Hose 13:16 - ጌሻ ማፃፋ

¹⁶ ሳማረ አሳይ ባንታ ፆሳ ቦላ ጌላትዳ ግሾ፥ ሴራ ኤካናዉ በሴስ። ኤንቲ ማሻን ቡሰታና፤ ኤንታ ናይት ትንቸታና፤ ኤንታ ቃንትዳ ማጫሳታ ኡሎይ ዳከታና” ያጌስ።

Geeshsha Maxaafa

¹⁶ Samaare asay banta Xoossaa bolla geellatida gisho, seera ekanaw bessees. Enti mashshan busetana; enta nayti tinchetana; enta qanthatida maccasata uloy daaketana” yaagees.

Hose 13:16 ပူးပေါင်းရင်းမြစ်များ

2 Kawota 15:16

ሄ ዎደ ምናሄም ትርሳፈ ደንድድ፥ ትፍሳነ፥ ያን ደእያ አሳነ ካታማ ሄራን ደእያ ቢታታ ኡባ ኦልስ። ኤንቲ ባንታ ካታማ ድርሳ ፐንግያ እያዉ ዶዮና እፅዳ ግሾ፥ ትፍሳ ኦልድ ይስስ፤ ቃስ ያን ደእያ ቃን ማጫሳ ኡባ ኡሉዋ ዳክስ።

2 Kawota 17:18

ሄሳ ግሾ፥ ጎዳይ እስራኤለ ቦላ ሀንቀትድ ኤንታ ባ ስንፈ ድግን፥ ይሁዳ ኮቻ ፃላል አትስ።

2 Kawota 17:5

አሶረ ካዎይ እስራኤለ ቢታ ኡባ ቦላ ደንድድ፥ ሄ ላይ ጋካናዉ ሳማረ ካታማ ተቅስ።

2 Kawota 17:6

ሆሰይ ካዎትዳ ኡዱፉን ላይን አሶረ ካዎይ ሳማረ ካታማ ኦይክስ፤ እስራኤለ አሳ ኤክድ፥ አሶረ ቢታ ኤፍስ። ኤንታፈ ባጋ አላሀንነ አቦራን፥ ባጋ ቃስ ጎዛና ሻፋ ማታን፥ አትዳይሳታ ሜዶና ካታማታን ዎስ።

2 Kawota 8:12

ያትን፥ አዛሄል፥ “ታ ጎዳይ አይስ ዬኪ?” ያግድ ኦይችስ። ኤልስ፥ “ኔኒ እስራኤለ አሳ ቦላ ኦና ኢታባ ታኒ ኤርያ ግሾ ዬካይስ። ኤንታ ሚፃ ኔኒ ታማን ፁጋና፤ ኤንታ ፓንታ ኔኒ ማሻን ዎና። ቃስ ኤንታ ዮጋ ናይታካ ኔኒ ሹቻን መንረና፤ ኤንታ ቃን ማጫሳታ ኡሉዋ ኔኒ ዳካና” ያግድ ዛርስ።

Isayaasa 13:16

ኤንታ ጉ ናይት ኤንታ ስንን ቡሰታና፤ ኤንታ ኬይ ቦንቀታና፤ ኤንታ ማቸታ ሀራ አስ ኢሳና።

Isayaasa 17:3

ኤፍሬማፐ ሚፃት፥ ዳማስቆፈ ካዎተይ ያና፤ ሶረፐ አትዳ ጉት እስራኤለ አሳ ቦንቹዋ መላ ግዳና” ያጌስ ኡባፈ ዎልቃማ ጎዳይ።

Isayaasa 8:4

ናአይ፥ ‘አቦ፥ እሞ’ ግድ ፄስ ኤራናፐ ስን አሶረ ካዎይ፥ ዳማስቆ ዱረተነ ሳማርያ ሻሉዋ ኤክድ ባና” ያግስ።

Hose 10:2

ኤንታ ዎዛናይ ጫከትስ፤ ሀእ ኤንቲ ባንታ ናጋራ ቶካና። ጎዳይ ኤንታ ያርሾ በሳታ ላላና፤ ኤንታ ኤቃ ቱሳታ ይሳና።

Hose 11:6

ኤንታ ካታማን ማሽ ደንዳና፤ ኤንታ ካታማታ ፐንገታ መንረና፤ ኤንታ ዞረታይ ላለታና።

Hose 7:14

ባንታ ሂፃን ዝንእድ ዘሌሎሶና፥ ሽን ባንታ ዎዛናፐ ዎሶኮና። ካስነ ዎይነ ኡሻስ ባንታ አሳተ ጋሮሶና፥ ሽን ኤንቲ ታፐ ሃክዶሶና።

Amoxe 1:13

ጎዳይ፥ “አሞነ አሳይ ዛር ዛር ኦዳ ናጋራ ግሾ፥ ታኒ ኤንታ ሴሮና አግከ። ኤንቲ ባንታ ዛዋ አሳናዉ ጋላዳ ቢታን ደእያ ቃንትዳ ማጫሳታ ኡሉዋ ዳክዶሶና።

Amoxe 3:9

አሽዶዳንነ ግብፀን ደእያ ሚፃ ኡባስ ሀይሳዳ ያግድ አዋጅተ፦ “ሳማርያ ደረታ ቦላ ሺቅድ፥ ያን ደእያ ኢታተነ ሱገ በእተ” ያግተ።

Amoxe 9:1

ታኒ ጎዳይ ያርሾ በሳ ማታን ኤቅዳሽን በአስ። እ ታኮ፥ “ባሶይ ቃፃና ጋካናዉ ፆሳ ኬ ጉምቡዋ ሾጫዳ አሳ ኡባ ሁጰን መንረ። ሄሳፈ አትዳ አሳ ታኒ ማሻን ዎና። ባቃትያ አስ ከስ ኤከና፤ ከስ ኤክዳ አስካ ፓፃ አተና።

Mikiyaasa 1:4

ሙቃድ ታማን ትልኤይሳዳ፥ ሃ ደረፐ ዱገ ጎገይሳዳ፥ ደረት እያ ቶሁዋፐ ጋርሳን ትልአና፤ ዛንጋራት ጳልቀታና።

Mikiyaasa 6:16

ህንተ ካዋ ኦምራ ዎጋ፥ እያ ናኣ ካዋ አካባ ሶ ኢታ ኦሱዋነ ኤንታ ዞርያ ካልዳ ግሾ፥ ታኒ ህንተና ይሳና፤ ህንተና አስ ኡባይ ቦራና መላ ኦና። አሳይ ህንተና ጫይያ ጫሻ ህንተ ቶካና” ያጌስ።

Nahoome 3:10

ግዶሽን፥ እያ ድኤታሱ፤ እ ጉ ናይት ደሸትድ፥ ኦገ ጋፃ ኡባን ኩንድዶሶና። እ ቦንቸትዳ አሳታ ቦላ ሳም የገትስ፤ እ ግታ አሳት ኡባይ ሳንላታን ቃሸትዶሶና።