Mazmure 106:41 - ጌሻ ማፃፋ

⁴¹ እ ኤንታ አላጋ ኩሸን አድ እሚስ፤ ኤንታ ሞርከት ኤንታ ሃርዶሶና።

Geeshsha Maxaafa

⁴¹ I enta allaga kushen aathidi immis; enta morketi enta haaridosona.

Mazmure 106:41 ပူးပေါင်းရင်းမြစ်များ

2 Sameela 24:14

ዳዊቲ ጋደኮ፥ “ታኒ ዳሮ ኡንኤታስ። ጎዳ ማሮታይ ግታ ግድያ ግሾ፥ ኑኒ እያ ኩሸን ኩንዳና፤ ታና አሳ ኩሸን የጎፎ” ያግስ።

Hizqeela 16:27

ሄሳ ግሾ፥ ታኒ ታ ኩሽያ ነ ቦላ ደንስ፤ ነና ጋክያ ነ አንጁዋ ጉስ። ታኒ ነና ነ ፖኮ ሀኖታን ዬላትያ፥ ነና ሞርክያ ፍልስፄመታስ አዳ እማስ።

Zaaretho 28:25

ጎዳይ ነና ነ ሞርከታን ፆንሳና። ነኒ ኤንታ ኦላናዉ እስ ኦገራ ከያና፤ ሽን ላፑን ኦገራ ነ ኤንታ ስንፈ ባቃታና። ቢታን ደእያ ካዎተ ኡባይ ነ ቦላ ጋክዳባ በእድ፥ ያሻን ኮኮራና።

Zaaretho 28:29

ሴታ ጋላስ ኔኒ ቆቀይ ታታፈይሳዳ ታታፋና፤ ነ ኦያባ ኡባይ ነዉ ጊጎና እፃና። ነ ደኦ ላይ ኡባን ነ ኡንኤታናነ ቦንቀታዳ ዳና። ነና ማድያ አስ ደማካ።

Zaaretho 28:33

ነ ቢታ አይፍያነ ነ ጫዋ ኡባ ነ ኤሮና አስ ማና፤ ነ ደኦ ላይ ኡባን ኡንኤትዳይሳነ ናቀትዳይሳ ግዳና።

Zaaretho 28:48

ነና ኮሻን፥ ሳሞን፥ ካሎተንነ መቶን ኡባባ ያዳ፥ ጎዳይ ነ ቦላ የድያ ነ ሞርከታስ ሃረታና። ጎዳይ ነና ይሳና ጋካናዉ ነ ሞርገን ብራታ ቃምባራ ዎና።

Zaaretho 32:30

ጎዳይ ኤንታ ፆሳይ ኤንታ ባይዞናኮ፥ ኤንታ መዳ ዎልቃማይ አድ እሞናኮ፥ ዋትድ እስ አስ ሙኩሉ አሳ፥ ኑምኡ አስ ታሙ ሙኩሉ አሳ ፆኒ?

አይሰይሳታ 15:11

ያትን፥ ይሁዳፐ ሄ ሙኩሉ አሳይ ኤታማ ጎንጎሉዋ ብድ፥ ሳምሶና፥ “ኑና ሃረይ ፍልስፄመ ግደይሳ ኤርኪ? ያትን፥ ኑ ቦላ ሀይሳ መላ ፓላባ አይስ ኦይ?” ያግዶሶና። እ ዛሪድ፥ “ኤንቲ ታ ቦላ ኦዳይሳዳ ታንካ ኤንታ ቦላ ኦስ” ያግስ።

አይሰይሳታ 2:14

ያትን፥ ጎዳ ሀንቆይ እስራኤለ አሳ ቦላ ኤፅስ፤ ቦንቀይሳት ኤንታ ቦንቃና መላ ኦስ። ኤንታ ዩሹዋን ደእያ ሞርከታስ አድ እሚስ። ያትን፥ ኤንቲ ባንታ ሞርከታራ ኤቀታናዉ ዳንዳእቦኮና።

አይሰይሳታ 3:12

እስራኤለ አሳይ ዛሪድ ጎዳ ስንን ኢታባ ኦዶሶና። ሄሳ ግሾ፥ ጎዳይ ሞአበ ካዎይ ኤግሎን እስራኤለ ቦላ ዎልቃታናዳ ኦስ።

አይሰይሳታ 3:14

ያትን፥ እስራኤለ አሳይ ሞአበ ካዋ ኤግሎናስ ታማነ ሆስፑን ላይ ሃረትዶሶና።

አይሰይሳታ 3:8

ሄሳ ግሾ፥ ጎዳ ሀንቆይ እስራኤለ አሳ ቦላ ኤፅስ። ጎዳይ ማሰጰፆመ ካዋ ኩሻን-ርሻታይም ኤንታ ሃራና መላ አድ እምን፥ ኤንቲ እያዉ ሆስፑን ላይ ሃረትዶሶና።