Hose 2:20 - ጌሻ ማፃፋ

²⁰ ታኒ አማነታዳ ነና ታዉ ጊግሳና፤ ነካ ጎዳ ኤራና።

Geeshsha Maxaafa

²⁰ Taani ammanetada nena taw giigisana; neka Godaa erana.

Hose 2:20 ပူးပေါင်းရင်းမြစ်များ

Medhetethi 9:10

ታኒ ታ ጫቁዋ ካፎታራ፥ መህያራ፥ ሳአ ዶአ ኡባራነ፥ ማርካብያፐ ህንተራ ከይዳ፥ ደኦይ ደእያ መተ ኡባራ ጫቃይስ።

Isayaasa 2:4

እ ካዎተታ ግዶን ፕርዳና፤ ዳሮ አሳታ ፓላማ ሻካና። ኤንቲ ባንታ ማሻ ማራሻ፥ ባንታ ቶራ ባጫ ከሳና። ካዎተት ካዎተታ ቦላ ማሻ ደንኮና፤ ህዛፐ ኤንቲ ኦላ ትምርተ ታማሮኮና።

Isayaasa 62:4

ኔኒ፥ “ዶገትዳሮ” ጌተታካ፤ ነ ቢትያ፥ “ን” ጌተቱኩ። ሽን ኔኒ፥ “ታ ኡፋይሳይ እን ደእያሮ”፥ ነ ቢትያ፥ “አዝና ገልዳሮ” ጌተታና። ጎዳይ ነናን ኡፋይታና፤ ነ ቢትያካ አዝን ደእያሮ ግዳና።

Ermiyaasa 24:7

ታኒ ጎዳ ግድዳይሳ ኤንቲ ኤራና መላ ኤንታዉ ዎዛና እማና። ኤንቲ ባንታ ኩመ ዎዛናፐ ታኮ ስማናዉ ደእያ ግሾ፥ ኤንቲ ታ አሰ ግዳና፤ ታ ኤንታ ፆሰ ግዳና” ያጌስ።

Ermiyaasa 30:10

“ሄሳ ግሾ፥ ታ አይለቶ፥ ያይቆባ ኮቻቶ፥ ያዮፍተ። ህንተኖ፥ እስራኤለቶ፥ ዳጋሞፕተ። ህንተ ሃሆ በሳን ደእሽን፥ ታ ህንተና አሻና፤ ህንተ ኮቻታ ኤንቲ ድኤትዳ ቢታፈ ዛራና። ያይቆባ ዛረት ስሚድ፥ ሳሮ ዳና፤ ኤንታ ኦንካ ያሽሰና።

Ermiyaasa 32:41

ታ ኤንታዉ ሎኦባ ኦይስ ታና ኡፋይሴስ፤ ታ ኩመ ዎዛናፐነ ታ ኩመ ሸምፑዋፈ ቱማ ሀ ቢታን ኤንታ ቶካና” ያጌስ ጎዳይ።

Ermiyaasa 9:24

ሽን ጬቅያ ኦንካ ታና ኤሮንነ አኬኮን ጬቆ። ማሮተ፥ ሱረ ፕርዳነ ፅሎተ ሳአ ቦላ ኦያ ጎዳ፥ ታና ኤርድ ጬቆ፤ ሄስ ታና ኡፋይሴስ” ያጌስ ጎዳይ።

Hizqeela 16:62

ታኒ ታ ጫቁዋ ኔራ ኦራና፤ ሄ ዎደ ታ ጎዳ ግደይሳ ነ ኤራና።

Hizqeela 16:8

“ዛራዳ ታ ያራ አሸ ነና ፄልያ ዎደ፥ ኔኒ ገሎስ ጋካዳ፥ ካሎ ቦርሰትያ አሰ ግዳዳሳ። ታ አፍላ ማጫራ ነ ቦላ የጋዳ፥ ነ ካሉዋ ካማስ፤ ታ ኔራ ጫቃዳ ነና ታዉ ቡዞ ኦስ” ያጌስ ኡባ ሃርያ ጎዳይ።

Hizqeela 34:25

“ታ ኤንታራ ሳሮተ ጫቆ ጫቃና፤ ኢታ ዶአታ ታኒ ቢታፈ ድጋና፤ ታ ዶርሳት ባዞን ሳሮ ዳና፤ ዎራ ጋርሳን ህርግ ባይና አላታና።

Hizqeela 34:27

ጋደን ደእያ ምት አይፋና፤ ቢታይ ካ ዶልሳና፤ ኡባይ ባንታ ቢታን ሳሮ ዳና። ታ ኤንታ ቃምባራ መንዳ፥ ኤንታ አይለ ኦድ ሃርዳይሳታ ኩሸፐ ከስያ ዎደ ታኒ ጎዳ ግደይሳ ኤንቲ ኤራና።

Hizqeela 38:23

ሄሳዳ ኦዳ፥ ታኒ ታ ግታተነ ታ ጌሻተ በሳና። ዳሮ ካዎተታ ታኒ ታናተ ኤርሳና። ታኒ ጎዳ ግደይሳ ኤንቲ ሄ ዎደ ኤራና’ ” ያግስ።

Hose 13:4

ጎዳይ “ታኒ ህንተና ግብፀ ቢታፈ ከሳዳ ኤህዳ ጎዳ፥ ህንተ ፆሳ። ህንተ ታፐ አትሽን፥ ሀራ ፆሲ ኤረከታ፤ አሸይ ታፐ ሀር ባዋ።

Hose 2:19

ታኒ ነና መርናዉ ታዉ ማቾ ኦና፤ ፅሎተን፥ ሱረ ፕርዳን፥ መርና ሲቁዋንነ ማሮተን ታዉ ጊግሳና።

Hose 6:6

ታ ያርሾ ግዶናሽን ማሮታ ኮያይስ፤ ፁሳ ያርሾ ግዶናሽን ፆሳ ኤሮ ኮያይስ።

Leeweta 26:5

ህንተ ካ ሺሽድ ኦንጎና ደእሽን ዎይነ ማፅያ ዎደይ ጋካና፤ ዎይንያ ማፅድ ዉርሶና ካ ዘርያ ዎደይ ጋካና። ህንተ ካላና ጋካናዉ ካ ማና፤ ህንተ፥ ህንተ ቢታን ሳሮ ዳና።

Leeweta 26:6

ታኒ ቢታስ ሳሮተ እማና፤ ኦንካ ህንተና ያሽሶና ህንተ ዝንአና። ኢታ ዶአታ ታኒ ቢታፈ ይሳና፤ ህንተ ቢታን ናምአን ኦል ደንደና።

Mikiyaasa 4:3

እ ዳሮ አሳታ ግዶን ፕርዳና፤ ሃሆን ደእያ ምኖ ካዎተታ ፓላማ ድጋና። ኤንቲ ባንታ ማሻ ማራሻ፥ ባንታ ቶራ ባጫ ከሳናዉ ቆፃና። ካዎተይ ካዎተ ቦላ ኦላ ደንና፤ ህዛፐ ጉየ፥ ኤንቲ ኦላ ትምርተ ታማሮኮና።

Zakaryaasa 9:10

ታኒ ፓራ ጋረታ እስራኤለፐ፥ ኦላ ፓራታ የሩሳላመፐ ይሳና፤ ኦላ ዶንግያ መንረና። ነ ካዎይ ካዎተታስ ሳሮ አዋጃና፤ እ አባስ ጋፃፐ ህን ጋፃ ጋካናዉ ኤፍራፂሳ ሻፋፐ ዶምድ ሳኣ ጋፃ ጋካናዉ ሃራና።

Maatosa 11:27

“ኡባይ ታዉ ታ አዋፐ እመትስ። አዋፐ ሀር ናአ ኤረይ ባዋ፥ ናኣፐነ እ ኤንታዉ ቆንጭሳናዉ ኮየይሳታፐ ሀር አዋ ኤራናዉ ዳንዳኤይ ባዋ።

Luqaasa 10:22

“ኡባባይ ታ አዋፐ ታዉ እመትስ። ናአይ ኦነኮ አዋፐ አትሽን፥ ሀር ዎይኮ ናአይ ቆንጭሳናዉ ኮየይሳፈ ሀር ኦንካ አዋ ኤረይ ባዋ” ያግስ።

Yohaanisa 17:3

መርና ደኦይ፥ ነና፥ እስ ቱማ ፆሳነ ነ ኪትዳ የሱስ ክርስቶሳ ኤሮ።

Yohaanisa 8:55

ህንተ እያ ኤሮና እፅኮ ታኒ እያ ኤራይስ። ታኒ እያ ኤርከ ጊኮ ህንተ መላ ዎርዶታይስ። ሽን ታኒ እያ ኤራይስ፤ ቃስ እያ ቃላካ ናጋይስ።

2 ቆሮንቶሳ 4:6

“ማን ፖኦይ ፖኦ” ግዳ ፆሳይ፥ ክርስቶሳ ሶምኡዋን ፖእያ ፆሳ ቦንቹዋ ኤራ ፖኡዋ እማናዉ ባ ፖኡዋ ኑ ዎዛናን ፖእስስ።

ፍልጵስዩሳ 3:8

ሄሳ ፃላላ ግዶናሽን፥ ታኒ ታ ጎዳ ክርስቶስ የሱሳ ኤረይስ ሀራባ ኡባፈ ዳሮ አያ ግሾ፥ ሄ ኡባ ዎይ ባይናባዳ ታይባስ። ታኒ እያ ግሾ ኡባባ ያስ። ክርስቶሳ ደማናዉ ኡባባ ዎራ ሆለትዳ ቡረዳ ታይባይስ። ታኒ የሱሳራ እስኖ ግዳስ።

Qolaasiyasa 1:10

ሄሳዳካ፥ ህንተ፥ ጎዳይ ኮየይሳዳ ዳና መላ፥ ኡባ ዎደ እያ ኡፋይሳና መላ፥ ሎኦ ኦሶ ኡባን ህንተ አይፈ አይፋና መላነ ፆሳ አድ ኤርሸ ድጫና መላ ፆሳ ዎሶስ።

2 ፅሞትዮሳ 1:12

ታኒ ሄሳ ግሾ ሀ መቱዋ ኤካይስ፤ ሽን ታ አማነይ ኦነኮ ኤርያ ግሾ ዬላትከ። ታዉ እመትዳ ሀዳራ ሄ ጋላሳይ ጋካናዉ እ ናጋናዉ ዳንዳኤይሳ ኤራይስ።

Ibraawe 8:11

ኤንታፈ ኦንካ ባ ሾሩዋ ዎይኮ ባ እሻ፥ ‘ጎዳ ኤራ’ ያግድ ታማርሰና። ኤንቲ ጉፈ ግታ ጋካናዉ ኡባይ ታና ኤራና።

1 ዮሃንሳ 4:6

ኑኒ ፆሳፈ የለትዳ፤ ፆሳ ኤርያ ኦንካ ኑና ስኤስ። ፆሳ ኤሮና ኦንካ ኑና ስኤና። ኑኒ ቱማ አያናነ ዎርዶ አያና ሄሳን ሻኮስ።

1 ዮሃንሳ 5:20

ኑኒ ቱማ ፆሳ ኤራናዳ ፆሳ ናአይ ይዳይሳነ ኑስ አኬካ እምዳይሳ ኤሮስ። ኑኒ እያ ናአ፥ የሱስ ክርስቶሳ ባጋራ ቱማ ፆሳን ደኦስ። የሱሲ ቱማ ፆሳነ መርና ደኡዋ።