Leemiso 17:23 - ጌሻ ማፃፋ

²³ ኢታ አስ ፕርዳ ጌላያናዉ ጌማን ዎፈ ኤኬስ።

Geeshsha Maxaafa

²³ Iita asi pirda geellayanaw geeman wodhaafe ekees.

Leemiso 17:23 ပူးပေါင်းရင်းမြစ်များ

Mikiyaasa 7:3

ኤንታ ናምኡ ኩሸት ኢታባ ኦናዉ ሎህዶሶና። ሀላቅነ ዳይን ዎፈ ኦይቾሶና፤ ዎልቃራ ደእያ አሳት ባንታ ኮይዳባ ዎልቃን ፖልሶሶና። ኤንቲ ኡባይ እስፈ ፕርዳ ምርቅድ ይሶሶና።

Leemiso 17:8

ዎፈ እመይሳስ ዎፈይ ብታ መላ፤ እ ብያ በሳ ኡባይ እያዉ እንጀቴስ።

Kessa 23:8

ዎፈ ኤኮፋ፤ ዎፈይ ሱረ ፄልያ አሳ አይፈ ቆቅሴስ፥ ፅሎታ ፕርዳ ምርቄስ።

Zaaretho 16:19

ፅሎ ፕርዳ ዎቢሶፓ፤ ሶምኦ በአዳ ማዶፋ፤ ዎፈ ኤኮፋ። ዎፈይ ጭንጫታ አይፍያ ቆቅሴስ፥ ፅሎታ ቃላ ጌላዬስ።

Mikiyaasa 3:11

እያ ሀላቃት ዎፈን ፕርዶሶና፤ ካህነት ሚሸን ታማርሶሶና፤ ናበት ሚሸይ ባይና ሙሩኖኮና። ሽን ሄ ኡባ ኦድ፥ “ጎዳይ ኑ ግዶን ደእያ ግሾ፥ ኑ ቦላ ኢታባይ ዬና” ያግድ እያ አማነቶሶና።

Hizqeela 22:12

ነ ግዶን እሶት እሶት ሚሸ ኤክድ፥ ሸምፖ ዎኦሶና፤ ሀራት ባንታ ሚሽያ ባንታ ያራ ግድዳ እስራኤለታስ የሎራ ታልኦሶና፤ ኤንታ ቦንቅድ ባንታዉ ዱረቶሶና፤ ታና ኩመ ዶግዶሶና” ያጌስ ኡባ ሃርያ ጎዳይ።

Isayaasa 1:23

ህንተ ሀላቃት ማካላንቾታነ ካይሶ ላገ ግድዶሶና፤ ኤንቲ ኡባይ ዎፈ ዶሰይሳታነ ኩሸ ፄለይሳታ። ይኦታስ ሱረ ፕርዶኮና፤ አምኤታ ዋሱዋ ስኦኮና።

Leemiso 21:14

ጌማን እምያ እሞይ ሀንቆ ዶሽሴስ፤ ቆሳን እምዳ ዎፈይ ሀንቆ እርፅሴስ።

Leemiso 18:16

እሞት እመይሳስ ኦገ ዶዬስ፤ ግታ አሳታራ ኤርሴስ።

1 Sameela 12:3

ሄኮ፥ ታኒ ህንተ ስንን ኤቃስ፤ ጎዳ ስንንነ እ ትይዳ ካዋ ስንን ታ ቦላ ማርካትተ። ታኒ ኦደ ቦሩ ኤካድና? ኦደ ሀረ ኤካድና? ኦና ጭማድና? ኦና ኡንኤድና? በአሸ በኦናዳ ሀናናዉ ኦደፈ ዎፈ ኤካድና? ሀይሳታፐ እሱዋ ታኒ ኦዳባ ግድኮ ታዉ ኦድተ፤ ታ ቃንፃና” ያግስ።

1 Sameela 8:3

ሽን እያ ናይት ባንታ አዋ ኦግያ ካልቦኮና። ኤንቲ በሶና ጎአ ደማናዉ ጉየ ስምዶሶና፤ ዎፈ ኤክዶሶና፥ ሱረ ፕርዳ ዎቢስዶሶና።

Erata 7:7

ገነ ኦሶይ ጭንጫ አስ ኤያ ከሴስ፤ ዎፈ ኤኮይ ዎዛና ኢሴስ።

Isayaasa 5:23

ቆህዳ ኡራ ፅልሳናዉ ዎፈ ኤክድ፥ ፅሎ አሳ ሱረ ፕርዳ ጌላየይሳታ አየ!

Hizqeela 22:27

ሀላቃት ባንታ ዎዳባ ዱሰረያ ሱመ መላ፤ ኤንቲ ባንታዉ በሶና ዱረተ ደማናዉ ሸምፖ ዎኦሶና።

Mikiyaasa 3:9

ህንተ ሱረ ፕርዳ እፀይሳትነ ሎኦባ ጌላይያ ያይቆባ ኮቻታ ሀላቃትነ እስራኤለ አሳ ካለይሳት ሀይሳ ስእተ።