Hose 10:5 - ጌሻ ማፃፋ

⁵ ሳማረ ካታማን ደእያ አሳይ ቤት-አዌናን ደእያ ማራ ምስልያስ ያሻን ኮኮሮሶና። እያ ቦንቾይ እያፐ ቃረትዳ ግሾ እያዉ ዬካና፤ ሄ ኤቃ ምስልያ ካህነት ዋሳና።

Geeshsha Maxaafa

⁵ Samaare kataman de7iya asay Beet-Aweenan de7iya mara misiliyas yashshan kokoroosona. Iya bonchoy iyape qaaretida gisho iyaw yeekana; he eeqa misiliya kahineti waassana.

Hose 10:5 ပူးပေါင်းရင်းမြစ်များ

2 Kawota 10:29

ግዶሽን፥ ናባፃ ናአይ እዮርባም እስራኤለ አሳ ኦስስዳ ናጋራ ኦሶ አግቤና። ቤተለንነ ዳነን እዮርባም ኤስዳ ዎርቃ ማራ ምስለታ ጎይንስ።

2 Kawota 17:16

ጎዳ ባንታ ፆሳ ኪታ ኡባ አጋግዶሶና። ማር ዳንያ፥ ናምኡ ጎይኖ ምስለታነ አሼራ ጌተትያ ኤቃ ምስልያ መዶሶና። ሳሎን ደእያ ፆልንቶ ኡባ ጎይንዶሶናነ ባኣለ ኤቃ ሀጋዝዶሶና።

2 Kawota 23:5

ይሁዳ ካታማታንነ የሩሳላመ ዩሹዋን ደእያ ቃ ጎይኖ በሳ ኡባን እፃነ ጩይሳናዉ ይሁዳ ካዎት ሱንዳ ኤቃታ ካህነታ ኡባ ኦሶፐ ከስስ። ባኣለስ፥ አዋስ፥ አጌናስ፥ ፆልንቶታስነ ሳሎን ደእያ ሀራ መተታስ እፃነ ጩይሰይሳታ ኡባ ድግስ።

2 Taarike 11:15

እዮርባም ቃ ጎይኖ በሳንነ እ ኤስዳ ዴሸነ ማራ ምስለታስ ኦያ ሀራ ካህነታ ሹምስ።

2 Taarike 13:8

“ጎዳይ ዳዊታ ኮቻስ እምዳ ካዎተራ ህንተ ኤቀታናዉ ቆፔታ። ህንተ ሄሳ ቆፕዳይ ህንተ ዳሮ ግድያ ግሾነ ፆሳታ ግዳና መላ እዮርባም ዎርቃፈ መዳ ማራት ህንተራ ደእያ ግሾሳ።

Isayaasa 46:2

ዴፁዋፐ ደንድዳይሳን ጫና መሄት፥ ጫናራ እስፈ ኩንድዶሶና። ኤቃት ባንታና አሻናዉ ዳንዳኦና ግሾ ባንታዉ ድኤትድ ብዶሶና።

Hose 13:2

ሀእካ ናጋራ ቦላ ናጋራ ኦሶና፤ ባንታ ብራ ሼሽድ ባንታዉ ኤቃ መዶሶና፤ ሂላን ኦሰትዳ ምስለታ ጊግስዶሶና፤ ኡባይካ ኩሸ ሂላን መትዶሶና። አሳይ ኤንታባ ኦድሸ፥ “ያርሽያ አሳይ ማራ ኤቃ ምስለታ ዬርተ” ያጎሶና።

Hose 4:15

“እስራኤለ አሳቶ፥ ህንተ ላይማትኮካ፥ ይሁዳ አሳይ ህንተይሳዳ ባላ ግዶፖ። ጋልጋላ ቦፕተ፤ ቤት-አዌና (ኢታተ ኬ) ከዮፕተ፤ ‘ደኦ ፆሳይ ኤርያ መላ’ ግድ ጫቆፍተ።

Hose 5:8

ግብአ ካታማን ሞይዘ፥ ራማ ካታማን ዛየ ፑንተ። ብንያመ አሳዉ፥ ‘ጉየ ስሚድ በእተ’ ያግድ ቤት-አዌናን ዋስተ።

Hose 9:1

እስራኤለ አሳቶ፥ ኡፋይቶፍተ! ሀራ ካዎታዳ ፖጩ ጎፕተ! ህንተ ህንተ ፆሳፈ ሃክድ ላይማትደታ፤ ካ ጌሽያ ዉዱማን ላይማተስ እምያ ጋትያ ዶስደታ።

Hose 9:11

ኤፍሬማ ቦንቾይ ካፎዳ ፓል ያና፤ ህዛፐ ጉየ የሎይ ባዋ፤ ቃንቶይ ባዋ፤ አተ ባዋ።

Amoxe 3:14

ታኒ እስራኤለ አሳ ኤንታ ናጋራ ግሾ ሴርያ ዎደ፥ ቤተለ ካታማን ደእያ ያርሾ በሳታ ላላና፤ ያርሾ በሳን ደእያ ካጨት መእድ፥ ሳአን ዎና።

Sofonaasa 1:4

“ይሁዳንነ የሩሳላመን ደእያ ኡባ ሴራናዉ ታ ኩሽያ ደንና። ባኣለ ኤቃ ጎይነይሳታነ እያ ሀጋዝያ ካህነታ ሄ በሳፈ ይሳና።

ሃዋሬታ ኦሱዋ 19:27

መቶ ግድዳይ፥ ኑ ኦሶይ ካተይሳ ፃላላ ግዶናሽን፥ ኢሰነ ቢታ ኡባን ደእያ አስ ጎይንያ ግታ ፆሰ አርፀምስ ኬይ ቦንቸቶና አተይሳነ እ ግታተይ ኩንዳናይሳ” ያግስ።

Iyyasu 7:2

እስራኤለ አሳይ እያርኮ ማታን ዱንካንድ ደእሽን፥ እያሱይ ቤት-አዌና ማታን ቤተለፐ ዶሎሀ ባጋን ደእያ ጋየ ካታማነ እያ ሄራ ፆሞስድ ያና መላ ጉ አሳታ ኪትስ። ኪተትዳ አሳት ብድ፥ ጋየ ካታማ ፆሞስዶሶና።

አይሰይሳታ 18:24

ሚክ ዛሪድ፥ “ታኒ መዳ ታ ፆሳታነ ታዉ ኦያ ካህንያ ቦንቅደታ። ያትን ታዉ አትዳባይ አይቤ? ታና፥ ‘ዎይግድ ዋናድ፥ ጌቲ?’ ” ያግስ።