳ ዶገና።