Hose 4:12 - ጌሻ ማፃፋ

¹² ኤንቲ ምፈ ኦሰትዳ ኤቃ ምስለ ዞረ ኦይቾሶና፤ ኤንታ ፃምአይ ኤንታ ኦይሻ ዛሬስ። ላይማተ አያናይ ኤንታ ባለስ፤ ኤንቲ ባንታ ፆሳፈ ሃክድ ላይማትዶሶና።

Geeshsha Maxaafa

¹² Enti mithafe oosetida eeqa misile zore oychoosona; enta xam7ay enta oysha zaarees. Laymatetha ayyaanay enta balethis; enti banta Xoossaafe haakidi laymatidosona.

Hose 4:12 ပူးပေါင်းရင်းမြစ်များ

2 Kawota 17:7

ሀይስ ኡባይ ሀንዳይ፥ እስራኤለ አሳይ ጎዳ ባንታ ፆሳ ቦላ፥ ኤንታ ግብፀፈ፥ ግብፀ ካዋ ኩሸፐ ከስዳይሳ ቦላ ናጋራ ኦዳ ግሾሳ። ቃስ ኤንቲ ሀራ ፆሳታስ ጎይንድ፥

2 Taarike 21:13

እስራኤለ ካዎታ ኦግያን ሄመታዳሳ። አካባ ሶ አሳይ ኦዳይሳዳ ይሁዳንነ የሩሳላመን ደእያ አሳይ ኤቃ ጎይናና መላ ኦዳሳ። ቃስ ኔፐ ሎእያ፥ ነ አዋ ሶ አሳ፥ ነ እሻታ ዎዳሳ።

Mazmure 106:39

ሄሳዳ ኤንቲ ባንታ ኦሶን ቱንዶሶና፤ ባንታ ሀኖታን ባንታ ላይማ ከስዶሶና።

Mazmure 73:27

ኔፐ ሃከይሳት ያና፤ ነና ካደይሳታ ኡባ ነ ዉርሳና።

Ermiyaasa 10:8

ኤንቲ ኤያነ ኤር ይዳይሳታ፤ ኤንቲ ምፈ ማስዳ፥ ፓና ኤቃታፐ አይ ታማሮና?

Ermiyaasa 2:27

ኤንቲ ምኮ፥ ‘ነ ታ አዋ’ ያጎሶና፤ ሹቻ፥ ‘ታና ነ የላዳሳ ያጎሶና። ኤንቲ ባንታ ሶምኡዋ አግድ፥ ባንታ ዞኩዋ ዛርዶሶና። ሽን ኤንቲ መቶ ዎደ ኑና አሻ!’ ያጎሶና።

Ermiyaasa 23:13

“ሳማረ ናበታ ግዶን ኢታባ በአስ። ኤንቲ ባኣለ ሱንን ትንብተ ኦዶሶና፤ ታ አሳ እስራኤለ ባለሶና።

Hizqeela 20:32

ህንተ፥ ‘ኑኒ ምነ ሹቹ ጎይንያ ሀራ ካዎተታ መላነ ቢታን ደእያ ሀራ አሳ መላ ግዳና ያግድ ቆፔታ። ሽን ህንተ ቆፋይ ፖሎ ሀነና።’ ”

Hizqeela 21:21

ባብሎነ ካዎይ ኦገት ጋሄትያ ዳጋላን፥ ማላ ቱሳታ ማታን ኤቄስ። እ አዉ ኦግያራ ባነኮ ኤራናዉ፥ ዶንገ ቶራን ሳማ የጋና፤ ባ ኤቃታ ዞረ ኦይቻና፤ ማራጭያ በአና።

Hose 14:3

አሶረይ ኑና አሸና፤ ኑ ኦላ ፓራታንካ አማነቶኮ። ኑኒ ኑ ኩሸን መዳ ኤቃ ምስለታ ኡባ፥ ‘ኑ ፆሳታ’ ጎኮ። አዋይ ባይናይሳታስ ቃተይ ነና” ያግተ።

Hose 5:4

“እስራኤለ አሳይ ባንታ ፆሳኮ ስሞና መላ ኤንታ ኢታ ኦሶይ ኤንታ ተቅስ። ላይማተ አያን ኤንታ ዎዛናን ደእያ ግሾ ኤንቲ ጎዳ ኤሮኮና።

Hose 6:10

ታኒ እስራኤለ አሳ ግዶን ዳጋንያባ በአስ። ኤፍሬማ ግዶን ላይማተ ደኤስ፤ እስራኤለይ ቱንስ።

Hose 9:1

እስራኤለ አሳቶ፥ ኡፋይቶፍተ! ሀራ ካዎታዳ ፖጩ ጎፕተ! ህንተ ህንተ ፆሳፈ ሃክድ ላይማትደታ፤ ካ ጌሽያ ዉዱማን ላይማተስ እምያ ጋትያ ዶስደታ።

Leeweta 17:7

እስራኤለ አሳይ ጎዳ አግድ ካልዳ ቱና አያናታስ ዛሪድ ባንታ ያርሹዋ ያርሾፎ። ሄስ ኤንታዉነ ያና የለተ ኡባስ መርና ዎጋ ግዶ።

Leeweta 20:5

ታኒ ሄ አድያነ እያ ሶ አሳ ሞርካና፤ እያነ ሞሎካ ካልዳይሳታ ኤንታ ደርያ ግዶፈ ሻካዳ ይሳና።

Mikiyaasa 2:11

እስ ጭምያ ዎርዳንቾይ ይድ፥ ‘ህንተ ስንፈ ዎይነ ኡሻንነ ማይያ ኡሻን ኡፋይታና’ ያግድ ዎርዶ ትንብተ ኦድኮ፥ እ ህንተዉ ናበ ግዳና።

Inbaqoome 2:19

ምፈ ጊግዳይሳ ‘ባርካ’ ገይሶ፥ ቃስ ሸምፖይ ባይና ሹቻ ‘ደንዳ’ ገይሶ ነና አየ! እ ዎና ነዉ አይ ቆንጭሳናዉ ዳንዳኢ? ሄኮ፥ ዎርቃንነ ብራን ሜሸትስ፤ እያዉ ሸምፖይ ባዋ።

Taybo 15:39

ሄ ማጫራ ህንተ በእያ ዎደ ኡባን ታ ኪታታ፥ አኬክድ ፖሌታ፤ ታፐ ሃክድ ህንተ አይፍያ አሙዋነ ህንተ ዎዛና ቆፋ ካልድ ላመተከታ።

Zaaretho 31:16

ጎዳይ ሙሰኮ፥ “ኔኒ ማታ ዎደ ሀይቃዳ ነ አዋታን ጋሄታሳ። ኔፐ ጉየ፥ ሀ አሳይ ታዉ አማነቶናይሳታ ግዳና፤ ታ ኤንታራ ገልዳ ጫቁዋ መንና። ኤንቲ ታና አግድ፥ ባንታ ላትያ ቢታን ደእያ ኤቃታ ካላና።

አይሰይሳታ 18:5

ኤንቲ፥ “ኑኒ ብያ ኦገይ ኑስ ሱራነ፥ ሱረነ ሀያና ኑስ ፆሰ ኦይቻ” ያግዶሶና።