Ibraawe 2:14 - ጌሻ ማፃፋ

¹⁴ ናይት አሾይነ ሱ ደኤይሳታ ግድያ ግሾ፥ የሱሲካ ኤንታዳ አሰ ግድስ። እ ሄሳ ኦዳይ፥ ሀይቆ ቦላ ዎልቅ ደእያ ፃላህያ ባ ሀይቁዋን ይሳናሳ።

Gofa New Testament

¹⁴ Nayti ashoynne suuthi de7eyssata gidiya gisho, Yesuusikka enttada ase gidis. I hessa oothiday, hayqo bolla wolqqi de7iya Xalahiya ba hayquwan dhayssanaassa.

Geeshsha Maxaafa

¹⁴ Nayti ashoynne suuthi de7eyisata gidiya gisho, Yesuusika entada ase gidis. I hessa oothiday, hayqo bolla wolqi de7iya Xalahiya ba hayquwan dhaysanaasa.

Ooratha Caaquwa Goofatho

¹⁴ Nayti ashoynne suuthi de7eyssata gidiya gisho Yesuusikka enttada ase gidis. I hessa oothiday, hayqo bolla wolqqi de7iya Xalahiya ba hayquwan dhayssanaassa.

ኦራ ጫቁዋ ጎፋ

¹⁴ ናይቲ ኣሾይኔ ሱ ዴዔይሳታ ጊዲያ ጊሾ ዬሱሲካ ኤንታዳ ኣሴ ጊዲስ። ኢ ሄሳ ኦዳይ፥ ሃይቆ ቦላ ዎልቂ ዴዒያ ፃላሂያ ባ ሃይቁዋን ይሳናሳ።

Ibraawe 2:14 ပူးပေါင်းရင်းမြစ်များ

Medhetethi 3:15

ታኒ፥ ነ ግዶንነ ማጫሰ ግዶን፥ ነ ሼሻ ግዶንነ እ ሼሻ ግዶን ሞርከተ ዎና። እ ነ ሁጵያ ቆፃና፥ ነካ እያ ግንድያ ዱካና” ያግስ።

Isayaasa 25:8

እ መርናዉ ሀይቆ ምታና፤ ኡባ ሃርያ ጎዳይ አይፈ ኡባፈ አፉ ቁቻና፤ ባ አሳ ካዉሻ ቢታ ኡባፈ ድጋና። ጎዳይ ሀይሳ ኦድስ።

Isayaasa 53:12

ሄሳ ግሾ፥ ታኒ እያ ግሹዋ ግታ አሳታ ግዶን እማና፤ ምኖታራ እ ድኡዋ ሻከታና። እ ባ ሸምፑዋ ሀይቆስ አድ እምድ፥ ኢታታራ ፓይደትስ። እ ዳሮ አሳ ናጋራ ቶክስ፤ ጌላታስ ጋናትስ።

Isayaasa 7:14

ሄሳ ግሾ፥ ጎዳይ ባ ሁጰን ህንተዉ ማላ እማና፤ ጌላእያ ቃንታዳ አደ ናአ የላና፤ እያ ሱንካ አማኑኤላ ጋዳ ፄጋና።

Hose 13:14

ታኒ ኤንታ ዱፎፐ አሻና፤ ሀይቆ ዎልቃፈ ዎዛና። ሀይቆ፥ ነ ጋዶይ አዉኔ? ስኦለ፥ ነ ይሶይ አዉኔ? ታኒ ታ አሳስ ቃትከ።

Maatosa 16:17

የሱሲ ጰፅሮሳኮ፥ “ዮና ናኣ ስሞና፥ ኔኒ አንጀትዳይሳ! ሀይሳ ነዉ ቆንጭስዳይ ሳሉዋን ደእያ ታ አዋፐ አትሽን፥ አሰ ግደና።

Maatosa 25:41

“ሄ ዎደ ሀድርሳ ባጋራ ደኤይሳታኮ፥ ‘ሀ ባደትዳይሳቶ፥ ታ ማታፐ ሃክተ። ፃላሄስነ እያ ኪታንቾታስ ጊግዳ መርና ታማን ቢተ።

Yohaanisa 1:14

ቃላይ አሰ ግድስ፤ አ ኬሀተነ ቱማ ኩምድ ኑ ግዶን ደእስ። እ አዋስ እስ ናኣ ግድድ ኤክዳ እያ ቦንቹዋ ኑኒ በእዳ።

Yohaanisa 12:24

ታኒ ህንተዉ ቱማ ኦዳይስ፤ እስ ግስተ አይፈይ ቢታን ዎድ ዎቆና እፅኮ ባርካ አቴስ። ሽን ሄ ግስተ አይፈይ ዎቅኮ ዳሮ አይፈ አይፌስ።

Roome 14:9

ክርስቶስ ሀይቅድ ሀይቆፐ ደንድዳይ፥ ደኦን ደኤይሳታስነ ሀይቅዳይሳታስ ጎዳ ግዳናሳ።

Roome 8:3

ኑ ናጋራ አሳተ ጋሶን፥ ህገይ ዳቡራንቾ ግድያ ግሾ ኑና አሻናዉ ዳንዳእቤና። ፆሳይ ባ ናኣ ናጋራንቾ አሳ ሌምሶን ናጋራስ ያርሾ ግዳና መላ ኪትድ ሄሳ ኦስ። ያትድ፥ ፆሳይ ክርስቶሳ አሹዋ ባጋራ ናጋራ፥ ናጋራንቾ አሳ ግዶን ፕርድስ።

1 ቆሮንቶሳ 1:28

ሀ አላምያን ግታ ጌተትዳባ ይሳናዉ፥ ፆሲ፥ ሀ ሳኣ ካዉሻባ፥ ካትዳባነ ፓናባ ዶርስ።

1 ቆሮንቶሳ 15:50

ታ እሻቶ፥ ታ ገይስ ሄሳ፤ ሀእ ኑ ማእዳ አሳተይ ፆሳ ካዎተ ላታናዉ ዳንዳኤና። ዎቅያ አሳተይ ዎቆና አሳተ ላተና።

Galatiya 4:4

ሽን ዎደይ ጋክዳ ዎደ ፆሳይ ህገፈ ጋርሳን፥ ማጫሳፐ የለትዳ ባ ናኣ ኪትስ።

Qolaasiyasa 2:15

ክርስቶስ ዎልቃታነ ማታታ ማስቃልያን ፆንድ፥ ኤንታ ኦላ ዳንጩዋ ብልስድ፥ ድኤትዳ አሳዳ ኤንታ ቆንጨን ዩሽ በስስ።

1 ፅሞትዮሳ 3:16

ኑ አማኑዋ ፁራይ ስይ ባይና ግታ። ክርስቶስ አሾ ማእድ ቆንጭስ፤ እያ ቱማተ ጌሻ አያናይ ማርካትስ። ኪታንቾታስ በንትስ፤ እ ካዎተ ኡባስ ሳባከትስ። አላመን ደእያ አሳን አማነትስ፤ ቦንቾን ሳሎ ኤከትስ።

2 ፅሞትዮሳ 1:10

ሀእ ሀ አ ኬሀተይ ኑና አሽያ ክርስቶስ የሱሳ ዩሳን ቆንጭስ። እ ሀይቆ ዎልቃ ይስድ፥ ዎንገላ ባጋራ ዮና ደኦ ኑስ ቆንጭስስ።

Ibraawe 10:10

የሱስ ክርስቶሲ ፆሳ ሸንያ ኦድ፥ ዛረና ኦገን እስ ቶሆ ባ አሹዋ ያርሽዳ ግሾ ኑኒ ጌይዳ።

Ibraawe 10:5

ሄሳ ግሾ፥ ክርስቶስ ሀ አላምያ ይዳ ዎደ ሀይሳዳ ያግስ: “ኔኒ ያርሾነ እሞ ኮያባካ፤ ሽን ታዉ አሾ ጊግሳዳሳ።

Ibraawe 2:17

አሳ ናጋራይ አቶ ጌተታና መላ ፆሳ ስንን ማርያነ አማነትዳ ካህነ ሀላቃ ግድስ። ሄሳ ግሾ፥ እ ኡባባን ባ እሻታ ዳናናዉ በሴስ።

Ibraawe 2:18

እ ባ ሁጰን ፓጨን ዋየትዳ ግሾ ፓጨተይሳታ ማዳናዉ ዳንዳኤስ።

Ibraawe 4:15

ኑ ካህነ ሀላቃይ ኑ ዳቡርያ ዎደ ኑስ ቃታናዉ ዳንዳኤይሳ። እ ኑዳ ኡባባን ፓጨትስፐ አትሽን፥ ናጋራ ኦቤና።

Ibraawe 9:15

ሄሳ ግሾ፥ ፄገትዳይሳት ፆሳይ እምዳ መርና ላታ ኤካና መላ ክርስቶስ ኦራ ጫቁዋስ ግዶ ግድድ ስገይሳ ግድስ። ሄስ ሀንዳይ አሳይ ኮይሮ ጫቁዋፐ ጋርሳን ደእያ ዎደ ኦዳ ናጋራፐ ኤንታና ዎዛናዉ እ ሀይቅዳይሳና።

1 ጰፅሮሳ 1:20

ፆሳይ አላመይ መታናፐ ካሰ ክርስቶሳ ዶርስ፥ ሽን ሀ ዉርሰ ዎድያን ክርስቶስ ህንተ ግሾ ቆንጭስ።

ዮሃኒሳ ቆንጬ 1:18

ታኒ ደኦን ደአይስ፤ ታኒ ሀይቃስ፥ ሽን ሄኮ መር መርናዉካ ደኦን ደአይስ። ሀይቆነ ስኦለ ቁልፐይ ታ ኩሸና።

ዮሃኒሳ ቆንጬ 12:9

ግታ ዳወይ፥ በን ሾሻይ፥ ሳአን የገትስ። እካ ዳቡሎሳ ዎይኮ ፃላሄ ጌተትያ አላምያ ባለይሳ። እ ባ ኪታንቾታራ እስፈ ዱገ አላምያ የገትስ።

ዮሃኒሳ ቆንጬ 2:10

ኔኒ ኤካናዉ ደእያ ዋይያ ባቦፋ። ፃላሄይ ህንተፈ እሶታ እሶታ ፓጫናዉ ቃሾ ኬን የጋና፤ ታሙ ጋላስ ጋካናዉ ህንተ ዋየታና። ሀይቃና ጋካናዉ አማነትዳይሳ ግዳ፤ ታ ነዉ ደኦ ካላቻ እማና።”

ዮሃኒሳ ቆንጬ 20:2

እ ዳውያ ኦይክድ ሙኩሉ ላይስ ቃችስ። ሄ ዳወይ ኮይሮ ሾሻ፥ ዳቡሎሳ ዎይኮ ፃላሄ።