Hose 11:9 - ጌሻ ማፃፋ

⁹ ታኒ ህንተ ግዶን ደእያ ጌሻ ፆሳፈ አትሽን፥ አሰ ግድከ። ሄሳ ግሾ፥ ታኒ ታ ሱልያ ሀንቁዋ ህንተ ቦላ ኤህከ፤ ናምአን ኤፍሬማ ይስከ፤ ታ ሀንቁዋራ ህንተኮ ዪከ።

Geeshsha Maxaafa

⁹ Taani hinte giddon de7iya Geeshsha Xoossaafe attishin, ase gidike. Hessa gisho, taani ta suulliya hanquwa hinte bolla ehike; nam7antho Efreema dhaysike; ta hanquwara hinteko yiike.

Hose 11:9 ပူးပေါင်းရင်းမြစ်များ

2 Sameela 20:10

ሽን አማስ እዮኣባ ሀድርሳ ኩሽያን ደእያ ማሻ በእቦና ግሾ፥ እያፐ ናገትቤና። እዮኣብ እያ ኡሉዋን ጫድድ ማራጭያ ቢታን ዛዝስ። አማስ እስ ጫቻን ሀይቅዳ ግሾ ዛር ጫድቤና። እዮኣብነ እያ እሻ አብስ ብክራ ናኣ ሳበአ ጌዶ ካልዶሶና።

Mazmure 46:5

ፆሳይ እያ ግዶን ደእያ ግሾ፥ ሄ ካታማይ ቃፀና፤ ዎንታ ጉራ ፆሳይ እያ ማዳና።

Mazmure 78:38

ሽን እ ኤንታ ማርስ ኤንታ ናጋራ አቶ ግስ፤ ኤንታ ይስቤና። ዳሮ ዎደ ባ ሀንቁዋ ተቅስ፤ ባ ጋዱዋ ኩመ ኤንታ ቦላ የድቤና።

Mazmure 85:4

አቤት ኑና አሽያ ፆሳዉ፥ ኑና ጉየ ዛራ፤ ኑ ቦላ ላንጭዳይሳ አጋ።

Isayaasa 12:6

እስራኤለ ጌሻይ ህንተ ግዶን ግታ ግድያ ግሾ፥ ፅዮነ አሳዉ፥ እልልተ፥ ኡፋይሳን የፅተ!” ያጋና።

Isayaasa 31:1

ማዶ ደማናዉ ግብፀ ዎይሳታነ ፓራን አማነተይሳታ አየ! ፓራ ጋረታ ዳሮተንነ ፓራ አሳታ ምኖተን አማነተይሳታ አየ! ኤንቲ እስራኤለ ጌሻ ፄሎኮና ዎይኮ ጎዳፐ ማዶ ኮዮኮና።

Isayaasa 41:14

ነኖ ጉፁንያዉ፥ ያይቆባ፥ ህንተኖ እስራኤለ አሳዉ፥ ያዮፍተ፤ ታኒ ህንተና ማዳና፤ ህንተና ዎዝያ እስራኤለ ጌሻይ ታና።

Isayaasa 41:16

ኔኒ ኤንታ ፑናና፤ ጫርኮይ ኤንታ ኤፋና፤ ሽን ኔኒ ጎዳን ኡፋይታና፤ እስራኤለ ጌሻን ቦንቸታና።”

Isayaasa 48:9

ታ ሱን ግሾ፥ ታኒ ታ ሀንቁዋ ዛራና፤ ታ ቦንቹዋ ግሾ ነና ይሶና መላ ታ ሀንቁዋ ተቃና።

Isayaasa 5:24

ኤንቲ ኡባፈ ዎልቃማ ጎዳ ህግያ እፅዳ ግሾነ እስራኤለ ጌሻ ቃላ ካዳ ግሾ ታማ ላጮይ ካለ ኦይከይሳዳነ ቡረይ ታማን ሜተትድ የይሳዳ ኤንታ ፃጶይ ዎቃና። ኤንታ ጪሻይ ባናዳ ላለትድ ያና።

Ermiyaasa 26:3

ኤንቲ ስእድ፥ ባንታ ኢታ ኦግያፐ ስማነኮ ኦን ኤር። ሄሳ ግድኮ፥ ታኒ ኤንታ ኢታተ ግሾ ይሳናዉ ቆፕዳይሳ አጋጋና።”

Ermiyaasa 30:11

ታ ህንተና አሻናዉ ህንተራ ደአይስ። ህንተና ላልዳ ካዎተታ ኡባ ይሳና፤ ሽን ህንተና ይስከ። ታ ህንተና ፅሎ ፕርዳን ሴራና፤ ሽን ሴሮና ህንተና ጮ የድከ” ያጌስ ጎዳይ።

Hose 12:1

ኤፍሬማ አሳይ ዎንታፈ ኦማርስ ጋካናዉ ዶሎሀ ጫርኮ ኦይኬስ ዎይኮ የደስ። ኤንቲ ዎርዶነ ጌላተ ዳርሶሶና፤ አሶረ ቢታራ ጫቅዶሶና፤ ሻማሆ ዛይተ ግብፀ ቢታ የዶሶና።

Hose 14:4

ጎዳይ፥ “ታ ሀንቆይ ኤንታፈ ስምዳ ግሾ፥ ታኒ ኤንታ ማካላ ሀኑዋፐ ኤንታ ፓዳ፥ ኤንታ ዎዛናፐ ሲቃና።

Milkiyaasa 3:6

“ታኒ ጎዳይ ላመትከ፤ ሄሳ ግሾ፥ ህንተኖ ያይቆባ ኮቻቶ፥ ህንተ ይበከታ።

Taybo 23:19

ዎርዶታናዉ ፆሳይ አሰ ግደና፤ ባ ቆፋ ላማናዉ አሳ ናአ ግደና። ኦድድ፥ ባ ኦድዳይሳ ኦኔ? ዎይኮ ባ ግዳይሳ ፖለኔ?

Zaaretho 13:17

ሀ ድገትዳ ሚሸታፐ አይብካ ነ ኩሸን በንቶፎ። ጎዳይ ባ ዎልቃማ ሀንቁዋፈ ስሚድ፥ ነና ማራና፤ እ ነዉ ቃታና። ካሰ ነ ማይዛታስ ጫቅዳ ጫቁዋዳ ነ ታይቡዋ ዳርሳና።

1 Sameela 26:8

አብሳይ፥ “ፆሳይ ነ ሞርክያ ሀች ነ ኩሸን አድ እሚስ፤ ታኒ ቶራን እያ እስ ቶሆ ሳአራ ኦይዳ ጫዳና፤ እያ ዛራ ጫዳናዉ ኮሸና” ያግስ።