Hose 7:16 - ጌሻ ማፃፋ

¹⁶ ኤንቲ ሀዳባኮ ስምዶሶና። ኤንቲ አማንና ዶንገ ግድዶሶና። ኤንታ ሀላቃት ኢታባ ኦደትዳ ግሾ ማሻን ዉራና፤ ሄስካ ኤንታዉ ግብፀን ሚቻስ ግዳና።

Geeshsha Maxaafa

¹⁶ Enti hadabaako simmidosona. Enti ammanthona donge gididosona. Enta halaqati iitaba odetida gisho mashshan wurana; hessika entaw Gibxen miichas gidana.

Hose 7:16 ပူးပေါင်းရင်းမြစ်များ

Mazmure 12:3

አቤት ጎዳዉ፥ ጭምያ ዶና ጎርዳ፤ ኦቶሮን ጬቀትያ እንፃርሳ ተቃ።

Mazmure 12:4

ኤንቲ፥ “ኑ እንፃርሳን ኑ ፆናና፤ ኑ ዶናይ ኑሳ፤ ኑስ ጎድ ኦኔ?” ያጎሶና።

Mazmure 12:5

“ማንቆታ ኡንኣ ግሾነ፥ መቶታንቾታ ኦልያ ግሾ፥ ሀእ ታኒ ደንዳና፤ ኤንቲ አሞትያ ሳሮተ ኤንታዉ እማና” ያጌስ ጎዳይ።

Mazmure 17:10

ኤንታዉ ቃይ ባዋ፤ ኦቶሮን ሃሳዮሶና።

Mazmure 52:2

ነኖ፥ ዎርዶ ኦደተይሶ፥ ነ ሀራታ ይሳናዉ ማቀታሳ፤ ነ እንፃርሳይ ቃራ ማቅላ መላ።

Mazmure 57:4

ታኒ ታ ሞርከታፐ ግዶን፥ አሰ ምያ ጋሞታፐ ግዶን ደአይስ። ኤንታ አቻይ ቶራነ ዶንገ ቶራ መላ፤ ኤንታ እንፃርሳይ ቃራ ማሻ መላ።

Mazmure 73:9

ባንታ ዶና ፆሳ ቦላ ዶዮሶና፤ ባንታ እንፃርሳ አሳ ቦላ አዱሶሶና።

Mazmure 78:37

ኤንታ ዎዛናይ ፆሳን ምንድ ኤቀና፤ እያ ጫቁዋስ አማነቶኮና።

Mazmure 78:57

ኤንቲ ባንታ አዋታዳ ጌላታነ ምንድ ኤቆና አስ ግድዶሶና፤ ዎበ ቶራዳ ዎራ ዎዶሶና።

Isayaasa 3:8

የሩሳላመይ ጋንድጋራሱ፤ ይሁድ ኩንዳናዉ ማታሱ፤ ኤንቲ ባንታ ኦዳንነ ባንታ ኦሱዋን ጎዳ ቦላ ደንድድ፥ እያ ቦንቹዋ ቶችዶሶና።

Ermiyaasa 18:18

አሳይ፥ “ካህነታ ማታን ህገይ፥ ጭንጫታ ማታን ዞረይ፥ ናበታ ማታን ቃል ዮና ግሾ አነ ኤርምያሳ ቦላ ማቀቶስ። ኑ እንፃርሳን ኦይኮስ፤ እ ኦድያ ቃላ ስኦና እፃና” ያግዶሶና።

Ermiyaasa 3:10

ሄ ኡባን እ ምችያ፥ አማነቶና ይሁድ ስምዳባ ዳናዉሱፐ አትሽን፥ ኩመ ዎዛናፐ ታኮ ስማቡኩ” ያጌስ ጎዳይ።

Ermiyaasa 42:18

“ኡባፈ ዎልቃማ ጎዳይ፥ እስራኤለ ፆሳይ፥ ‘የሩሳላመን ደኤይሳታ ቦላ ታ ሀንቆይነ ታ ይሎይ ጉክዳይሳዳ፥ ህንተ ግብፀ ገልያ ዎደ ህንተ ቦላ ታ ሀንቆይ ሄሳዳ ጉካና። ህንተ ዳጋማስ፥ ጫሻስ፥ ባደስነ ሚቻስ አታና፤ ሀ በሳ ዛሪድ በኤከታ’ ያጌስ።

Hizqeela 23:32

ኡባ ሃርያ ጎዳይ ሀይሳዳ ያጌስ፦ “ኔኒ ነ ምቸ ፁአፐ ኡያና፤ ሄ ፁአይ ግታነ ጪሞ። እ ትግን፥ ዳሮ ኤክያ ግሾ፥ አስ ኡባይ ነ ቦላ ሚጫናነ ነና ቅና።

Hizqeela 36:20

ኤንቲ ብዳ በሰ ኡባን አሳይ ኤንታ፥ ‘ሀይሳቲ ጎዳ አሳታ፤ ኤንቲ እያ ቢታፈ ከይዳይሳታ’ ” ያግድ ታ ጌሻ ሱን ቱንሳና መላ ኦዶሶና።

Daanela 7:25

እ፥ ኡባፈ ቃ ፆሳ ቦላ ኦቶሮን ኦደታና፤ ኡባፈ ቃ ፆሳ ጌሻታ ኡንኤና። ቃስ ዎደታነ ህግያ ላማናዉ አሞታና። ዎደይ፥ ዎደትነ ዎደ ባጋይ ጋካናዉ፥ ጌሻት እያ ማታፐ ጋርሳን ሃረታና።

Hose 11:5

ኤንቲ ታኮ ስሞና እፅድ ግብፀ ቢታ ስማና፤ አሶረ ቢታ ካዎይ ኤንታ ቦላ ካዎታና።

Hose 11:7

ታ አሳይ ታፐ ሃካናዉ ኮይስ። ኤንቲ ፆሳኮ ዋስኮካ፥ እ ኤንታና ቦንቸና።

Hose 6:4

ጎዳይ፥ “ታ ህንተና ኤፍሬማ አሳ ዋቶ? ታ ህንተና ይሁዳ አሳ ዋቶ? ህንተ ሲቆይ ዎንታ ፃሳ መላ፤ ኤለስድ ይያ አካ መላ።

Hose 7:13

“ኤንታ አየ! ኤንቲ ታፐ ሃክዶሶና። ኤንታዉ ዮ ግዶ! ኤንቲ ታ ቦላ ማካልዶሶና። ታኒ ኤንታ ዎዛናዉ ኮያስ፥ ሽን ኤንቲ ታ ቦላ ዎርዶ ሃሳዮሶና።

Hose 9:3

ኤንቲ ጎዳ ቢታን ጋምኦኮና። ኤፍሬም ግብፀ ቢታ ስማና፤ አሶረ ቢታን ቱና ካ ማና።

Hose 9:4

ኤንቲ ጎዳስ ዎይነ ኡሻ ያርሾ ጉሶኮና፤ ኤንታ ያርሾይ እያ ኡፋይሰና። ሄ ያርሾይ ኤንታዉ ሾቻ መላ ግዳና፤ ሄሳ ምያ ኡባይ ቱናና። ሄ ካይ ኤንታ ኮሻ ፃላላ ዛራናሳፈ አትሽን፥ ጎዳራ ደእያ እስፈተስ ማደና።

Hose 9:6

ኤንቲ ዮፐ ከስ ኤክኮካ ግብፀይ ኤንታ ሺሻና፤ መምፕሳ ካታማይ ኤንታ ሞጋና። ኤንቲ ሺሽዳ ብራ ሚሸ ኡባ ሻራፍ ምታና፤ ኤንቲ ደእያ በሳን ቡሎይ ዶላና።

Milkiyaasa 3:13

ጎዳይ ሀይሳዳ ያጌስ፦ “ህንተ ታ ቦላ ምኖ ቃላ ኦደትደታ። ያትድ ቃስ፥ ‘ኑኒ ነ ቦላ ዎይግድ ምኖ ቃላ ኦደትዶ?’ ያግድ ኦይቼታ።

Milkiyaasa 3:14

“ህንተ፥ ‘ፆሳስ ኦይስ ሀዳ፤ እያ ኪታ ናግድ፥ ኡባፈ ዎልቃማ ጎዳ ስንን አዛንያ አሳዳ ስመረተ ኑና አይ ማድዴ?

Maatosa 12:36

ሽን ስእተ፥ አሳይ ኦደትያ ጮ ኦዳ ኡባስ ፕርዳ ጋላስ ዛሮ እማና።

Luqaasa 8:13

ሻሎይ ጋርሳን ደእያ ቢታ ቦላ ዎዳ ዘረይ ቃላ ስእድ ኡፋይሳን ኤከይሳታ። ኤንቲ ሀእስ አማኖሶናፐ አትሽን፥ ፃጶይ ባይና ግሾ ፓጨይ ጋክያ ዎደ ኤለስድ ካዶሶና።

Yayqooba 3:5

ሄሳዳ እንፃርስ አሳተ ግዶን ጉ ግድኮካ ዳሮ ግታባን ጬቀቴስ። ጉ ታም ዳሮ ግታ ዎራ ፁጌስ።

2 ጰፅሮሳ 2:8

ሄ ፅሎ አደይ ኤንታ ግዶን ደእሸ፥ ኤንቲ ኦያ ኢታ ኦሱዋ ጋላስ ጋላስ በእዳ ዎደነ ስእዳ ዎደ እያ ሎኦ ዎዛናይ ኡንኤቴስ።

ዮሃኒሳ ቆንጬ 13:5

ሄ ዶኣስ ኦቶርታና መላነ ጫያና መላ ዶን እመትስ፤ ኦይታማነ ናምኡ አጌና ሃራና መላ ማት እያዉ እመትስ።