Luqaasa 4:18 - ጌሻ ማፃፋ

¹⁸ “ጎዳ አያናይ ታ ቦላ ደኤስ፥ ማንቆታስ ዎንገላ ኦዳና መላ ፆሳይ ታና ዶርስ። ቃሸትዳይሳታስ ብለተ፥ ቆቅዳይሳታ ፄልሳናስነ ኡንኤትዳይሳታ ብርሻና መላ፥

Gofa New Testament

¹⁸ “Godaa Ayyaanay ta bolla de7ees, manqotas Wonggelaa odana mela Xoossay tana dooris. Qashettidayssatas biletethi, qooqidayssata xeelisanaasinne un77ettidayssata birshshana mela,

Geeshsha Maxaafa

¹⁸ “Godaa Ayyaanay ta bolla de7ees, manqotas Wongela odana mela Xoossay tana dooris. Qashetidaysatas biletethi, qooqidaysata xeelisanaasinne un7etidaysata birshana mela,

Ooratha Caaquwa Goofatho

¹⁸ “Godaa Ayyaanay ta bolla de7ees, manqotas Wonggelaa odana mela Xoossay tana dooris. Qashettidayssatas biletethi, qooqidayssata xeelisanaasinne un77ettidayssata birshshana mela,

ኦራ ጫቁዋ ጎፋ

¹⁸ «ጎዳ ኣያናይ ታ ቦላ ዴዔስ፥ ማንቆታስ ዎንጌላ ኦዳና ሜላ ፆሳይ ታና ዶሪስ። ቃሼቲዳይሳታስ ቢሌቴ፥ ቆቂዳይሳታ ፄሊሳናሲኔ ኡንዔቲዳይሳታ ቢርሻና ሜላ፥

Luqaasa 4:18 ပူးပေါင်းရင်းမြစ်များ

Medhetethi 3:15

ታኒ፥ ነ ግዶንነ ማጫሰ ግዶን፥ ነ ሼሻ ግዶንነ እ ሼሻ ግዶን ሞርከተ ዎና። እ ነ ሁጵያ ቆፃና፥ ነካ እያ ግንድያ ዱካና” ያግስ።

2 Taarike 34:27

ሀ በሳንነ ሀ በሳን ደእያ አሳ ቦላ ፆሳይ ኦደትዳባ ኔኒ ስእዳ ዎደ ነ ዎዛናይ ቦሸትን፥ ታ ስንን ነናተ ካዉሽዳ ግሾነ ነ ማኡዋ ፔዳ ታ ስንን ዬክዳ ግሾ ታኒ ነ ዎሳ ስአስ።

Mazmure 102:20

ሄስካ ቃሸትዳ አሳ ዋሱዋ ስአናዉነ ሀይቆ ፕርደትዳ አሳ ብርሻናሳ።

Mazmure 147:3

ዎዛን መቅዳይሳታ ኮሌስ፤ ኤንታ ማዱን ፓስ።

Mazmure 2:2

ካዎት ጎዳ ቦላነ እ ትይዳይሳ ቦላ ደንድዶሶና፤ ደርያ ሃረይሳት ኤንታ ቦላ ሺቅዶሶና።

Mazmure 2:6

“ታ ጌሻ ዙማ ፅዮነ ቦላ ታ ካዋ ካዎስ” ያጌስ ጎዳይ።

Mazmure 34:18

ዎዛን መቅዳይሳታስ ጎዳይ ማታና፤ እ ኡፋይስ ቃንፅዳይሳታ አሼስ።

Mazmure 45:7

ኔኒ ፅሎተ ዶሳዳ ጌላተ እፃሳ፤ ሄሳ ግሾ፥ ፆሳይ፥ ነ ፆሳይ፥ ነ ላገታፐ አድ፥ ነና ኡፋይሳ ዛይተን ትይስ።

Mazmure 51:17

ፆሳ ያርሾይ አዳ አያና፤ ፆሳዉ፥ ነ መቅዳነ ካዉይዳ ዎዛና ካካ።

Isayaasa 32:3

ፄልያ አሳታ አይፈይ ቅልምኤና፤ ስእያ አሳታ ሀይይ ሀይዝድ ስአና።

Isayaasa 35:5

ሄ ዎደ፥ ቆቀታ አይፈይ ዶየታና፤ ቱለታ ሀይይ ስአና።

Isayaasa 42:7

ኔኒ ቆቀ አይፈታ ዶያና፤ ማ ኦላን፥ ቃሾ ኬን ደኤይሳታ ከሳና።

Isayaasa 45:13

ታኒ ቅሮሳ ፅሎተን ደንስ፤ እያ ኦግያ ኡባ ሱረ ኦና። ሚሸ ቃንፆና ዎይኮ ዎይቶ እሞና እ ታ ካታማ ኬፃና፤ ታ አሳ ድኦፐ ዛራና” ያጌስ ኡባፈ ዎልቃማ ጎዳይ።

Isayaasa 49:9

ድኤትዳይሳታ፥ ‘ከይተ!’ ማ ቃሾን ደኤይሳታ፥ ‘ብርሸትተ!’ ጋና መላ ታኒ ነና ኦና። ኤንቲ ኦገ ማታን ሄመታና፤ መላ ደረ ቦላ ሄመትያ በሲ ደማና።

Isayaasa 50:4

ዳቡርዳይሳ ታኒ ቃላን ምን ኤራና መላ፥ ኡባ ሃርያ ጎዳይ ታዉ ታማርዳ እንፃርስ እሚስ። እ ታና ዎንታ ዎንታ ባርክስድ፥ ታኒ ታማረዳ ስአናዳ ታ ሀይ ዶዬስ።

Isayaasa 57:15

መርናዉ ደኤይስ፥ ግታይ፥ ቃ በሳን ደኤይስ፥ እያ ሱንይ ጌሻ ጌተተይስ፥ ያጌስ፦ “ካዉይዳ አሳ አያና ደንናዉ፥ መቅዳ ዎዛን ደኤይሳታ ኮላናዉ፥ ካዉይዳነ መቅዳ አያን ደኤይሳራ ዳና።

Isayaasa 59:21

ታዉ ኤንታራ ደእያ ጫቆይ ሀይሳ፦ ህንተ ቦላ ደእያ ታ አያናይነ ታኒ ህንተ ዶናን ዎዳ ታ ቃላይ፥ ሀችፈ ዶምድ፥ መርና ጋካናዉ፥ ህንተ ዶናፐ፥ ህንተ ናይታ ዶናፐነ ህንተ ናይታ ናይታ ዶናፐ ሻከተና” ያጌስ ጎዳይ።

Isayaasa 61:1

ኡባ ሃርያ ጎዳ አያናይ ታ ቦላ ደኤስ፤ ማንቆታስ ሎኦባ ኦዳና መላ ጎዳይ ታና ትይስ። ዎዛን መቅዳይሳታ ኮላና መላ፥ ድኤትዳይሳታ ላአ ከሳና መላነ ቃሸትዳይሳታ ብላና መላ ጎዳይ ታና ኪትስ።

Isayaasa 66:2

ሀይሳ ኡባ ታ ኩሸይ ኦስ፤ ኤንትካ ሀንዶሶና። ሽን ታኒ ባና ዝቅ ኦያ ኡራ፥ ባ አያናን መቅዳ ኡራነ ታ ቃላን ኮኮርያ ኡራ ፄላና።

Hizqeela 9:4

“የሩሳላመ ካታማ ግዶ ካንዳ ባሸ፥ ያን ኦሰትያ እፀትዳ ኤቃ ጎይኑዋ ግሾ አዛንሸነ ኦልሸ ደእያ አሳ ሶምኦን ማላ ዎ” ያግስ።

Daanela 9:24

“ፆሳይ ነ አሳስነ ነ ጌሻ ካታማስ ቃችዳ ዎደይ፥ ላፑን ቶሆ ላፑን ታሙ ላይ። ሄ ዎደ ናቆይ ዉራና፤ ናጋራ ኦሶይ አታና፤ ቆሆይ አቶ ጌተታና፤ መርና ፅሎተ ካዎታና፤ ቆንጨነ ትንብተይ ፖለታና ኡባፈ ጌሻ በሳይ ትየታና።

Sofonaasa 3:12

ታኒ ህንተ ግዶፈ ባንታና ካዉሸይሳታነ አዳታ አሻና፤ ኤንቲ ጎዳ ሱንን አማነታና።

Zakaryaasa 11:11

ሄ ጋላስ ጫቆይ መእስ፤ ሄ ዎደ ዶርሰ ሻመይሳትነ ባይዛይሳት ታና በእድ፥ ሄስ ጎዳ ቃላ ግደይሳ ኤርዶሶና።

Milkiyaasa 4:2

ሽን “ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና።

Maatosa 11:5

ቆቀት ፄሎሶና፥ ዎበት ሄመቶሶና፥ ባሮ ሀርጋንቾት ፓፆሶና፥ ቱለት ስኦሶና፥ ሀይቅዳይሳት ሀይቆፐ ደንዶሶና፤ ማንቆታስ ዎንገላይ ሳባከቴስ።

Maatosa 12:18

“ሄኮ ታ ዶርዳ አይለይ፥ ታ ዶሰይስ፥ ታና ኡፋይሰይስ፥ ታኒ ታ አያና፥ እያ ቦላ ሸምፕሳና፤ እ፥ አይሁደ ግዶና ደርያስ ሱረ ፕርዳባ አዋጃና።

Maatosa 12:20

ሱረ ፕርዳን ፆኖ ደማና ጋካናዉ፥ ድንጨትዳ ማይረ መንና፥ ጩይያ ሙቃዳ ቶይሰና።

Maatosa 4:16

ማን ደእያ ደረይ፥ ዎልቃማ ፖኦ በእስ። ሀይቆ ኩያ ቢታን፥ ደኤይሳታስ ፖኦይ ከይስ” ያግድ ኦደትዳ ቃላይ ፖለታና መላሳ።

Maatosa 5:3

“ባንታ አያናን ማንቆት አንጀትዳይሳታ፥ ሳሎ ካዎተይ ኤንታሳ።

Luqaasa 4:17

ናብያ እሳያሳ ማፃፋይ እያዉ እመትን፥ ዶይድ፥ ሀይሳዳ ያግድ ፃፈትዳይሳ ደምስ፦

Luqaasa 6:20

ባ ታማረታ ፄልድ ሀይሳዳ ያግስ፦ “ህንተኖ፥ ማንቆቶ፥ ህንተ አንጀትዳይሳታ፤ ፆሳ ካዎተይ ህንተሳ።

Luqaasa 7:22

ዮሃንሳ ማታፐ ኪተትድ ይዳይሳታኮ፥ “ብድ ህንተ በእዳይሳነ ስእዳይሳ ዮሃንሳስ ኦድተ። አይፈ ቆቀት ፄሎሶና፥ ጉንዳት ብርሸትድ ሄመቶሶና፥ ባሮ ሀርጋንቾት ጌዮሶና፥ ቱለት ስኦሶና፥ ሀይቅዳይሳት ሀይቆፐ ደንዶሶና፥ ማንቆታስ ዎንገላይ ሳባከቴስ።

Yohaanisa 1:41

እንድርያስ ኮይሮ ባ እሻ ስሞናራ ጋሄትድ፥ “ኑኒ ክርስቶሳ ደምዳ” ያግስ።

Yohaanisa 12:46

ታና አማንያ ኡባይ ማን ዶና መላ ታኒ ፖኦ ግዳዳ አላምያ ያስ።

Yohaanisa 3:34

ፆሳይ ባ ጌሻ አያና እያዉ ኩመ እምያ ግሾ ፆሳይ ኪትዳይስ ፆሳ ቃላ ኦዴስ።

ሃዋሬታ ኦሱዋ 10:38

ፆሳይ ናዝረተ የሱሳስ ጌሻ አያናነ ዎልቃ እሚስ። ፆሳይ እያራ ደእያ ግሾ ሎኦባ እ ኦሸ ፃላሄ ኩሸን ሃረትዳ ኡባ ፓሸ ዩይስ።

ሃዋሬታ ኦሱዋ 26:18

ኔኒ ኤንታ አይፍያ ዶያና፥ ማፐ ፖኦኮ፥ ፃላሄ ኩሸፐ ፆሳኮ ኤንታ ዛራና። ኤንቲ ታናን አማንድ ናጋራ አቶተ ኤካና። ፆሳይ ዶርዳ አሳ ግዶን ባንታ ላታ ደማና’ ያግስ።

ሃዋሬታ ኦሱዋ 4:26

ሳኣ ካዎትነ ደርያ ሃረይሳት እስፈ ጎዳ ቦላነ ክርስቶሳ ቦላ ደንድዶሶና’ ያጋዳሳ።

ሃዋሬታ ኦሱዋ 4:27

“ቱማካ፥ ሄሮዲስነ ጰንፀ ጵላፆስ አይሁደ ግዶና አሳራነ እስራኤለ አሳራ ነ ዶርዳ ነ ጌሻ ናኣ የሱሳ ቦላ ደንዳናዉ ሀ ካታማን ሺቅዶሶና።

Qolaasiyasa 1:13

እ ኑና ማ ዎልቃፈ አሽድ ባ ዶስያ ናኣ ካዎተኮ ኤህስ።

Yayqooba 2:5

ታ ሲቆ እሻቶ፥ ስእተ። አማኖን ዱረ ግዳና መላነ ባና ሲቀይሳታስ እማና ግዳ ሳሎ ካዎተ ላታና መላ ሀ ሳአን ደእያ ማንቆታ ፆሳይ ዶርበነዬ?

1 ጰፅሮሳ 2:9

ሽን ፆሳይ ማፐ ማላልስያ ባ ፖኡዋኮ ህንተና ፄግዳይ፥ ህንተ እያ ሎኦተ ሀራታስ ኦዳናዉ ዶረትዳ ኮቸ፥ ካዎ ካህነ፥ ጌሻ ደረነ ፆሳ ዱማ ደረ።