Hose 5:4 - ጌሻ ማፃፋ

⁴ “እስራኤለ አሳይ ባንታ ፆሳኮ ስሞና መላ ኤንታ ኢታ ኦሶይ ኤንታ ተቅስ። ላይማተ አያን ኤንታ ዎዛናን ደእያ ግሾ ኤንቲ ጎዳ ኤሮኮና።

Geeshsha Maxaafa

⁴ “Isra7eele asay banta Xoossaako simmonna mela enta iita oosoy enta teqis. Laymatetha ayyaani enta wozanan de7iya gisho enti Godaa erokona.

Hose 5:4 ပူးပေါင်းရင်းမြစ်များ

Mazmure 78:8

ኤንቲ ካሰ ባንታ አዋታዳ ዎዛና ሙመ የለታ፥ ጌላነ አማነቶና የለታ፥ ፆሳን ምንድ ኤቀና የለታ ግዶኮና።

Mazmure 9:10

ነና ኤረይሳት ነናን አማነቶሶና፤ ጎዳዉ፥ ነና ኮየይሳታ የጋ አጋካ።

Ermiyaasa 24:7

ታኒ ጎዳ ግድዳይሳ ኤንቲ ኤራና መላ ኤንታዉ ዎዛና እማና። ኤንቲ ባንታ ኩመ ዎዛናፐ ታኮ ስማናዉ ደእያ ግሾ፥ ኤንቲ ታ አሰ ግዳና፤ ታ ኤንታ ፆሰ ግዳና” ያጌስ።

Ermiyaasa 50:38

ባብሎነን ኤቅ ኩምዳ ግሾነ ዳጋማን ኮኮርያ ኤቃት ደእያ ግሾ፥ እያ ሃይ መሎ፤ እያ ቦላ ኮሽ ዮ።

Ermiyaasa 9:24

ሽን ጬቅያ ኦንካ ታና ኤሮንነ አኬኮን ጬቆ። ማሮተ፥ ሱረ ፕርዳነ ፅሎተ ሳአ ቦላ ኦያ ጎዳ፥ ታና ኤርድ ጬቆ፤ ሄስ ታና ኡፋይሴስ” ያጌስ ጎዳይ።

Ermiyaasa 9:6

ነ ጭሞ ግዶን ደኣሳ፤ ኤንቲ ባንታ ጭሙዋን ታና ኤሮና እፅዶሶና” ያጌስ ጎዳይ።

Hose 13:13

እቀ ኦይክዳ ማጫስ ኡንኤተይሳ መላ ኡንእ እያ ቦላ ያና። ሽን እ ኤር ባይና ናአ፤ የለትያ ዎደይ ጋክን፥ ባ አየ ኡሎፐ ዎና እፅያ ናአ መላ።

Hose 4:1

ሀ ቢታን ደእያ አሳ ኡባ፥ ጎዳይ ሞትያባይ ደእያ ግሾ፥ እስራኤለ አሳቶ፥ ጎዳ ቃላ ስእተ። ሄስካ፥ ቢታ ቦላ አማነተ፥ ሲቆይነ ፆሳ ኤሮይ ባዋ።

Hose 4:11

ላይማተ፥ ጋምእዳ ዎይነ ኡሽነ ማልአንቶ ዎይነ ኡሽ ታ አሳ ዎዛና ይስስ።

Hose 4:12

ኤንቲ ምፈ ኦሰትዳ ኤቃ ምስለ ዞረ ኦይቾሶና፤ ኤንታ ፃምአይ ኤንታ ኦይሻ ዛሬስ። ላይማተ አያናይ ኤንታ ባለስ፤ ኤንቲ ባንታ ፆሳፈ ሃክድ ላይማትዶሶና።

Hose 4:14

ህንተ ማጫ ናይት ላይማትያ ዎደነ ህንተ ናይታ ማቸት ላምያ ዎደ ታኒ ሴርከ። አይስ ጊኮ፥ አደት ባንታ ሁጰን ላይማተይሳታራ ላገቶሶና፤ ኤንታራ ያርሾሶና። ሄሳ ግሾ፥ አኬክ ባይና ደረይ ያና።

Hose 4:6

ታ አሳስ ኤራተ ባይና ግሾ ይዶሶና። ህንተ ኤራተ እፅዳ ግሾ፥ ታካ ህንተ ታዉ ካህነ ግዶና መላ እፃስ። ህንተ ፆሳ ህግያ ዶግዳ ግሾ፥ ታካ ህንተ ናይታ ዶጋና።

Hose 7:11

“ኤፍሬማ አሳይ ሆለዳ ኤያነ ጮ ጭመተይሳታ። ኤንቲ ማዶ ደማናዉ እስ ቶሆ ግብፀ፤ እስ ቶሆ አሶረ ስሞሶና።

Hose 8:11

“ኤፍሬማ አሳይ ናጋራ ያርሾ ያርሽያ ዳሮ በሳታ ኬፅስ፥ ሽን ሄ ያርሾ በሳት ናጋራ ኦያ በሲ ግድዶሶና።

Yohaanisa 16:3

ኤንቲ ሄሳ ህንተ ቦላ ኦይ ታና ዎይኮ አዋ ኤሮና ግሾሳ።

Yohaanisa 8:55

ህንተ እያ ኤሮና እፅኮ ታኒ እያ ኤራይስ። ታኒ እያ ኤርከ ጊኮ ህንተ መላ ዎርዶታይስ። ሽን ታኒ እያ ኤራይስ፤ ቃስ እያ ቃላካ ናጋይስ።

1 Sameela 2:12

ኤል አደ ናይት ኢታ፤ ኤንቲ ጎዳ ቦንቾኮና።