Leeweta 9:3 - ጌሻ ማፃፋ

³ ቦረይ ባይና እስ ኮለ ናጋራ ያርሾስ፥ እስ ላይ ኩምዳ ማርነ ዶርሳ ኡርገ ፁሳ ያርሾስ ባንታዉ ኤሀና መላ እስራኤለ አሳስ ኦዳ።

Geeshsha Maxaafa

³ Borey bayna issi kole nagara yarshos, issi laythi kumida marinne dorsa urge xuussa yarshos bantaw ehana mela Isra7eele asaas oda.

Leeweta 9:3 ပူးပေါင်းရင်းမြစ်များ

Medhetethi 37:31

ኤንቲ ዮሰፋ ማኡዋ ኤክድ፥ እስ ዴሸ ሹክድ፥ ሄ ሱን ናቅዶሶና።

Izira 10:19

ኤንቲ ባንታ ማቸታ የዳናዉ ቃላ ገልዶሶና፤ ባንታ ናጋራ ግሾ፥ ዉድያፐ እስ እስ ማራዘ ናቆ ያርሾ ኦድ ያርሽዶሶና።

Izira 6:17

ሄ ባለይ ቦንቸትያ ዎደ ኤንቲ እስ ፄቱ ኮርማ፥ ናምኡ ፄቱ ማራዘ፥ ኦይዱ ፄቱ ዶርሳ ኡርገታ ያርሽዶሶና። ቃስ ናጋራ ያርሾስ ታማነ ናምኡ እስራኤለ ኮቻታ ታይቦን ታማነ ናምኡ ኮለ ያርሽዶሶና።

Kessa 12:5

ህንተ ዶርያ መሄይ ዶርሰ ዎይኮ ዴሸ ግዳናዉ ዳንዳኤስ፥ ሽን እስ ላይ ኩምዳይሳነ እያ ቦላ ቦረይ ባይና አደ ግዶ።

Isayaasa 53:10

ሽን እያ ቆሄተይነ እያ ኡንኤተይ ጎዳ ሸነ ግድስ። እ ባና ናጋራ ያርሾ ኦያ ዎደ ባ ኮቻ በአና። እያ ላይይ አዱቃና፤ ጎዳ ሸነይ እያ ኩሸን ፖለታና።

Leeweta 10:16

ሙሰይ ናጋራ ያርሾስ ሺቅዳ ዴሻ ኤንቲ ዋትዳኮ ኤራናዉ ኮይድ ኦይችስ፤ እ ፁገትዳይሳ ኤርዳ ዎደ አትዳ አሮና አደ ናይታ፥ አላዛራነ እታማራ ቦላ ሀንቀትስ።

Leeweta 12:6

“ማጫስያ አደ ናአ ዎይኮ ማጫ ናአ የላዳ ባ ጌይያ ዎድያ ኦንግዳፐ ጉየ፥ ፁሳ ያርሾስ እስ ላይ ዶርሰነ ናጋራ ያርሾስ ቃስ እስ ሆለ ዎይኮ እስ ኩራቾ ጌሻ ዱንካንያ ፐንገን ደእያ ካህንያኮ ኤሆ።

Leeweta 14:10

ሆስፑን ጋላሳን ቦረይ ባይና ናምኡ ኡርገ ዶርሳታነ እስ ላይ ግድዳ እስ ማጫ ዶርሰ ኤሆ። ቃስ ካ ያርሾስ ዛይተራ ሙኑቀትዳ ሄ ክሎ ግራመ ሎኦ ለነ እስ ልትሮ ዛይተፐ ስኮ ኤሆ።

Leeweta 16:15

ሄሳፈ ጉየ፥ አሳ ናጋራ ግሾ ግድያ ዴሻ ሹክድ፥ እያ ሱ ማጋራጁዋ ግዶ ኤህድ፥ ዎፋኑዋ ሱ ዉርፅዳይሳዳ ናጋራ አቶተ ካማነ ታቦትያ ስን ዉርፆ።

Leeweta 16:5

እስራኤለ ማባራይ ናጋራ ያርሾስ ናምኡ ኮለታ፥ ፁሳ ያርሾስ እስ ማራዘ አሮናስ ኤሆ።

Leeweta 23:12

ህንተ ምርቅያ ዩሽዳ ሄ ጋላስ ቦረይ ባይና እስ ላይ ማራዘ ፁሳ ያርሾ ኦድ ጎዳስ ሺሽተ።

Leeweta 4:23

እ ባ ኦዳ ናጋራ አኬክዳፐ ጉየ፥ ቦረይ ባይና እስ ኮለ ኤሆ።

Leeweta 4:3

ዶረትዳ ካህነይ ናጋራ ኦድ አሳ ጎመን ጋኮ፥ እ ባ ኦዳ ናጋራ ግሾ ቦረይ ባይና ዎፋኖ ጎዳስ ናጋራ ያርሾ ኦድ ኤሆ።

Leeweta 9:2

አሮናኮ ሀይሳዳ ያግስ፤ ቦረይ ባይና እስ ኮርማ ናጋራ ያርሾስ፥ ቃስ እስ ማራዘ ፁሳ ያርሾስ ጎዳ ስን ሺሻ።

Leeweta 9:4

ቃስ እስፈተ ያርሾስ እስ ኮርማ፥ እስ ማራዘነ ካ ያርሾስ ዛይተራ ሙኑቀትዳ ለ ኤሀና መላ ኤንታዉ ኦዳ። ሀች ጎዳይ ህንተዉ ቆንጫና ግሾ ሄሳ ኦተ።

Roome 8:3

ኑ ናጋራ አሳተ ጋሶን፥ ህገይ ዳቡራንቾ ግድያ ግሾ ኑና አሻናዉ ዳንዳእቤና። ፆሳይ ባ ናኣ ናጋራንቾ አሳ ሌምሶን ናጋራስ ያርሾ ግዳና መላ ኪትድ ሄሳ ኦስ። ያትድ፥ ፆሳይ ክርስቶሳ አሹዋ ባጋራ ናጋራ፥ ናጋራንቾ አሳ ግዶን ፕርድስ።

2 ቆሮንቶሳ 5:21

ኑኒ ፆሳ ፅሎተ ክርስቶሳ ባጋራ ኤካና መላ፥ ናጋራ ኤሮና ክርስቶሳ ኑ ግሾ፥ ናጋራንቾ አሳዳ ኦስ።

Tito 2:14

ኢታ ኦሶ ኡባፈ ኑና ዎዛናዉነ ሎኦባ ኦናዉ አሞትያ ባ ጌሻ አስ ከሳናዉ ኑ ግሾ ባና አድ እሚስ።

1 ጰፅሮሳ 2:24

ኑኒ ናጋራስ ሀይቅድ ፅሎተስ ዳና መላ ክርስቶስ ባ አሹዋን ኑ ናጋራ ማስቃልያ ቦላ ቶክስ፤ ህንተ እያ ማዱንን ፓፅደታ።

1 ጰፅሮሳ 3:18

ክርስቶስ ኑና ፆሳኮ ሺሻናዉ ባዉ ፅሎ ግድድ ደእሸ፥ ናጋራንቾታ ግሾ እስ ቶሆ ናጋራ ኡባስ ሀይቅስ፤ እ ባ አሳተን ሀይቅስ፥ ሽን አያናን ፓፅስ።

ዮሃኒሳ ቆንጬ 5:9

ኤንቲ፥ “ፃ ማፃፋ ኤካናዉ፥ ማታመታ ብላናዉ ነዉ በሴስ። አይስ ጊኮ፥ ኔኒ ሹከታዳሳ፤ ኮቸ ኡባፈ፥ ዱማ ዱማ ዶናፐ፥ ያራታፐነ ካዎተታ ኡባፈ ነ ሱን ፆሳስ ዎዛዳሳ።