Iyyasu 11:8 - ጌሻ ማፃፋ

⁸ ጎዳይ ኤንታና እስራኤለታ ኩሸን አድ እምስ። እስራኤለት ኤንታ ኦልድ፥ ግታ ስዶናነ ማስሮታ ጋካናዉ፥ ቃስ ዶሎሀ ባጋን ደእያ ምፅጳ ዛንጋራ ጋካናዉ ኤንታና የደዶሶና። ኤንታፈ እስ አስካ አሾና ኡባ ዎዶሶና።

Geeshsha Maxaafa

⁸ Goday entana Isra7eeleta kushen aathidi immis. Isra7eeleti enta olidi, gita Sidoonanne Masroota gakanaw, qassi doloha baggan de7iya Mixipha zangaara gakanaw entana yedethidosona. Entafe issi asika ashshona ubbaa wodhidosona.

Iyyasu 11:8 ပူးပေါင်းရင်းမြစ်များ

Medhetethi 10:15

ካናነይ ባ ባይራ ናአ ስዶናነ ሄታ የልስ።

Medhetethi 49:13

“ዛብሎን አባ ዶናን ዳና፤ እ አባ ዶናን ማርካበት ኤቅያ በሲ ግዳና፤ እያ ዛዋይ ስዶና ጋካና።

2 Sameela 24:6

ያፐ ኤንቲ ጋላዳነ ህተታ ቢታን ደእያ ቃደሳ ብዶሶና፤ ያፐ ቃስ ዳነ ብዶሶና፤ ያራ ስዶና ጋክዶሶና።

Isayaasa 23:4

ነኖ ስዶና ካታማዉ፥ አባ ማታን ደእያ ሚፃዉ፥ አባይ፥ “ታኒ እቀታብከ፤ የላብከ፤ አደነ ማጫ ናአ ድቻብከ” ያግድ ኦድዳ ግሾ ዬላታ።

Zakaryaasa 9:2

ቃስ ሀ ፕርዳይ ሀድራካ ዛዋ ግድዳ ሀማታ ካታማነ ቃራ ግድዳ ፅሮሳነ ስዶና ካታማታ ቦላ ሀ ፕርዳይ ጋካና።

Zaaretho 7:2

ጎዳይ ነ ፆሳይ ነ ኩሸን አድ እምን፥ ነ ኤንታ ፆንያ ዎደ፥ ኤንታ ኩመ ይሳ። ኤንታራ አይብባካ ጫቆፋ፤ ኤንታዉ ቃቶፋ።

Zaaretho 9:3

ሽን ምያ ታማዳ ኔፐ ስንራ በይ ጎዳ፥ ነ ፆሳ ግደይሳ ሀች ኤራ። እ ኤንታ ይሳናነ ነ ስንን ኤንታ ካዉሻና። ጎዳይ ነዉ ግዳይሳዳ ነ ኤንታ ጎዳዳ ከሳናነ ኤለሳዳ ይሳና።

Iyyasu 10:20

ጉ አሳት ባቃትድ ባንታ ግምበትዳ ካታማ ገልድ አትኮካ፥ እያሱይነ እስራኤለ አሳይ አሳ ኡባ ዎዶሶና።

Iyyasu 11:3

ቃስ ዶሎሀነ ዉሎሀ ባጋን ደእያ ካናነታስ፥ አሞረታስ፥ ህተታስ፥ ፓርዘታስ፥ ደረይ ዳርያ ቢታን ደእያ ያቡሰታስነ ምፅጳን አርሞና ዙማፐ ጋርሳን ደእያ ህወታስ ኪትስ።

Iyyasu 11:7

እያሱይነ እያ ኦላንቾት ኡባይ ኤንቲ ቆፖና ደእሽን መሮመ ሃ ማታን ኤንታ ቦላ ከይድ ኦልዶሶና።

Iyyasu 13:6

ልባኖሰፐ ብድ ማሰሮና ጋካናዉ ገዘ ቢታን ደእያ ስዶናታ ኡባ ታኒ እስራኤለታ ስንፈ ጎዳ ከሳና። ታኒ ነና ኪትዳይሳዳ ሄ ቢታ እስራኤለ አሳስ ላታ ኦዳ ሻካ።

Iyyasu 19:28

ኤብሮና፥ ረሆባ፥ ሀሞናነ ቃና ካንድ፥ ስዶናን ዛዋቴስ።

Iyyasu 21:44

ጎዳይ ኤንታ አዋታስ ጫቅዳይሳዳ፥ ኤንታ ሳሮን ዎስ። ኤንቲ ኦላስ ከይዳ ዎደ ኡባን ኤንታ ሞርከት ኤንታራ ኤቀታናዉ ዳንዳእቦኮና።