6 ነኖ አዛላዉ፥ ዝማዶኮ ባ፤ እያፐ ጭንጫተ ታማራ።
6 Neno azallaw, zimadoko ba; iyape cincatethi tamaara.
ካፎይ ፄልሽን፥ እያ ኦይካናዉ ግተ የገ ማደና።
ጫላባይ አቸ፥ ጩይ አይፈ ቆሄይሳዳ፥ አዛላ አስ ኪትዳይሳ ይሎዬስ።
አዛላተ ማንቅሴስ፤ ሽን ምንድ ኦሶይ ዱረዬስ።
አዛላይ አሞቴስ፤ አሞትኮነ አይባካ ደመና፤ ሽን ምንድ ኦይሳት ካላና።
አዛላ አሳ ኦገይ አጉንን ድረትስ፤ ሽን ሱረ አሳ ኦገይ ጊጋ።
አዛላ አስ ይስያ አሳፐ አይባካ ዱማተና።
አዛላተ ስኮ ኤሄስ፤ ኦሶ ኦና አስ ኮሻቴስ።
እስ እስ አስ ዳሮ አዛላ፤ ሀር አቶሽን ዎፀን ቱሽክዳ ኡይ ፑደ ባራናዉ ዋየቴስ።
አዛላ ጎሻንቾይ ዎደ ናግድ ጎየና፤ ካ ጫክያ ዎደ እ ዎሳናዉ ኮዬስ፤ ሽን አይባካ ደመና።
ኦናዉ ኮዮና ግሾ አዛላ አሞይ ዎስ።
አዛላ አስ፥ “ካረን ጋሞይ ደኤስ፤ ታና ኦገን ማና” ያጌስ።
ታ ናአዉ፥ ስአ፤ ጭንጫ ግዳ፤ ነ ዎዛና ሱረ ኦግያን ናጋ።
ሳአ ቦላ ኦይዱ ጉ መተት ደኦሶና፤ ሽን ኤንቲ አዳ ጭንጫ።
ሄሳትካ፥ ጩንጫለይ ዎልቅ ባይና መተ፤ ሽን ባንታዉ ምያባ ቦነ ሺሽድ፥ ምንጆሶና።
ነኖ አዛላዉ፥ ነ አዉደ ጋካናዉ ስካይ? ነ ስኮፈ አዉደ ባርካኔ?
ቦር ባ ጎዳ ኤሬስ፤ ሀረይካ ባና ሃርዳይሳ ዛዳሉዋ ኤሬስ። ሽን እስራኤለይ ኤረና፤ ታ አሳይ አኬከና።
ሀር አቶሽን፥ ሃ ካፎት ባንታ ዎድያ ኤሮሶና፤ ሆለት፥ ካሮትነ ማስቃላ ካፎት ባንታ ስምያ ዎድያ ናጎሶና፤ ሽን ታ አሳይ ጎዳ ዎጋ ኤሮኮና።
“እያ ጎዳይ ዛሪድ፥ ‘ሀ ኢታ አዛላ አይልያዉ፥ ታኒ ዘሮና በሳፈ ጫከይሳነ ርጮና በሳፈ ማፅያ አስ ግደይሳ ኤራዳሳ።
ሳሎ ካፎታ ፄልተ፤ ኤንቲ ዘሮኮና፥ ቡጮኮና፥ ሻለን የጎኮና፥ ሽን ህንተ ሳሎ አዋይ ኤንታ ሙዜስ። ህንተ ኤንታፈ ዳሮ አከቲ?
አዛሎፍተ፤ ህንተ አያናን ምንድ፥ ጎዳስ ኦተ።
ህንተ አማኖንነ ዳንዳአን ናግያ ኡፋይሳ ላትያ አሳ ዳናና መላፐ አትሽን፥ አዛላ ግዳና መላ ኮዮኮ።