Hose 9:4 - ጌሻ ማፃፋ

⁴ ኤንቲ ጎዳስ ዎይነ ኡሻ ያርሾ ጉሶኮና፤ ኤንታ ያርሾይ እያ ኡፋይሰና። ሄ ያርሾይ ኤንታዉ ሾቻ መላ ግዳና፤ ሄሳ ምያ ኡባይ ቱናና። ሄ ካይ ኤንታ ኮሻ ፃላላ ዛራናሳፈ አትሽን፥ ጎዳራ ደእያ እስፈተስ ማደና።

Geeshsha Maxaafa

⁴ Enti Godaas woyne ushsha yarsho gussokona; enta yarshoy iya ufaysenna. He yarshoy entaw shocha mela gidana; hessa miya ubbay tunana. He kathay enta koshaa xalaala zaaranaasafe attishin, Godaara de7iya issifetethaas maaddenna.

Hose 9:4 ပူးပေါင်းရင်းမြစ်များ

Kessa 29:40

ኮይሮ ማራዝያራ እስ ክሎ ግራመ ግድያ ጌሻ ሎኦ ግስተ ለ፥ እስ ልትሮ ሻማሆ ዛይተራ ግንዳዳ ያርሻ። እስ ልትሮ ዎይነ ኡሻ ያርሾ ኦዳ ጉሳ።

Kessa 40:23

ጎዳይ ኪትዳይሳዳ፥ ጎዳ ስንን ዎያ ጌሻ ዳቡዋ እያ ቦላ ዎስ።

Isayaasa 57:6

ዛንጋራን ደእያ ሊቆ ሹቻት ህንተ ፆሳታ፤ ህንተ ኤንታዉ ኡሻ ያርሾ ትግደታ። ካ ያርሾካ እምደታ ያትን፥ ታኒ ሀይሳን ሀንቀትክና?

Isayaasa 66:3

ኮርማ ያርሸይ አሰ ዎያ አሳ መላ፤ ኡርገ ዶርስ ያርሸይ ካና ያርሽያ አሳ መላ፤ ካ ያርሾ ያርሸይ፥ ጉዱን ሱ ያርሽያ አሳ መላ፤ ቆፍሶ እፃነ ጩይሰይ ኤቃ ጎይንያ አሳ መላ። አሳ ኡባይ ባዉ እንጀትያ ኦገ ዶርዶሶና፤ ኤንታ ሸምፖይ ኤንታ ቱናተን ኡፋይቴስ።

Ermiyaasa 16:7

ዬክያ አሳስ ሾቹ ኤፍድ፥ ኤንታራ እስፈ ምድ ኡይድ፥ ካዩዋ ባለያ አስ እሶይካ ዴና። ሀር አቶሽን፥ አይያ ዎይኮ አው ሀይቅዳ አሳካ ምንያ አስ ባዋ።”

Ermiyaasa 6:20

ሳባ ቢታፈ እፃነ ዎይኮ ሃሆ ቢታፈ ይዳ ሳዎይነ ቅማመይ ታዉ አይሴ? ህንተ ፁሳ ያርሾይካ ኤከተና። ህንተ ያርሾይ ታና ኡፋይሰና” ያጌስ።

Hizqeela 24:17

ኦላ፥ ሽን ነ ኦልያ አስ ስኦፖ፤ ሀይቅዳርስ ካዮቶፋ። ኔኒ ነ ሁጰን ቃጨ ፃፃ፤ ነ ቶሁዋን ጫማ አ። ነ ዶና ካሞፋ፤ ሾች ሞፓ።”

Hizqeela 24:22

ሄ ዎደ ታ ኦዳይሳዳ ህንተ ኦና። ህንተ ዶና ካመከታ፤ ሾቹ ሜከታ።

Daanela 1:8

ዳነል ካዋ ካ ምድነ ዎይነ ኡሻ ኡይድ፥ ባና ቱንሶና መላ ባ ዎዛናን ቆፋ ቃችድ፥ ሄ ቆፋ ኤካናዳ፥ ካዋ ኦሳንቾታ ሀላቃ ዎስስ።

Hose 3:4

እስራኤለ አሳይ ካዎይ ዎይኮ ሀላቅ ባይና፥ ያርሾይ ዎይኮ ኤቃ ቱስ ባይና፥ ኤፉደ ማኦይ ዎይኮ ኤቃ ምስለይ ባይና ዳሮ ዎደ ዳና።

Hose 7:16

ኤንቲ ሀዳባኮ ስምዶሶና። ኤንቲ አማንና ዶንገ ግድዶሶና። ኤንታ ሀላቃት ኢታባ ኦደትዳ ግሾ ማሻን ዉራና፤ ሄስካ ኤንታዉ ግብፀን ሚቻስ ግዳና።

Hose 8:13

ኤንቲ ያርሻናዉ ዶሶሶና፤ ያርሾ አሹዋ ሞሶና፥ ሽን ጎዳይ ኤንታ ያርሹዋ ኤክቤና። እ ሀእ ኤንታ ናጋራ ሀሳያና፤ ኤንታ ናጋራ ግሾ ኤንታ ሴራና፤ ኤንቲ ግብፀ ቢታ ስማና።

Iyyu7eela 1:13

ህንተኖ ካህነቶ፥ ካዮ ማኦ ማእድ ዬክተ፤ ህንተኖ ያርሾ በሳ ስንን ኦይሳቶ፥ ዘሌልተ። ህንተኖ ታ ፆሳ ስንን ኦይሳቶ፥ ፆሳ ኬ ገልድ ካዮ ማኦ ማእድ አቅተ። ካ ያርሾይነ ኡሻ ያርሾይ፥ ፆሳ ኬን ያርሽያባይ ባዋ።

Iyyu7eela 1:9

ካ ያርሾይነ ኡሻ ያርሾይ ጎዳ ኬን ይዳ ግሾ፥ ጎዳ ኬን ኦያ ካህነት ዬኮሶና።

Iyyu7eela 2:14

ጎዳይ ህንተ ፆሳይ፥ ባ ሀንቁዋፈ ስሚድ ህንተና አንጃነኮ ኦን ኤሪ? ሄ ዎደ ጎዳስ ህንተ ፆሳስ፥ ካ ያርሾነ ኡሻ ያርሾ ያርሻና።

Leeweta 17:11

አይስ ጊኮ አሾ ማእዳ ኡባ ደኦይ እያ ሱ ግዶን ደኤስ፤ ሱ ደኦይ እያ ግዶን ደእያ ግሾ ናጋራ አቶ ጊሴስ። ህንተ ናጋራ አቶተስ ሱ ያርሻና መላ ህንተዉ እማስ።

Leeweta 21:17

“ኔኒ አሮናስ ሀይሳዳ ያጋዳ ኦዳ፤ ነ ኮቻፈ አሳተን ቦረይ ደእያ ኦንካ ካ ያርሾ ታዉ ያርሻናዉ በሰና።

Leeweta 21:21

ካህንያ አሮና ኮቻፈ አሳተን ቦረይ ደእያ አስ ኦንካ ጎዳስ ፁሳ ያርሾነ ካ ያርሾ ሺሻናዉ ያርሾ በሳ ያናዉ በሰና።

Leeweta 21:6

ኤንቲ ጎዳስ ፁሳ ያርሾነ ካ ያርሾ ሺሽያ ካህነታ ግድያ ግሾ ባንታ ፆሳስ ጌሽ ግዶ፤ ባንታ ፆሳ ሱን ቱንሶፖ። ሄሳ ግሾ፥ ኤንቲ ጌሽ ግዳናዉ በሴስ።

Leeweta 21:8

ካህነት ህንተ ፆሳስ ካ ያርሾ ያርሸይሳታ ግድያ ግሾ፥ ህንተ ኤንታ ጌሽ ኦድ ኤክተ። ህንተና ጌሽያ ጎዳይ፥ ታኒ፥ ጌሽ ግድያ ግሾ፥ ኤንቲ ጌሽ ግዶ።

Amoxe 5:22

ህንተ ታዉ ፁሳ ያርሾነ ካ ያርሾ ሺሽያ ዎደ ታኒ ኤክከ። ቃስ ህንተ ታዉ እስፈተ ያርሾስ ኤህያ ዶረትዳ ሞ መሄታ በእከ።

Milkiyaasa 2:13

ቃስ ህንተ ኦያ ሀራባይ አይበ ጊኮ፥ ጎዳይ ህንተ ያርሹዋኮ ፄሎና ግሾ ዎይኮ ኡፋይሳን ኤኮና ግሾ ያርሾ በሳ አፉን፥ ዬሆንነ አዛኖን ኩንታ።

Taybo 19:11

“አሀ ቦችያ ኦንካ ላፑን ጋላስ ዎጋዳ ቱና ግዳና።

Taybo 28:2

“እስራኤለ አሳ ሀይሳዳ ያጋዳ ኪታ፤ ፁገትያ ሳውያ ካ ያርሾ ዎደን ዎደን ታዉ ያርሽተ።

Taybo 4:7

“ጎዳስ ሺቅያ ኡይ ዎያ ፃርጴዛ ቦላ ካሎሰ ጫርቀ ካሞ። ፃርጴዛ ቦላ ሳነታ፥ ጭልፓታ፥ ፁአታነ ዎይነ ኡሻ ያርሹዋ ዱቅያ ኦቶታ ዎና። ኡይይ ኡባ ዎደ ፃርጴዛ ቦላ ደኦ።

Yohaanisa 6:51

ሳሎፐ ይዳ ደኦ ኡይይ ታና። ኦንካ ሀ ኡይ ሚኮ መርናዉ ዳና። ቃስ ሀ አላመይ ደኦን ዳና መላ ታኒ ህንተዉ እማና ኡይይ ታ አሹዋ” ያግስ።

Zaaretho 26:14

ታ ካዮትያ ዎደካ፥ ሄ አስራታፐ አይባካ ማብከ፤ ታ ቱንዳ ዎደካ እያ ቦቻብከ፤ ሀይቅዳ አሳስ እያፐ እማብከ። ታኒ ጎዳ፥ ታ ፆሳ ቦንቻስ፤ እ ታና ኪትዳባ ኡባ ፖላስ።