Hose 11:8 - ጌሻ ማፃፋ

⁸ ኤፍሬም፥ ታኒ ነና ዋታዳ አጎ? እስራኤለ፥ ታኒ ነና ዋታዳ አ እሞ? ታኒ ነና ዋታዳ አዳማ ካታማዳ ኦ? ታኒ ነና ዋታዳ ፃቦይማ ካታማዳ ኦ? ታኒ ነና ዳሮ ዶስያ ግሾ ታ ዎዛናይ ሄሳ ኤሮ ጌና።

Geeshsha Maxaafa

⁸ Efreemi, taani nena waatada aggo? Isra7eele, taani nena waatada aatha immo? Taani nena waatada Adaama katamaada ootho? Taani nena waatada Xaboyma katamaada ootho? Taani nena daro dosiya gisho ta wozanay hessa ero geenna.

Hose 11:8 ပူးပေါင်းရင်းမြစ်များ

Medhetethi 14:8

ሄሳፈ ጉየ፥ ሶዶመ ካዎይ፥ ጋሞራ ካዎይ፥ አዳማ ካዎይ፥ ዘቦይማ ካዎይ፥ ዞኣረ ጌተትያ ቤላ ካዎይ ደንድድ ስድማ ዛንጋራን ኦላስ ጊግዶሶና።

2 Sameela 24:16

የሩሳላመ ይሳናዉ ኪታንቾይ ባ ኩሽያ ምጭዳ ዎደ አሳ ቦላ ጋክዳ ጋዶይ ጎዳ አዛንዳ ግሾ፥ አሳ ሾጭያ ኪታንቹዋኮ፥ “ግዳና! ነ ኩሽያ ዛራ” ያግስ። ጎዳ ኪታንቾይ ሄ ዎደ ያቡሰ አድያ ኦርና ዉዱማን ደኤስ።

1 Kawota 3:26

ፓፃ ደእያ ናአይ እባ ግድዳ ማጫስያ ባ ናኣስ ምሸታዳ፥ “ታ ጎዳዉ፥ ፓፃ ደእያ ናኣ እዉ እማ! እያ ዎፓ” ያጋሱ። ሽን ሀንክያ፥ “ታዉካ ነዉካ ግዶፖ፤ ናምኡ ከይድ ቃንፀቶ” ያጋሱ።

2 Kawota 13:23

ሽን ጎዳይ አብራሃመራ፥ ይሳቃራነ ያይቆባራ ጫቅዳ ጫቁዋ ግሾ፥ ኤንታዉ ኬህስ፥ ቃትስ፥ ቆፕስ። ሀች ጋካናዉ እ ኤንታ ይስቤና ዎይኮ ባ ስንፈ ድግቤና።

2 Taarike 36:15

ጎዳይ፥ ኤንታ ማይዛታ ፆሳይ ባ አሳስነ ባ ኬስ ቃትያ ግሾ፥ ባ ናበታ ኤንታዉ ዛር ዛር ኪትስ።

Mazmure 106:45

እ ኤንታ ግሾ፥ ባ ኡፋይሳ ቃላ ሀሳይስ፤ ባ ሲቁዋ ዳሩዋን ኤንታ ማርስ።

Isayaasa 16:11

ሄሳ ግሾ፥ ታ ዎዛናይ ሞአበስ፥ ታ ጋርሳ አሳተይካ ቅር-ሄሬሳስ ዬኬስ።

Isayaasa 63:15

አቤት ጎዳዉ፥ ሳሎራ ዱገ ፄላ፤ ኔኒ ደእያ ጌሽነ ቦንቾ ግድዳ አራታፐ በአ። ነ ቅናተይነ ነ ዎልቃይ አኔ? ነ ማሮታይነ ነ ቃይ ኑፐ ሃክስ።

Ermiyaasa 18:8

ሄ ካዎተይ ባ ኢታተፈ ስምኮ፥ ታ ኤንታ ቦላ ኤሀና ግዳ ኢታባ ኤሆና አጋጋና።

Ermiyaasa 3:12

ባዳ ፑደሀ ባጋን ደእያ አሳስ ሀይሳዳ ያጋዳ አዋጃ፦ ‘አማኖይ ባይና እስራኤለ፥ ስማ! ታኒ ማሮት ኩምዳ ጎዳ ግድያ ግሾ ነና ኢታ አይፈን ፄልከ። መርናዉ ሀንቀትከ’።

Ermiyaasa 31:20

“ኤፍሬም ታዉ ቱማ አልኦነ ታ ዶስያ ናአ ግደኔ? ታኒ እያ ሱን ደንያ ዎደ ኡባን እያ ሀሳያይስ። ሄሳ ግሾ፥ ታ ዎዛናይ እያ ላሞቴስ፤ ታ እያዉ ዳሮ ቃታይስ” ያጌስ ጎዳይ።

Ermiyaasa 42:10

“ ‘ታ ካሰ ህንተ ቦላ ኤህዳ ኢታባይ ታና አዛንዳ ግሾ፥ ህንተ ሀ ቢታን ኡትኮ፥ ታ ህንተና ኬፃናፐ አትሽን፥ ላልከ፤ ቶካናፐ አትሽን፥ ሾድከ።

Ermiyaasa 9:6

ነ ጭሞ ግዶን ደኣሳ፤ ኤንቲ ባንታ ጭሙዋን ታና ኤሮና እፅዶሶና” ያጌስ ጎዳይ።

Ermiyaasa 9:7

“ሄሳ ግሾ፥ ታ ኤንታ ብራታዳ ሴርሳና፤ ኤንታ ፓጫና። ታ አሳ ግሾ፥ ታ ሀራባ አይ ኦናዉ ዳንዳእያና?

Milalsa 1:20

አቤት ጎዳዉ፥ ታ ዋይያ በአ! ታ ጋርሳይ ዳጋምስ። ታኒ ዳሮ ማካልዳ ግሾ፥ ታ ዎዛናይ መቅስ፤ ካረን ማሽ ዉርሴስ፤ ሶን ሀይቆይ ደኤስ።

Milalsa 3:32

እ አሳ ቦላ መቶ ኤህኮካ፥ ባ መርና ሲቁዋ ዳሮተን ዛሪድ ቃቴስ።

Milalsa 3:33

እ አሳ ቦላ መቶ ዎይኮ ኡንአ ኤህድ ኡፋይተና።

Hizqeela 33:11

ታኒ ኡባ ሃርያ ጎዳይ ታ ደኡዋን ጫቃይስ፦ “ናጋራንቾይ ባ ናጋራ አግድ፥ ደኦን ዳና መላ ኮያይስፐ አትሽን፥ ናጋራንቹዋ ሀይቁዋን ኡፋይትከ። ህንተኖ፥ እስራኤለ አሳዉ፥ ስምተ፤ ህንተ ኢታ ኦሱዋ አግተ! አይስ ሀይቃናዉ ኮዬቲ?” ያግስ።

Hizqeela 6:9

ማሻፈ አትዳ ኤንቲ፥ ድኤትድ ብዳ ካዎተታ ግዶን ደእሸ ታና ሀሳያና። ኤንቲ ባንታ ላይማ ዎዛናንነ አሞትያ አይፍያን ኤቃ ጎይናናዉ ስሚድ ታ ዎዛና መንዳይሳ ኤንቲ አኬካና። ኤንቲ ባንታ ኢታ ኦሱንነ እፀትዳ ኤቃ ጎይኖ ጋሶን ባንታና ሻተታና።

Hose 6:4

ጎዳይ፥ “ታ ህንተና ኤፍሬማ አሳ ዋቶ? ታ ህንተና ይሁዳ አሳ ዋቶ? ህንተ ሲቆይ ዎንታ ፃሳ መላ፤ ኤለስድ ይያ አካ መላ።

Hose 7:1

“ታኒ እስራኤለ ፓናዉ ኮይያ ዎደ ኤፍሬማ ናጋራይነ ሳማረ አሳ ኢታ ኦሶይ ቆንጭስ። ኤንቲ ኡባ ዎደ ጭሞሶና፤ ካይሶት መንድ ገሎሶና፤ ፓንጋት ከይድ ቦንቆሶና።

Amoxe 4:11

“ሶዶመነ ጋሞራ ካታማታ ይስዳይሳዳ ህንተፈ ዳሮታ ይሳስ፤ ህንተ ታማፐ አትዳ ዱንቻ መላ፤ ሽን ሄሳንካ ህንተ ታኮ ስምበከታ” ያጌስ ጎዳይ።

Amoxe 7:3

ሄሳ ግሾ፥ ጎዳይ ኤንታዉ ቃትድ፥ “ሀ ኔኒ በእዳባይ ፖለተና” ያግስ።

Amoxe 7:6

ሄሳ ግሾ፥ ጎዳይ ቃትድ፥ “ሀይስ ፖለተና” ያጌስ ኡባ ሃርያ ጎዳይ።

Mikiyaasa 5:3

ሄሳ ግሾ፥ እቀ ኦይክዳ ማጫስያ ናኣ የላና ጋካናዉ፥ ጎዳይ እስራኤለ ሞርከታስ አድ እማና። ሄሳፈ ጉየ፥ ድኤትድ ደእያ እያ እሻት ስሚድ፥ ባንታ አሳራ ዋላከታና።

Sofonaasa 2:9

ሄሳ ግሾ፥ ታ ደኦ ሱንን ጫቃይስ፤ ሞአበይ ሶዶመዳ ሀናና፤ አሞነይ ጋሞራዳ ሀናና። ኤንቲ መርናዉ ማፅነ ኦላነ አጉን ማእዳ ባዞ ግዳና። ታ አሳፐ አትዳይሳት ኤንታ ሻሉዋ ቦንቃና፤ ኤንታ ቢታ ላታና” ያጌስ።

Maatosa 23:37

“የሩሳላመ፥ የሩሳላመ፥ ናበታ ዎያረ! ፆሳይ ኔኮ ኪትዳይሳታ ሹቻን ጫድያረ! ኩቶይ ባ ናይታ ባ ቀፈን ሀጰይሳዳ ታኒ ነ አሳ ታ ቀስያን ገቻናዉ አፑን ቶሆ ኮያድና! ሽን ታና ድጋዳሳ።

Zaaretho 29:22

ያና የለተይ፥ ህንተ ሼሻይነ ሃሆ ቢታፈ ያ ሀራ ቢታ አሳይ፥ ጎዳይ ህንተ ቦላ ኤህዳ ጋዱዋነ ሀርግያ በአና።

Zaaretho 29:23

ቢታ ኡባይ ዲነንነ ማፅነን ኩማና፤ ቶከትያባይ ዴና፤ ዶልያባይ በንተና፤ ማትነ ም ዶለና። ጎዳይ ባ ሀንቆን ይስዳ ሶዶማዳነ ጋሞራዳ፥ አዳማዳነ ፃቦይማ ካታማታዳ ሀናና።

Zaaretho 32:36

ኤንታ ዎልቃይ ዉርዳይሳነ ኤንታ ማድያ አስ ባይናይሳ በእዳ ዎደ፥ ጎዳይ ባ አሳስ ፕርዳና፤ ባ አይለታስ ቃታና።

2 ጰፅሮሳ 2:6

ጌላታስ ሌምሶ ግዳና መላ ፆሳይ ሶዶመነ ጋሞራ ካታማታ ብዶ ኦድ ፁግድ ይስስ።

Yihuda 1:7

ሄሳዳ፥ ሶዶመነ ጋሞራ አሳይነ ኤንታ ማታን ደእያ ካታማታን ደእያ አሳይ ላይማትዶሶና፤ ላይማተራ ጋሄትያ ቱናተ ኦዶሶና። ኤንቲ መርና ታማን ፕርደታናይሳታስ ሌምሶ ግድዶሶና።

ዮሃኒሳ ቆንጬ 11:8

ኤንታ ጎዳይ ማስቃልያ ቦላ ካቀትዳ ግታ ካታማ ኦግያ ቦላ ኤንታ አሀይ የገታና። ሄ ካታማይ ሌምሶን ሶዶመ ዎይኮ ግብፀ ጌተትድ ፄገቴስ።

ዮሃኒሳ ቆንጬ 18:18

ሄ ካታምያ ፁገትን ከይያ ጩያ በእዳ ዎደ፥ ‘ሀ ግታ ካታምዉ ዳንያ ሀራ ካታም ደእሻ?’ ያግዶሶና።

አይሰይሳታ 10:16

አላጋ ፆሳታ ባንታ ግዶፈ ድግድ፥ ጎዳ ጎይንዶሶና። ጎዳይ እስራኤለ አሳ ኡንኤተ በእድ ምሸትስ።