Hose 8:5 - ጌሻ ማፃፋ

⁵ ሳማረ አሳዉ፥ ህንተ ማር ዳንስድ መዳ ኤቃ ታ እፃስ፤ ታ ሀንቆይ ህንተ ቦላ ኤፅስ። ኤንቲ ቱንዳ መላ አዉደ ጋካናዉ ዳኔ?

Geeshsha Maxaafa

⁵ Samaare asaw, hinte mari daanisidi medhida eeqa ta ixas; ta hanqoy hinte bolla eexis. Enti tunida mela awude gakanaw daanee?

Hose 8:5 ပူးပေါင်းရင်းမြစ်များ

2 Taarike 13:8

“ጎዳይ ዳዊታ ኮቻስ እምዳ ካዎተራ ህንተ ኤቀታናዉ ቆፔታ። ህንተ ሄሳ ቆፕዳይ ህንተ ዳሮ ግድያ ግሾነ ፆሳታ ግዳና መላ እዮርባም ዎርቃፈ መዳ ማራት ህንተራ ደእያ ግሾሳ።

Mazmure 19:13

ታና ነ አይልያ፥ ኤርሸ ኦያ ናጋራፐ ናጋ። ናጋር ታና ሃሮና መላ ማዳ፤ ሄ ዎደ ታኒ ሱረ ግዳና፥ ግታ ባላፐ ጌያና።

Leemiso 1:22

“ህንተኖ፥ አኬክ ፓጭዳይሳቶ፥ ህንተ አዉደ ጋካናዉ ኤያ ግድድ ዳኔ? ቀልቅሰይሳቶ፥ አዉደ ጋካናዉ ኡፋይታኔ? ኤያቶ፥ አዉደ ጋካናዉ ኤራተ እፃኔ?

Isayaasa 45:20

ህንተኖ ካዎተታ ግዶፈ አትዳይሳቶ፥ እስፈ ሃ ማታ ሺቅተ። ምፈ ኦሰትዳ ኤቃ ምስልያ ቶክ ዩየይሳታስ፥ አሻናዉ ዳንዳኦና ፆሳታ ዎሰይሳታስ ኤር ባዋ።

Ermiyaasa 13:27

ነ ቦርሶ ኦሱዋ፥ ኮርማ ፓራዳ ዚታስ ጫገይሳ፥ ዬል ባይና ላይማተ፥ ዙማ ቦላነ ደንባን ነ ኦያ እፀትዳ ኦሱዋ ታ በአስ። የሩሳላመ፥ ነና አየ! ነ አዉደ ጋካናዉ ጌዮና ዳኔ?” ያጌስ ጎዳይ።

Ermiyaasa 4:14

“ነኖ የሩሳላመ፥ አታና መላ ነ ዎዛና ሜጫዳ ኢታተፈ ጌያ። ኢታ ቆፋይ ነ ዎዛናን አዉደ ጋካናዉ ጋምአኔ?

Ermiyaasa 48:13

እስራኤለ አሳይ ባ አማነትዳ፥ ቤተለን ደእያ ኤቃን ካዉይዳይሳዳ ሞአበይ ባ ፆሳ ካሞሻን ካዉያና።

Hose 10:5

ሳማረ ካታማን ደእያ አሳይ ቤት-አዌናን ደእያ ማራ ምስልያስ ያሻን ኮኮሮሶና። እያ ቦንቾይ እያፐ ቃረትዳ ግሾ እያዉ ዬካና፤ ሄ ኤቃ ምስልያ ካህነት ዋሳና።

Hose 10:8

እስራኤለ አሳይ አዌና ካታማን ኤቃስ ጎይንሸ፥ ናጋራ ኦያ ቃ በሳት ላለታና። ኤንታ ያርሾ በሳን አጉንነ ጎምኦረይ ዶላና። ሄ ዎደ ኤንቲ ደረታኮ፥ “ኑና ቆስተ!” ዙማታኮ፥ “ኑና ገንተ” ያጋና።

Hose 13:2

ሀእካ ናጋራ ቦላ ናጋራ ኦሶና፤ ባንታ ብራ ሼሽድ ባንታዉ ኤቃ መዶሶና፤ ሂላን ኦሰትዳ ምስለታ ጊግስዶሶና፤ ኡባይካ ኩሸ ሂላን መትዶሶና። አሳይ ኤንታባ ኦድሸ፥ “ያርሽያ አሳይ ማራ ኤቃ ምስለታ ዬርተ” ያጎሶና።

Hose 8:6

ሀ ማራ ኤቃ ምስለይ ኩሸ ሂላን መትስፐ አትሽን፥ እ ፆሰ ግደና። ሳማረ ኤቃ ምስለይ መቀረታና።

Amoxe 8:14

ሳማረ ኤቃታራ ጫቅዳይሳት፥ ‘ዳና ፆሳይ ኤሮ!’ ያገይሳት፥ ‘በርሳበ ፆሳይ ኤሮ’ ያገይሳት ኩንዳና። ኤንቲ ዛር ደንዶኮና” ያጌስ።

Mikiyaasa 1:7

እያ ኤቃ ምስለት ኡባይ ትንቸታና፤ እያ ኤቃ ኬን ኦያ ላይማታስ እመትዳ ጋተይ ኡባይ ፁገታና፤ ታኒ እያ ኤቃታ ኡባ ይሳና። ሄ ጋተ ኡባይ ላይማን ደምዳባ ግድያ ግሾ፥ እካ ስሚድ፥ ሀራ ላይማስ እመታና” ያጌስ።

ሃዋሬታ ኦሱዋ 7:41

ሄ ዎደ ማር ዳንስድ ኤቃ ኦዶሶና። ሄ ኤቃስ ያርሾ ያርሽድ ባንታ ኩሸን ኦዳ ኦሱዋን ኡፋይትዶሶና።

Zaaretho 32:22

ታ ሀንቆይ ታማዳ ኤፃና፤ ስኦለ ጋካናዉ ፁጋና። ቢታን ደእያባ ኡባ ማና፥ ደርያ ባሱዋ ጋካናዉ ፁጋና።