Hose 8:14 - ጌሻ ማፃፋ

¹⁴ እስራኤለ አሳይ ባና መዳይሳ ዶግድ፥ ካዎ ጋታ ኬፅስ። ይሁዳ አሳይ ግምበትዳ ዳሮ ካታማታ ኬፅስ። ሽን ታኒ ሄ ካታማታን ታማ የድን፥ ኤንታ ሚፃ ማና” ያጌስ።

Geeshsha Maxaafa

¹⁴ Isra7eele asay bana Medhidaysa dogidi, kawo gadhota keexis. Yihuda asay gimbetida daro katamata keexis. Shin taani he katamatan tama yeddin, enta miixa maana” yaagees.

Hose 8:14 ပူးပေါင်းရင်းမြစ်များ

1 Kawota 12:31

እዮርባም ደረ ሁጰን ቃ ጎይኖ በሳታ ጊግስድ ሌወ ኮቸ ግዶና እፅኮካ ኦናካ ካህነ ኦድ ሹምስ።

1 Kawota 16:31

ናባፃ ናአይ እዮርባም ኦዳ ናጋራ ላፋባ ግድ ቆፎ ፃላላ ግዶናሽን፥ ስዶና ካዋ ኤትባላ ናእዉ ኤልዛቤሎ ባዉ ማቾ ኤክድ፥ ባኣለ ኤቃስ ኦሶነ ጎይኖ ዶምስ።

2 Kawota 18:13

ካዎይ ህዝቅያስ ካዎትዳ ታማነ ኦይዳን ላይን፥ አሶረ ካዎይ ሳናክሬም ግምበትዳ ይሁዳ ካታማታ ኡባ ኦልድ ኦይክስ።

2 Taarike 26:10

እያዉ ዙማ ፃጶንነ ደንባን ዳሮ መሄይ ደእያ ግሾ ሄ በሳታን አዱሳ ግምበ ሻኮታ ግምብድ ዳሮ ሃ ኦላታ ቦክስ። እ ጎሸ ዶስያ ግሾ ደረ ቦላነ አራዳ ቢታን እያዉ ዳሮ ጎሻንቾትነ ዎይነይ ቶከይሳት ደኦሶና።

2 Taarike 27:4

ደረይ ዳርያ ይሁዳ ቢታን ካታማታ ኬፅስ፤ ዎር ዳርያ ዙማ ቦላ ሚፃነ አዱሳ ግምበ ሻኮታ ግምብስ።

Mazmure 106:21

ኤንቲ ግብፀን ግታ ኦሶ ኦዳነ ኤንታና አሽዳ ፆሳ ዶግዶሶና።

Mazmure 95:6

ሃይተ፤ አነ ጉፋንድ እያ ጎይኖስ፤ ኑና መዳ ጎዳ ስንን ጉልባቶስ።

Isayaasa 17:10

ህንተ ህንተና አሽያ ፆሳ ዶግደታ፤ ህንተ ቆሰት አትያ ዛላ ቆፕበከታ። ሄሳ ግሾ፥ ኔኒ ሎኦ ምነ ካረ ቢታፈ ይዳ ሎኦ አታክልትያ ቶክኮካ፥

Isayaasa 29:23

ሽን ኤንቲ ታ ኩሸ ኦሶ ግድዳ ባንታ ናይታ ባንታ ግዶን በእያ ዎደ ታ ሱን ጌሻና፤ ኤንቲ ያይቆባ ጌሻ፥ ጌሻተ ናጋና፤ እስራኤለ ፆሳ ያሻተን ቦንቻና።

Isayaasa 42:13

ጎዳይ ምኖ አሳዳ ከያና፤ ባ ቃላ ቁ ኦድ ኦላ አዋጃና። ባ ቃላ ቁ ኦድ ገሬራና፤ ባ ሞርከታ ፆናና።

Isayaasa 42:25

ሄሳ ግሾ፥ እ ኤንታ ቦላ ባ ኤፅያ ሀንቁዋ ጉስስ፤ ኤንታ ዩሹዋ ታማ ላጮን ተቅስ፥ ሽን ኤንቲ ኤርቦኮና፤ እ ኤንታ ፁግስ፥ ሽን ኤንቲ አኬክቦኮና።

Isayaasa 43:21

ታኒ ታዉ መዳ ደረ ግድያ ግሾ፥ ታ ጋላታ አዋጃና ማላ ታ ሀይሳ ኦስ።

Isayaasa 9:10

“ፁበፐ ኬፀትዳ ኬት ላለትዶሶና፤ ሽን ኑ ዛሪድ ማሰትዳ ሹቻን ኬፃና፤ ቦባ ምት ቃንፀትዶሶና፤ ሽን ኑ ኤንታ በሳን ዝጋታ ላማና” ያግዶሶና።

Isayaasa 9:9

ኤፍሬማ አሳይነ ሳማረ ካታማ አሳይ ሀይሳ ኦዳይ ጎዳ ግደይሳ ኤርሸ፥ ኦቶሮንነ ጬቆን፥

Ermiyaasa 17:27

ሽን ህንተ ሳምባታ ጋላሳ ዱማይድ ቦንቾና አግድ፥ ሳምባታ ጋላሳን ቶሆ ቶክድ፥ የሩሳላመ ፐንገታራ ገልድ፥ ታ ህግያ መንኮ፥ ታ ሄ ፐንገታን ታማ ኦይና። የሩሳላመ ካዎ ኬታ ማና፤ ሄ ታማይ ቶኤና’ ” ያጌስ ጎዳ-ይ።

Ermiyaasa 2:32

ጌላእያ ባ አሌቁዋ፥ ሙሹርያ ባ ማኡዋ ዶጋይ? ሽን ታ አሳይ ታና ታይቦይ ባይና ጋላስ ዶግዶሶና።

Ermiyaasa 23:27

ኤንታ አዋት ባኣለ ኤቃ ጎይንድ ታ ሱን ዶግዳይሳዳ፥ ኤንቲ እሶይ እሱዋስ ኦድያ አሙሁዋን፥ ታ አሳይ ታ ሱን ዶጋና መላ ኦናዉ ቆፖሶና።

Ermiyaasa 3:21

ኤንቲ ባንታ ኦግያ ጌላይዳ ግሾነ ባንታ ፆሳ አግዳ ግሾ ማንቆ ዙማታፐ እስራኤለ አሳ ዋሶይነ ዬሆይ ስኤቴስ።

Ermiyaasa 5:17

ኤንቲ ህንተ ካነ ህንተ ጎሻ አይፍያ ማና፤ ህንተ አደ ናይታነ ማጫ ናይታ ዎና፤ ህንተ ዶርሳነ መህያ ቦንቃና፤ ህንተ ዎይንያነ ባላሰ ም ይሳና። ህንተ አማነትያ፥ ግምበትዳ ካታማታ ባንታ ማሻን ኦልድ ይሳና” ያጌስ።

Hizqeela 23:35

ኡባ ሃርያ ጎዳይ ሀይሳዳ ያጌስ፦ “ኔኒ ታና ዶግዳ ግሾ፥ ታዉ ዞኮ ዛርዳ ግሾነ ነ ላይማተ አሙዋስ ጋተ ኤካና።”

Hose 13:6

ታኒ ህንተና ሙዝን፥ ምድ ካልድ ኦቶርትደታ፤ ሄሳፈ ጉየ ታና ዶግደታ።

Hose 2:13

እያ ታና ዶጋዳ ባ ላገታ ካላዳ፥ ሳጋዮታንነ አሌቆታን አሌቀታዳ፥ ባኣለ ኤቃስ እፃነ ጩይስዳ ጋላሳታ ግሾ ታኒ እዮ ሴራና፤ ያጌስ ጎዳይ።

Hose 4:6

ታ አሳስ ኤራተ ባይና ግሾ ይዶሶና። ህንተ ኤራተ እፅዳ ግሾ፥ ታካ ህንተ ታዉ ካህነ ግዶና መላ እፃስ። ህንተ ፆሳ ህግያ ዶግዳ ግሾ፥ ታካ ህንተ ናይታ ዶጋና።

Amoxe 1:10

ሄሳ ግሾ፥ ታኒ ፅሮሳ ካታማ ድርሳን ታማ የዳና፤ ሄ ታማይ ካታማ ሚፃታ ማና” ያጌስ።

Amoxe 1:12

ሄሳ ግሾ፥ ታኒ ተማና ካታማ ቦላ ታማ የድን፥ ሄ ታማይ ቦሶራ ካታማ ሚፃታ ማና” ያጌስ።

Amoxe 1:14

ሄሳ ግሾ፥ ታኒ ራባ ካታማ ድርሳን ታማ የዳና፤ ሄ ታማይ ካታማ ሚፃታ ማና። ሄሳፈ ጉየ፥ ኦላ ጋላስ ዋሶይ ዳራና፤ ኦላንቾት ጎተዳ ዎልቃማና።

Amoxe 1:4

ሄሳ ግሾ፥ ታኒ ካዋ ሀዛኤላ ኬን ታማ የዳና፤ ሄ ታማይ ካዋ በን-ሀዳዳ ሚፃታ ማና።

Amoxe 2:5

ሄሳ ግሾ፥ ታኒ ይሁዳ ቦላ ታማ የዳና፤ ሄ ታማይ የሩሳላመ ሚፃታ ማና” ያጌስ።

Efesoona 2:10

ኑኒ ፆሳ መተ፤ እ ኑስ ካሰትድ ጊግስ ዎዳ ሎኦ ኦሶታ ኦና መላ ክርስቶስ የሱሳ ባጋራ ኦራ መትዳ።

Zaaretho 32:18

ኤንታዉ ደኦ እምያ ዛላ ዶግዶሶና፤ የልድ ድችዳ ፆሳ አግዶሶና።