Hose 14:7 - ጌሻ ማፃፋ

⁷ አሳይ ስሚድ ታ ኩያ ጋርሳን ሸምፓና፤ ኤንቲ ዶላዳ ጭልአና፤ ኤንቲ ዎይነዳ ጪያና፤ ልባኖሰ ዎይነ ኡሻዳ ኤረትያባ ግዳና።

Geeshsha Maxaafa

⁷ Asay simmidi ta kuya garsan shempana; enti dolada cil7ana; enti woyneda ciiyana; Libaanose woyne ushshada eretiyaba gidana.

Hose 14:7 ပူးပေါင်းရင်းမြစ်များ

Mazmure 138:7

ታኒ መቶ ግዶራ ሄመትኮካ፥ ኔኒ ታና ናጋሳ። ታ ሞርከታ ሀንቁዋ ቦላ ነ ኩሽያ ምጫሳ፤ ነ ኡሻቻ ኩሽያን ታና አሻሳ።

Mazmure 85:6

ኑኒ ነናን ኡፋይታና መላ፥ ኑና ዛራዳ ኦራክዬ?

Mazmure 91:1

ኡባፈ ቃ ፆሳን ናገትድ ደኤይ፥ ኡባፈ ዎልቃማ ፆሳ ኩያን አቄስ።

Solomone 2:3

ታ ሲቆይ ሀራ ፓንታ ግዶን ፄልያ ዎደ ዎራን ደእያ አፕለ ም መላ። ታና ዳሮ ኡፋይስን፥ እያ ኩያ ግዶን ኡታስ፤ እያ አይፈይ ምን ታና ማልኤስ።

Solomone 4:11

ታ ሙሹራተ፥ ነ መተርሻፈ እልሎ ኤስ ፆኬስ፤ ነ ዶናፐ ኤስነ ማ ፑልቴስ፤ ነ ማኦይ ልባኖሰ ሽቶዳ ሳዌስ።

Solomone 6:11

ታኒ ዛንጋራን ቶከትዳ ምታ በአናዉ፥ ዎይነይ አጭዳኮ ኦሮማነይ አይፍዳኮ ፄላናዉ፥ ዱገ ኦቾሎነ ጋደ ዎስ።

Isayaasa 61:11

ቢታፈ ም ማት ዶለይሳዳ፥ ጋደይ ቶክዳባ ድቸይሳዳ፥ ኡባ ሃርያ ጎዳይ ፅሎተነ ጋላታ ካዎተ ኡባ ስንን ፑርጭሳና።

Hizqeela 17:23

ታኒ እያ እስራኤለ ዙማ ሁጰን ቶካና፤ ያን ዳያና፤ አይፈ አይፋናነ ሎኦ ዝጋ ግዳና። ካፎ ኮቸ ኡባይ እያን ኬፃና፤ ኤንቲ እያ ታሽያ ኩያን ሸምፓና።

Hose 14:5

ታኒ እስራኤለ አሳስ አካ ግዳና፤ ኤንቲ ጪሻዳ ጭይድ፥ ልባኖሰ ዝጋ መላ ፃጶ የዳና።

Hose 2:21

“ሄ ዎደ ታኒ ዛሮ እማና፤ ታኒ ሳሎታስ ዛሮ እማና፥ ሳሎት ሳኣስ ዛሮ እማና።

Hose 2:22

ሳአይ ካስ፥ ዎይነ ኡሻስነ ዛይትያስ ዛሮ እማና፤ ኤንቲ እዝራኤለስ (ፆሳይ ቶካና) ዛሮ እማና።

Hose 6:2

ናምኡ ጋላሳፐ ጉየ እ ኑና ፓና፤ ሄን ጋላሳን ኑ እያ ስንን ዳና መላ ኑና ደንና።

Zakaryaasa 8:12

“ኤንቲ ዘርዳ ኡባይ ዶላና፤ ዎይነይ ባ አይፍያ እማና፤ ጎሻይ ካን ኩማና፤ ሳሎት ባንታ እራ እማና። ሀይሳ ኡባ አትዳ አሳስ ላታ ኦዳ እማና።

Yohaanisa 11:25

የሱሲ ኢኮ፥ “ታኒ ደንዶነ ደኦ፤ ታና አማንያ ኦንካ ሀይቅኮካ ደኦን ዳና።

Yohaanisa 12:24

ታኒ ህንተዉ ቱማ ኦዳይስ፤ እስ ግስተ አይፈይ ቢታን ዎድ ዎቆና እፅኮ ባርካ አቴስ። ሽን ሄ ግስተ አይፈይ ዎቅኮ ዳሮ አይፈ አይፌስ።