Hose 10:8 - ጌሻ ማፃፋ

⁸ እስራኤለ አሳይ አዌና ካታማን ኤቃስ ጎይንሸ፥ ናጋራ ኦያ ቃ በሳት ላለታና። ኤንታ ያርሾ በሳን አጉንነ ጎምኦረይ ዶላና። ሄ ዎደ ኤንቲ ደረታኮ፥ “ኑና ቆስተ!” ዙማታኮ፥ “ኑና ገንተ” ያጋና።

Geeshsha Maxaafa

⁸ Isra7eele asay Aweena kataman eeqas goyinnishe, nagara oothiya dhoqa bessati laaletana. Enta yarsho bessan agunthinne gom7orey dolana. He wode enti deretako, “Nuna qosite!” zumatako, “Nuna genthite” yaagana.

Hose 10:8 ပူးပေါင်းရင်းမြစ်များ

Medhetethi 3:8

ሳእ ኦማርስዳ ዎደ ጋናተ ግዶን ጎዳ ፆሳይ ሄመትሽን እያ ግርሳ አዳመይነ እያ ማችያ ስእዶሶና። ኤንቲ ጋናተ ም ግዶን ጎዳ ፆሳፈ ቆሰትዶሶና።

1 Kawota 13:2

ጎዳይ ኪትን ሄ ያርሾ በሳ ቦላ ሀይሳዳ ያግድ ዋስስ፤ “ያርሾ በሳዉ፥ ያርሾ በሳዉ፥ ጎዳይ ኔኮ ያጌስ። ሄኮ፥ ዳዊታ ኬስ እዮስያሳ ጌተትያ እስ ናእ የለታና። ሄ ናአይ ሀእ ሀይሳን ቃ ያርሾ በሳን ያርሽሸ ደእያ ካህነታ ነ ቦላ ያርሻና፤ አሳ መቀ ነ ቦላ ፁጋና” ያግስ።

1 Kawota 13:34

እዮርባማ ኬ አሳ ይሳናዉነ ቢታ ቦላፈ ቁቻናዉ ጋዳ ናጋራይ ሄሳ።

1 Kawota 14:16

እዮርባም ኦዳ ናጋራ ግሾነ እስራኤለ አሳ ናጋራ ኦስስዳ ግሾ ጎዳይ እስራኤለ አጋና” ያግስ።

2 Kawota 23:15

እስራኤለ አሳ፥ ናጋራ ኦስስዳ ናባፃ ናአይ እዮርባም ቤተለን ቃ በሳን ጊግስዳ ያርሾ በሳ ካዎይ እዮስያስ ላልስ። ላልድ ሄ ያርሾ በሳ ሹቻታካ መንረድ፥ ለ ከስስ፤ አሼር ምስልያካ ፁግስ።

2 Taarike 31:1

ባለይ ፖለትዳ ዎደ ሄ በሳን ደእያ እስራኤለ ኡባይ ይሁዳ ካታማታ ብድ ኤቃ ሹቻታ ትንቸረዶሶና፤ አሼራ ኤቃ ምስለታ ቃንፀረዶሶና። ይሁዳን፥ ብንያመን ኤፍሬማንነ ምናሰ ቢታን ደእያ ቃ ጎይኖ በሳታነ ያርሾ በሳታ ላልዶሶና። ኤንቲ ሄ ኡባ ይስዳፐ ጉየ እስራኤለ አሳ ኡባይ ባንታ ካታማነ ባንታ ሶ ሶ ስምዶሶና።

Isayaasa 2:19

ጎዳይ ቢታ ቃናዉ ደንድያ ዎደ እያ ዳጋንዋፈነ እያ ያሽያ ቦንቹዋፈ አታናዉ አሳይ ሹቻ ጎንጎሎንነ ቢታ ኦላን ቆሰታና።

Isayaasa 2:21

ጎዳይ ቢታ ቃናዉ ደንድያ ዎደ እያ ዳጋንዋፈነ እያ ያሽያ ቦንቹዋፈ አታናዉ ኤንቲ ጎንጎሎ ግዶነ ሹቻ ዛኦ ግዶ ባቃታና።

Isayaasa 32:13

አጉንነ ክንቾተይ ታ አሳ ጋድያን ዶልስ። አሳይ ኡፋይትድ ደእዳ ኬታስነ ካታማስ ዬክተ።

Isayaasa 34:13

ካዎ ኬታ አጉን፥ ሚፃታ ኦህ ማአና፤ ዎርካናት አላትያ በስነ ያንቾት ደእያ ሶ ግዳና።

Hose 10:2

ኤንታ ዎዛናይ ጫከትስ፤ ሀእ ኤንቲ ባንታ ናጋራ ቶካና። ጎዳይ ኤንታ ያርሾ በሳታ ላላና፤ ኤንታ ኤቃ ቱሳታ ይሳና።

Hose 10:5

ሳማረ ካታማን ደእያ አሳይ ቤት-አዌናን ደእያ ማራ ምስልያስ ያሻን ኮኮሮሶና። እያ ቦንቾይ እያፐ ቃረትዳ ግሾ እያዉ ዬካና፤ ሄ ኤቃ ምስልያ ካህነት ዋሳና።

Hose 10:9

ጎዳይ፥ “እስራኤለ አሳዉ፥ ግብአን ህንተ ናጋራ ኦሶ ዶምዳ ዎድያፐ፥ ሀች ጋካናዉ ናጋራ ኦሶ አግበከታ። ሄሳ ግሾ፥ ኢታ ኦይሳታ ግብአን ኦል ዉርስቤኔ?

Hose 2:6

ሄሳ ግሾ፥ ታኒ እ ኦግያ አጉንን ጎርዳና፤ እያ ባ ኦግያ ደሞና መላ ታኒ እ ዩሹዋ ግምበን ድራና።

Hose 4:13

ደረታ ሁጰን ያርሾ ያርሾሶና፤ ሎኦ ኩያይ ደእያ ዎላ ጋርሳን፥ ፂዳ ጋርሳን እፃነ ጩይሶሶና። ሄሳ ግሾ፥ ህንተ ማጫ ናይት ላይማቶሶና፤ ህንተ ናይታ ማቸት ላሞሶና።

Hose 4:15

“እስራኤለ አሳቶ፥ ህንተ ላይማትኮካ፥ ይሁዳ አሳይ ህንተይሳዳ ባላ ግዶፖ። ጋልጋላ ቦፕተ፤ ቤት-አዌና (ኢታተ ኬ) ከዮፕተ፤ ‘ደኦ ፆሳይ ኤርያ መላ’ ግድ ጫቆፍተ።

Hose 5:8

ግብአ ካታማን ሞይዘ፥ ራማ ካታማን ዛየ ፑንተ። ብንያመ አሳዉ፥ ‘ጉየ ስሚድ በእተ’ ያግድ ቤት-አዌናን ዋስተ።

Hose 8:5

ሳማረ አሳዉ፥ ህንተ ማር ዳንስድ መዳ ኤቃ ታ እፃስ፤ ታ ሀንቆይ ህንተ ቦላ ኤፅስ። ኤንቲ ቱንዳ መላ አዉደ ጋካናዉ ዳኔ?

Hose 9:6

ኤንቲ ዮፐ ከስ ኤክኮካ ግብፀይ ኤንታ ሺሻና፤ መምፕሳ ካታማይ ኤንታ ሞጋና። ኤንቲ ሺሽዳ ብራ ሚሸ ኡባ ሻራፍ ምታና፤ ኤንቲ ደእያ በሳን ቡሎይ ዶላና።

Amoxe 1:5

ታኒ ዳማስቆ ካታማ ፐንግያ መንና፤ አዌና ዛንጋራን ደእያ አሳ የደናነ ካዎታ ፃምኣ ኦይክዳይሳታ ቤት-ኤደናፐ ይሳና፤ ሶረ አሳይ ደኤትድ፥ ቂራ ባና” ያጌስ።

Amoxe 3:14

ታኒ እስራኤለ አሳ ኤንታ ናጋራ ግሾ ሴርያ ዎደ፥ ቤተለ ካታማን ደእያ ያርሾ በሳታ ላላና፤ ያርሾ በሳን ደእያ ካጨት መእድ፥ ሳአን ዎና።

Amoxe 7:9

ይሳቃ ኮቻት ጎይንያ ቃ በሳት ላለታና፤ እስራኤለ ጌሻ በሳት ያና፤ እዮርባማ ካዎተ ቦላ ታኒ ማሻራ ደንዳና” ያግስ።

Amoxe 8:14

ሳማረ ኤቃታራ ጫቅዳይሳት፥ ‘ዳና ፆሳይ ኤሮ!’ ያገይሳት፥ ‘በርሳበ ፆሳይ ኤሮ’ ያገይሳት ኩንዳና። ኤንቲ ዛር ደንዶኮና” ያጌስ።

Mikiyaasa 1:13

ፅዮነ አሳ ናጋራይ ኮይሮ ህንተ ቦላ በንትዳ ግሾነ የሩሳላመ አሳ ናጋራይ ህንተናን በንትዳ ግሾ፥ ህንተኖ፥ ላክሶ ካታማን ደኤይሳቶ፥ ጋረ ፓራታ ኮርተ።

Mikiyaasa 1:5

ሄስ ኡባይ ሀንዳይ ያይቆባ ቆሁዋ ግሾነ እስራኤለ ናጋራ ግሾሳ። ያይቆብ ባለታና መላ ጋሶ ግድዳይ ኦኔ? ኤንታ ካታማ ሳማረ ግደነዬ? ይሁዳ አሳይ ኤቃ ጎይናና መላ ጋሶ ግድዳይ ኦኔ? የሩሳላመ ግደነዬ?

Nahoome 3:11

ነኖ፥ ናናወ፥ ኔኒ ማትድ ጋንድጋርያ አሳዳ ሀናና። ነ ሞርከታ ስንፈ ባቃታዳ አትያ በሲ ኮያና።

Luqaasa 23:30

ሄ ዎደ ደረታ፥ ‘ኑ ቦላ ኩንድተ’፥ ዙማታካ፥ ‘ኑና ካምተ’ ያጋና።

Zaaretho 9:21

ታኒ ህንተ ናጋራን ኩምዳ ሄ ማራ ምስልያ ኤካዳ፥ ታማን ፁጋስ። እያ ትንቸረ ጋጫዳ ለ ከሳስ፤ ሄ ልያ ዙማፐ ጎግያ ሃራ የዳስ።

ዮሃኒሳ ቆንጬ 6:16

ኤንትካ ዙማኮነ ዛላኮ፥ “ኑ ቦላ ዎተ፤ ኑና ቆስተ፤ አራታን ኡትዳይሳ አይፍያፐነ ዶርሳ ሀንቁዋፈ ኑና ገንተ።

ዮሃኒሳ ቆንጬ 9:6

ሄ ጋላሳታን አሳይ ሀይቆ ኮያና፥ ሽን ደመና። ኤንቲ ሀይቃናዉ አሞታና፥ ሽን ሀይቆይ ኤንታፈ ሃካና።