Leeweta 2:1 - ጌሻ ማፃፋ

¹ ኦንካ ካ ያርሾ ጎዳስ ያርሽያ ዎደ ሄ ያርሾይ ሎኦ ለ ግዶ፤ እያ ቦላ ዛይተነ እፃነ ጉጆ።

Geeshsha Maxaafa

¹ Oonika katha yarsho Godaas yarshiya wode he yarshoy lo77o dhiille gido; iya bolla zaytenne ixaane gujo.

Leeweta 2:1 ပူးပေါင်းရင်းမြစ်များ

ዮሃኒሳ ቆንጬ 8:3

እፃነ ጩይስያ ዎርቃ ሻተ ኦይክዳ ሀራ ኪታንቾይ ይድ፥ ያርሾ በሳ ማታን ኤቅስ። እ አራታ ስንን ደእያ ዎርቃ ያርሾ በሳ ቦላ ጌሻታ ኡባ ዎሳራ ጉጅድ ያርሻና መላ እያዉ ዳሮ እፃነይ እመትስ።

Isayaasa 66:20

እስራኤለ አሳይ ካ ያርሹዋ ጌሻ ሚሸን ዎድ ፆሳ ኬ ኤሄይሳዳ፥ ኤንቲ ህንተ እሻታ ኡባ ካዎተታ ግዶፈ፥ ፓራታን፥ ፓራ ጋረታን፥ ግማለታን፥ ባቁሎታንነ ጫነ ጋረታን ኡትስድ፥ ጎዳስ እሞ ኦድ ታ ጌሻ ዙማ ቦላ የሩሳላመ ኤሀና።

Leeweta 9:17

ካ ያርሹዋ ኤህድ፥ እያፐ እስ ኩጫ ኤክድ፥ ዎንታ ዎንታ ፁሳ ያርሹዋ ቦላ ጉጅድ ያርሾ በሳን ፁግስ።

Yihuda 1:20

ሽን ታ እሻቶ፥ ጌሽ ግድዳ ህንተ አማኑዋን ህንተና ድቻናዉ ምንተ፤ ቃስ ጌሻ አያና ዎልቃን ዎስተ።

1 ዮሃንሳ 2:27

ሽን ክርስቶስ ህንተ ቦላ ባ ጌሻ አያና ጉስስ። ጌሻ አያናይ ህንተናን ደእያ ግሾ ኦንካ ህንተና ታማርሶ ኮሸና። እያ ጌሻ አያናይ ህንተና ቱማ ታማርሰስፐ አትሽን፥ ዎርዶ ግደና። ጌሻ አያናይ ህንተና ታማርስዳይሳዳ ክርስቶሳን ደእተ።

1 ዮሃንሳ 2:20

ሽን ክርስቶስ ህንተ ቦላ ጌሻ አያና ጉስስ፤ ቃስ ህንተ ኡባይ ቱማ ኤሬታ።

Yohaanisa 6:35

የሱሲ፥ “ታኒ ደኦ እምያ ኡይ፤ ታኮ ያ ኦንካ ኡባራካ ኮሻተና። ቃስ ታና አማንያ ኡራይ ኡባራካ ሳሞተና።

Milkiyaasa 1:11

“አው ዶልያሶፐ ዉልያሶ ጋካናዉ ታ ሱንይ ካዎተታ ግዶን ዎልቃማ። ኡባ በሳን ታ ሱንስ እፃነ ጩይሳናነ ጌሻ ያርሾ ያርሻና፤ ታ ሱንይ ካዎተታ ግዶን ዎልቃማ” ያጌስ ኡባፈ ዎልቃማ ጎዳይ።

Iyyu7eela 2:14

ጎዳይ ህንተ ፆሳይ፥ ባ ሀንቁዋፈ ስሚድ ህንተና አንጃነኮ ኦን ኤሪ? ሄ ዎደ ጎዳስ ህንተ ፆሳስ፥ ካ ያርሾነ ኡሻ ያርሾ ያርሻና።

Taybo 7:13

ናአሶን ኤህዳ እሞታይ ጌሻ ዱንካነን ኤረትዳ ምዛነን 1,500 ግራመ ብራፐ ኦሰትዳ ፕጫ ሳነ፥ 800 ግራመ ብራፐ ኦሰትዳ ኦላትያ ሳነ፥ ናምኣካ ካ ያርሾ ያርሻናዉ ዛይተራ ዋላከትዳ ሎኦ ለ ኩምዳይሳ፤

Kessa 29:2

ጌሻ ግስተ ለ ኤካዳ፥ እርሾ የጎና ሻማሆ ዛይተራ ግንዳዳ ኡይ ኡካ። ቃስ ዛይተይ ገሎና ሀራ ኡይ ኡካ፤ ሄሳዳካ፥ ሌኦ ኡይ ኡካዳ ዛይተን ትያ።

Iyyu7eela 1:9

ካ ያርሾይነ ኡሻ ያርሾይ ጎዳ ኬን ይዳ ግሾ፥ ጎዳ ኬን ኦያ ካህነት ዬኮሶና።

Leeweta 5:11

ሽን እስ አስ ናምኡ ሆለ ዎይኮ ናምኡ ኩራቾ ኤሀናዉ ጋተይ ጋኮና እፅኮ፥ እስ ክሎ ግራመ ሎኦ ለ ባ ናጋራ ግሾ ያርሾ ኦድ ኤሆ። ሄ ለይ ናጋራ ያርሾ ግድያ ግሾ ዛይተይ ዎይኮ እፃነይ እያ ቦላ ጉዠቶፎ።

Taybo 8:8

ካልድ ኤንቲ እስ ዎፋኖነ ካ ያርሾስ ግድያ ዛይተራ ዋላሄትዳ ሎኦ ለ ኤኮ፤ ቃስ ኔኒ ናጋራ ያርሾስ ሀራ እስ ዎፋኖ ኤካ።

Taybo 18:9

ታዉ እመትያ ዳሮ ጌሻ እሙዋፐ ታማን ፁገቶና ባጋይ ህንተባ ግዳና። ኤንቲ ታዉ እምያ ጌሻ እሞ ኡባይ ካ ያርሾ ግድን ናጋራ ያርሾ ግድን ናቆ ያርሾ ግድን ነዉነ ነ አደ ናይታስ ግዳና።

Taybo 28:5

ቃስ ሄ ማራዝያራ እስ ልትሮ ሻማሆ ዛይተን ሙኑቀትዳ እስ ክሎ ግራመ ሎኦ ግስተ ለ ካ ያርሾ ያርሽተ።

Taybo 29:18

ዎፋኖታራ፥ ማራዘታራነ ዶርሳ ኡርገታራ ካ ያርሹዋነ ኡሻ ያርሹዋ ዎጋይ ኪተይሳ መላ ኤንታ ታይቡዋዳ ያርሽተ።

Isayaasa 43:23

ኔኒ ታዉ ፁሳ ያርሾስ ዶርሰ ኤሀባካ፤ ሀራ ያርሾንካ ታና ቦንቻባካ። ታኒ ነና ካ ያርሾ ኤሀ ጋዳ ዋይሳብከ፤ እፃነ ታዉ ጩይሶ ጋዳ ዳቡርሳብከ።

Leeweta 6:7

ካህነይ ሄ ዶርሳ ያርሽድ ሄ ኡራ ናቁዋ ቁሽሴስ፤ ሄ ኡራ ናቆይ አቶ ጌተታና።

Leeweta 9:4

ቃስ እስፈተ ያርሾስ እስ ኮርማ፥ እስ ማራዘነ ካ ያርሾስ ዛይተራ ሙኑቀትዳ ለ ኤሀና መላ ኤንታዉ ኦዳ። ሀች ጎዳይ ህንተዉ ቆንጫና ግሾ ሄሳ ኦተ።

Leeweta 14:10

ሆስፑን ጋላሳን ቦረይ ባይና ናምኡ ኡርገ ዶርሳታነ እስ ላይ ግድዳ እስ ማጫ ዶርሰ ኤሆ። ቃስ ካ ያርሾስ ዛይተራ ሙኑቀትዳ ሄ ክሎ ግራመ ሎኦ ለነ እስ ልትሮ ዛይተፐ ስኮ ኤሆ።

Leeweta 24:7

ጎዳስ ፁገታናዉ ሺቅዳ ካ ያርሾ ግደይሳ ኤርሳናዉ፥ ናምኡ ማራታ ምየን ጌሻ እፃነ ዎ።

Hizqeela 46:20

እ ታኮ፥ “ሀ በሳይ ካህነት ናጋራ ያርሾነ ናቆ ያርሾ አሹዋ ዶይስያ በስነ ካ ያርሾ ኡክያ በሲ። ሄ በሳን ጎኤትያ ጋሶይ አሳ ቆሆይ ጋኮና መላ ጌሻ ያርሹዋፈ ካረ ዳባባ ከየና” ያግስ።