Hose 6:3 - ጌሻ ማፃፋ

³ አነ ጎዳ ኤሮስ፤ እያ ኤራናዉ ምንድ ካሎስ። ፃልቀይ ዶለይሳዳ እ ቆንጫና፤ ቶርቸ እር የይሳዳ እ ኑኮ ያና” ያግዶሶና።

Geeshsha Maxaafa

³ Ane Godaa eroos; iya eranaw minthidi kaalloos. Xalqey doleysada I qoncana; torche iri yeysada I nuuko yaana” yaagidosona.

Hose 6:3 ပူးပေါင်းရင်းမြစ်များ

2 Sameela 23:4

እ ሻር ባይና ጉራ ዶልያ ፃልቀ ፖኦ መላ። እ እር ቡክድ አን፥ ቢታፈ ማታ ዶልስያ ቦቃልሳ መላ።’

Iyyoba 29:23

ጎሻንቾይ እራ ናገይሳዳ፥ ኤንቲ ታ ሃሳያ ስአናዉ ሀካንክድ ናጎሶና።

Mazmure 19:4

ግዶሽን ኤንታ ኦዳይ ሳአ ኡባን ላለትስ፤ ኤንታ ቃላይ ቢታ ጋፃ ጋክስ። አው ደእያ በሲ ፆሳይ ሳሎን ጊግስስ።

Mazmure 19:6

እስ ባጋ ሳሎ ጋፃፐ ከይድ፥ ሀራ ባጋ ሳሎ ጋፃ ጋካናዉ ቤስ፤ እያ ሱላፐ ጌምያባይ ባዋ።

Mazmure 63:8

ታ ሸምፕያ ኔራ ኦይከታሱ፤ ነ ኡሻቻ ኩሸይ ታና ኦይክድ ናጌስ።

Mazmure 65:9

ነ እራ እማዳ ቢታ ናጋሳ፤ ዳሮ ዱረያሳ፤ አሳስ ካይ ዶላና መላ ፆሳ ሻፋይ ሃን ኩምዳይሳ፤ ሄሳዳ ኦዳ ነ ጊግሳዳሳ።

Mazmure 72:6

ካዎይ ጎሻን ቡክያ እራ መላነ ቢታ ካልስያ ፑሰ እራ መላ ግዶ።

Leemiso 4:18

ፅሎታ ኦገይ ሴታ ጋላስ ጋካናዉ፥ ጉጅ ጉጅ ፖእያ ዎንታ ፃልቀ መላ።

Isayaasa 2:3

ህገይ ፅዮነፐ፥ ጎዳ ቃላይ የሩሳላመፐ ከይያ ግሾ፥ ዳሮ አሳይ ይድ፥ “አነ ሃይተ! ጎዳ ዙማኮ፥ ያይቆባ ፆሳ ኬኮ ከዮስ። ኑኒ እያ ኦግያን ባና መላ እ ኑና ባ ኦግያ ታማርሳና” ያጋና።

Isayaasa 32:15

ሄስ ሀናናይ፥ አያናይ ኑ ቦላ ጉካና ጋካናዉ፥ መላ ቢታይ አራዳና ጋካናዉነ አራዳ ቢታይ ዎራ ግዳና ጋካናሳ።

Isayaasa 44:3

ታኒ ሳሞትዳ ቢታን ሃ ጉሳና፤ መላ ቢታ ቦላ ሻፋ ጎግሳና። ታ አያና ነ ናይታ ቦላ፥ ታ አንጁዋ ነ ኮቻ ቦላ ጉሳና።

Isayaasa 5:6

ታኒ ሄ ጋድያ ቁኤ ኦና፤ ዎይነይ ፅንተተና፥ ሀርመተና። ሄ በሳን ክንቾተይነ አጉን ዶላና፤ እር እያ ቦላ ቡኮና መላ ታኒ ሻራ ኪታና” ያግስ።

Isayaasa 54:13

ነ ናይት ኡባይ ጎዳፐ ታማራና፤ ነ ናይታ ሳሮተይ ዳራና።

Ermiyaasa 24:7

ታኒ ጎዳ ግድዳይሳ ኤንቲ ኤራና መላ ኤንታዉ ዎዛና እማና። ኤንቲ ባንታ ኩመ ዎዛናፐ ታኮ ስማናዉ ደእያ ግሾ፥ ኤንቲ ታ አሰ ግዳና፤ ታ ኤንታ ፆሰ ግዳና” ያጌስ።

Hizqeela 36:25

ታ ህንተ ቦላ ፅሎ ሃ ርጫና፤ ህንተካ ጌያና። ህንተና ህንተ ቱናተ ኡባፈነ ኤቃ ጎይኖ ኡባፈ ጌሻና።

Hose 10:12

ጎዳይ ይድ ፅሎተ ህንተ ቦላ ቡክሳና ጋካናዉ እያ ኮይተ። ህንተ ፅሎተ ዘርያባ ግድኮ መርና ሲቆ ጫካና። ሄሳ ግሾ፥ ኦ ቢታ ዎርፃፍተ።

Hose 14:5

ታኒ እስራኤለ አሳስ አካ ግዳና፤ ኤንቲ ጪሻዳ ጭይድ፥ ልባኖሰ ዝጋ መላ ፃጶ የዳና።

Hose 14:6

ኤንታ ዶላይ ጭልአና፤ ኤንቲ ሻማሆዳ ሎአና። ኤንታ ሳዎይ ልባኖሰ ዝጋዳ ቶንኩ ጋና።

Hose 2:20

ታኒ አማነታዳ ነና ታዉ ጊግሳና፤ ነካ ጎዳ ኤራና።

Mikiyaasa 4:2

ህገይ ፅዮነፐ፥ ጎዳ ቃላይ የሩሳላመፐ ከይያ ግሾ፥ ዳሮ ካዎተት ይድ፥ “አነ ሃይተ፤ ጎዳ ዙማኮ፥ ያይቆባ ፆሳ ኬኮ ከዮስ። ኑ እያ ሸንያ ኦና መላ እ ኑና ባ ኦግያ ታማርሳና” ያጋና።

Mikiyaasa 5:2

ጎዳይ፥ “ኤፍራታን ደእያ ቤተለመ ካታማዉ፥ ኔኒ ይሁዳ ካታማታ ግዶን ጉ፤ ሽን እያዉ ደንዶይ በንፐ ዶምድ፥ መርናዉ ግድዳይስ፥ እስራኤለ ሃራናይስ ታዉ ኔፐ ከያና” ያጌስ።

Mikiyaasa 5:7

አትዳ ያይቆባ ዛረት ዳሮ ደርያ ግዶን ጎዳይ ኪትዳ ፃሳ መላነ ማታ ቦላ ዎያ አካ መላ ግዳና። ኤንቲ አማነትድ ናገይ ጎዳፐ አትሽን፥ አሰ ግደና።

Zakaryaasa 10:1

ባልጎይ ጋክያ ዎደ ጎዳይ እራ እማና መላ ዎስተ። ጎዳይ እራ ቶክዳ ሻራ ኪቴስ፤ አሳስ እራ እሜስ፤ ጎሻን አታክልተ ዶልስስ።

Milkiyaasa 4:2

ሽን “ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና።

Maatosa 13:11

እ ዛሪድ፥ “ህንተዉ ሳሎ ካዎተ ፁራ ኤራይ እመትስ፥ ሽን ኤንታዉ እመትቤና።

Luqaasa 1:78

ኑ ፆሳ ሎኦ ማሮተፈ ደንዶይሳን ዎንታ ፃልቀይ ኑስ ሳሉዋፐ ከይስ።

Yohaanisa 17:3

መርና ደኦይ፥ ነና፥ እስ ቱማ ፆሳነ ነ ኪትዳ የሱስ ክርስቶሳ ኤሮ።

Yohaanisa 7:17

ፆሳ ሸንያ ኦናዉ ኮይያ ኦንካ ሀ ትምርተይ ፆሳ ማታፐ ያኮነ ዎይኮ ታኒ ታፐ ኦድያኮ ኤራና።

ሃዋሬታ ኦሱዋ 17:11

ቤርያ አሳይ ተሰሎንቀ አሳፐ አዳ ሱረታ። ኤንቲ ቃላ ኩመ ዎዛናፐ ኤክዶሶና፤ ጳዉሎስ ግዳይስ ቱማ ግደይሳ ሻክ ኤራናዉ ጋላስ ጋላስ ጌሻ ማፃፋታ ፕልጎሶና።

Zaaretho 32:2

ታ ትምርተይ እራ መላ ቡኮ፤ ታ ቃላይ አካዳ ዎ። ማታ ቦላ ዎያ ፃሳዳ ዶላ ቦላ ዎያ ፑሰዳ ዎ።

Ibraawe 3:14

ኑ ኮይሮ አማኑዋ ኑኒ ዉርሰ ጋካናዉ ምንድ ናግኮ፥ ክርስቶሳራ እስፈ ላታና።

2 ጰፅሮሳ 1:19

ኑስ ሄሳፈ አያ አማነትዳ ትንብተ ቃል ደኤስ። ሳእ ዎንታና ጋካናዉነ ባካል ህንተ ዎዛናን ዶላና ጋካናዉ፥ ማን ፖእያ ፖኦ አስ ናገይሳዳ፥ ህንተ ሄ ቃላ ናግኮ ሎኦ ኦታ።

ዮሃኒሳ ቆንጬ 22:16

“ታኒ፥ የሱሲ፥ ሀ ማርካተ ህንተዉ፥ ዎሳ ኬታስ ኦዳና መላ ታ ኪታንቹዋ ኪታስ። ታኒ ዳዊታ ሼሽነ ኮቸ። ታኒ ፖእያ ጉራ ባካላ” ያግስ።