Hose 14:4 - ጌሻ ማፃፋ

⁴ ጎዳይ፥ “ታ ሀንቆይ ኤንታፈ ስምዳ ግሾ፥ ታኒ ኤንታ ማካላ ሀኑዋፐ ኤንታ ፓዳ፥ ኤንታ ዎዛናፐ ሲቃና።

Geeshsha Maxaafa

⁴ Goday, “Ta hanqoy entafe simmida gisho, taani enta makalla hanuwape enta pathada, enta wozanape siiqana.

Hose 14:4 ပူးပေါင်းရင်းမြစ်များ

Mazmure 10:14

ሽን ፆሳዉ፥ ነ መቱዋነ ኡንኣ በኣሳ፤ ኔኒ ማዳናዉ ጊጋ ኡታዳሳ። ኔኒ ይኦታስ ማደ፥ ቆሄትዳይ ነ ማዳና መላ ባና ነዉ አድ እሜስ።

Mazmure 20:8

ኤንቲ በትድ ኩንዳና፤ ሽን ኑኒ ደንድድ ምን ኤቃና።

Mazmure 78:38

ሽን እ ኤንታ ማርስ ኤንታ ናጋራ አቶ ግስ፤ ኤንታ ይስቤና። ዳሮ ዎደ ባ ሀንቁዋ ተቅስ፤ ባ ጋዱዋ ኩመ ኤንታ ቦላ የድቤና።

Kessa 15:26

ሙሰይ ኤንታኮ፥ “ህንተ ህንተ ጎዳ ፆሳስ ኪተትተ፤ እ ኮያባ ኦተ። ህንተ ታዉ ፖሎ ኪተትኮነ ታ ግያባ ስእኮ ግብፀታ ቦላ ታ የድዳ ሀርግያን ህንተና ፕርድከ። ታኒ ህንተና ፓያ ጎዳ” ያግስ።

Isayaasa 12:1

ሄ ዎደ ህንተ ሀይሳዳ ያግድ የፃና። “ጎዳዉ፥ ኔኒ ታ ቦላ ሀንቀታዳሳ፤ ሽን ሀእ ነ ሀንቁዋፈ ስማዳሳ። ታና ምንዳሳ፤ ሄሳ ግሾ፥ ታኒ ነና ጋላታይስ።

Isayaasa 55:1

ህንተኖ፥ ሳሞትዳይሳቶ፥ ኡባይ ታኮ ሃ ዪተ፤ ሚሸይ ባይናይሳቶ፥ ሃ ዪተ። ሻምድ ሚተ፤ ሃ ይድ፥ ሚሸ ቃንፆና ጮ ዎይነ ኡሽነ ማ ሻምተ።

Isayaasa 57:18

ታኒ ኤንታ ኦግያ በአስ፤ ሽን ታኒ ኤንታ ፓና፥ ካለና፤ እያዉነ እያ ግሾ ዬከይሳታ ምንና።

Ermiyaasa 14:7

አሳይ ሀይሳዳ ያግድ ዎስስ፦ “አቤት ጎዳዉ፥ ኑ ናጋራይ ኑ ቦላ ማርካትኮካ፥ ነ ሱን ግሾ፥ ኑስ እስባ ኦ። ኑ ነና አግድ ዳሮ ዎደ ጉየ ስምዳ፤ ነ ቦላ ናጋራ ኦዳ።

Ermiyaasa 17:14

አቤት ጎዳዉ፥ ነ ታ ጋላታ ግድያ ግሾ፥ ታና ፓ፤ ታ ፓፃና፤ ታና አሻ፤ ታ አታና።

Ermiyaasa 3:22

“ህንተኖ፥ አማኖይ ባይና አሳዉ፥ ታኮ ስምተ። ህንተ አማነታና መላ ታ ህንተና ፓና” ያጌስ ጎዳይ። ህንተ፥ “ኔኒ፥ ኑ ጎዳ ፆሳ ግድያ ግሾ ኔኮ ስማና።

Ermiyaasa 31:20

“ኤፍሬም ታዉ ቱማ አልኦነ ታ ዶስያ ናአ ግደኔ? ታኒ እያ ሱን ደንያ ዎደ ኡባን እያ ሀሳያይስ። ሄሳ ግሾ፥ ታ ዎዛናይ እያ ላሞቴስ፤ ታ እያዉ ዳሮ ቃታይስ” ያጌስ ጎዳይ።

Ermiyaasa 33:6

ግዶሽን፥ “ታ ሀ ካታማነ እያን ደእያ አሳ ዛራዳ ፓና፤ ኤንታ ፓያተ ዛራና፤ ሳሮነ ዎፓ ዱሱ ኤንታዉ እማና።

Ermiyaasa 5:6

ኤንታ ማካላይነ ኤንታ ኩንደይ ዳሮ ግድያ ግሾ፥ ጋሞይ ዎራፐ ከይድ፥ ኤንታ ዎና። ሱመይ ባዞፈ ከይድ፥ ኤንታ ማና። ማሄይ ኤንታ ካታማታ ሆክድ ናጋና። ሄ ካታማታፐ ከይያ ኡባይ ፑዘታና።

Ermiyaasa 8:22

ጋላዳን ትየትያ ለይ ባዌ? ያን አክመይ ዴኔ? ያትን፥ ታ አሳ መቆይ አይስ ፓፀኔ?

Hizqeela 33:14

ቃስ ታኒ ናጋራንቾ አሳኮ፥ ‘ኔኒ ቱማ ሀይቃና’ ያግዳ ዎደ እ ባ ናጋራፐ ስሚድ፥ ቱማነ ሱረ ኦሶ ኦኮ፥

Hizqeela 36:36

ሄ ዎደ ህንተ ዩሹዋን ደእያ አትዳ ካዎተት፥ ታኒ ላለትዳ ካታማታ ዛራዳ ኬፅዳይሳነ ባይሳ ቢታይ ዛሪድ ካ ዶላና መላ ኦዳይ ታና ጎዳ ግደይሳ ኤንቲ ኤራና። ታኒ ጎዳይ ሄሳ ኦዳስ፤ ታ ኦድዳይሳ ታ ኦና” ያጌስ።

Hose 11:7

ታ አሳይ ታፐ ሃካናዉ ኮይስ። ኤንቲ ፆሳኮ ዋስኮካ፥ እ ኤንታና ቦንቸና።

Hose 2:19

ታኒ ነና መርናዉ ታዉ ማቾ ኦና፤ ፅሎተን፥ ሱረ ፕርዳን፥ መርና ሲቁዋንነ ማሮተን ታዉ ጊግሳና።

Hose 6:1

እስራኤለ አሳይ፥ “ሃይተ! አነ ጎዳኮ ስሞስ። እ ኑና መንረስ፥ ሽን እ ኑና ኮላና፤ እ ኑና ማዱንፅስስ፥ ሽን እ ኑ ማዱን ቃቻና።

Sofonaasa 3:17

ጎዳይ፥ ነ ፆሳይ ነ ግዶን ደኤስ፤ እ ነዉ ፆኖ እምያ ኦላንቹዋ። እ ነናን ኡፋይታና፤ ባ ሲቁዋን ነና ኦራና። አሳይ ባኣለ ጋላስ ማዝሙረ የፀይሳዳ፥ እ ነናን ኡፋይተይሳ ማዝሙረ የፅድ በሳና” ያጋና።

Taybo 25:11

“ካህንያ አሮና ናኣ አላዛራ ናአይ ፕንሃስ እስራኤለ አሳ ግዶን ታኒ ታ ቦንቹዋስ ምሸተይሳዳ ምሸትዳ ግሾ፥ ታኒ ህንተ ቦላ ሀንቀትዳ ሀንቁዋ ዶሽስስ። ታኒ ታ ቃናትያን ኤንታ ፖሎ ይሳብከ።

Taybo 25:4

ያትን፥ ጎዳይ ሙሰኮ፥ “ጎዳ ሀንቆይ እስራኤለፐ ስማና መላ ካለያ አሳ ኡባ ኤፋዳ ሴታ ጋላስ ጎዳ ስንን ካቃ” ያግስ።

Roome 3:24

ሽን ኤንቲ ፆሳ አ ኬሀተን፥ ዎዝያ ክርስቶስ የሱሳ ባጋራ ጮ ፅልዶሶና።

Efesoona 1:6

ፆሳይ ባ ሲቅያ ናኣ ባጋራ ኑስ ጮ እምዳ አ ኬሀተይ ቦንቸታና መላ ሄሳ ኦስ።

2 ፅሞትዮሳ 1:9

ፆሳይ ባ ሸነንነ ባ አ ኬሀተን ኑና አሽድ፥ ባ ጌሻ ደረ ኦናዉ ኑና ዶርስፐ አትሽን፥ ኑኒ ኦዳ ኦሱዋ ግሾ ግደና። ሀ አ ኬሀተ ክርስቶስ የሱሳ ባጋራ መርና ዎደታፔ ስን ኑስ እሚስ።

Tito 3:4

ሽን አሽያ ፆሳ ኬሀተይነ ሲቆይ ቆንጭዳ ዎደ፥