Isayaasa 24:3 - ጌሻ ማፃፋ

³ ቢታ ኡባይ ቦንቀትድ ባይሳ ግዳና፤ ጎዳይ ሀ ቃላ ኦድስ።

Geeshsha Maxaafa

³ Biitta ubbay bonqetidi baysa gidana; Goday ha qaala odis.

Isayaasa 24:3 ပူးပေါင်းရင်းမြစ်များ

2 Taarike 36:21

ጎዳይ ናብያ ኤርምያሳ ባጋራ ኦድዳ ቃላይ ፖለትስ። ዉርሰን ቢታይ ላፑን ታሙ ላይ አስ ባይና በሲ ግድድ ሸምፕስ። ቢታይ ሳምባታ ሸምፖ ደምስ።

Isayaasa 21:17

ቀዳረን ደእያ ዶንገን ዱክያ ዎልቃማ ኦላንቾታፐ ጉት አታና፤ ጎዳይ እስራኤለ ፆሳይ ሄሳ ኦድስ” ያግስ።

Isayaasa 22:25

ኡባፈ ዎልቃማ ጎዳይ ሀይሳዳ ያጌስ፦ “ሄ ጋላስ አማንያ በሳን ሽዳ ቶለይ ክቻና፤ ቃንፀታናነ ኩንዳና። እያ ቦላ ካቀትዳ ቶሆ ኡባይ ዱፅድ ዎና” ያጌስ። ጎዳይ ሀይሳ ኦድስ።

Isayaasa 24:1

ሄኮ፥ ጎዳይ ቢታ ላላናነ ባይሳ ከሳና፤ እ፥ ቢታ ይስድ እያን ደእያ አሳ ላላና።

Isayaasa 24:2

አስ ኡባይ እስኖ ግዳና፤ ካህነይ አሳራ እስኖ ግዳና፤ አይለይ ጎዳራ እስኖ ግዳና፤ ጋንድያ ጎዳተራ እስኖ ግዳና፤ ሻመይስ ባይዘይሳራ እስኖ ግዳና፤ ታልኤ እመይስ ታልኤ ኤከይሳራ እስኖ ግዳና፤ አጮ አቸይስ አጮ ጭገይሳራ እስኖ ግዳና።

Isayaasa 24:4

ቢታይ መላና፥ እያ አጫይ ሹላና፤ አላመይ አርጋጫና፥ ዳቡራና፤ ቢታን ደእያ ዎልቃማ አሳይ ዳቡራና።

Isayaasa 42:22

ሽን ሀ አሳይ ቦንቀትስ፤ ደእያባ ኤከትስ። ኦላ ግዶን ፅሄን ኦይከትስ፥ ቃሾ ኬን ኤንታ ቦላ ጎርደትስ። ኤንቲ ቦንቀትዶሶና፥ ሽን ኤንታ አሸይ ባዋ፤ ድኤትዶሶና፥ ሽን ኦንካ “ኤንታ ጉየ ዛራ” ግያ አስ ባዋ።

Isayaasa 5:6

ታኒ ሄ ጋድያ ቁኤ ኦና፤ ዎይነይ ፅንተተና፥ ሀርመተና። ሄ በሳን ክንቾተይነ አጉን ዶላና፤ እር እያ ቦላ ቡኮና መላ ታኒ ሻራ ኪታና” ያግስ።

Isayaasa 6:11

ታኒ፥ “አቤት ጎዳዉ፥ ሄስ ሀናናይ አዉደ ጋካናሴ?” ያጋስ። እ ዛሪድ፥ “ካታማት ላለታና ጋካናዉ፥ ኬት ካይሳ ግዳና ጋካናዉ፥ ቢታይ ፖሎ ዶገታና ጋካናዉ፤

Ermiyaasa 13:15

ሀይሳ ኦደይ ጎዳ ግድያ ግሾ ህንተ ኦቶሩዋ አግድ ስእተ፤ አኬክተ።

Hizqeela 36:4

ጎዳ ቃላ ስእተ! ኡባ ሃርያ ጎዳይ ደረታኮ፥ ዙማታኮ፥ ዛንጋራታኮ፥ ኦላታኮ፥ ዩሹዋን ደእያ ሀራ ካዎተን ቦንቀትዳ፥ ቀልቅሰትዳነ ባይሳ አትዳ ካታማታኮ ሀይሳዳ ያጌስ።

Mikiyaasa 2:4

“ሄ ዎደ ኤንቲ ህንተ ቦላ ሌምሶን ቀልቅሳና፤ ቃስ ሀይሳዳ ያግድ ዘሌልሸ ህንተና ኦዳ ጫዳና። ‘ኑኒ ኡባይ ቱማ ይዳ፤ ጎዳይ ኑ ቢታ ኤክድ፥ ኑና ድእዳይሳታስ ሻክድ እሚስ’ ” ያጌስ ጎዳይ።

Mikiyaasa 4:4

ሽን አስ ኡባይ ባ ዎይነ ኩያንነ ባላሰ ኩያ ጋርሳን ዎፑ ግድ ኡታና፤ ህርግስያባይ አይብካ ባዋ። ኡባፈ ዎልቃማ ጎዳይ ሄሳ ኦድስ።

Zaaretho 29:23

ቢታ ኡባይ ዲነንነ ማፅነን ኩማና፤ ቶከትያባይ ዴና፤ ዶልያባይ በንተና፤ ማትነ ም ዶለና። ጎዳይ ባ ሀንቆን ይስዳ ሶዶማዳነ ጋሞራዳ፥ አዳማዳነ ፃቦይማ ካታማታዳ ሀናና።

Zaaretho 29:28

ጎዳይ ዎልቃማ ሀንቆ ሀንቀትድ፥ ኤንታ ቢታፈ ኤንታና ሾድድ ሀራ ቢታ የደስ” ያጋና።