Hose 10:13 - ጌሻ ማፃፋ

¹³ ሽን ህንተ፥ ህንተ ኦግያንነ ህንተ ዳሮ ኦላንቾታን አማነትዳ ግሾ፥ ኢታተ ዘርድ ናጋራ ጫክደታ፤ ህንተ ዎርዱዋ አይፍያ ምደታ።

Geeshsha Maxaafa

¹³ Shin hinte, hinte ogiyaninne hinte daro olanchotan ammanetida gisho, iitatethi zeridi nagaraa cakideta; hinte worduwa ayfiya mideta.

Hose 10:13 ပူးပေါင်းရင်းမြစ်များ

Iyyoba 4:8

ታ በእዳይሳዳ፥ ኢታተ ጎይድ መቶ ዘረይሳት፥ እያ ዛሪድ ቡጫና።

Mazmure 33:16

ካዎይ ባ ዎታዳረ ዳሮተን አተና፤ ኦላንቾይ ባ ዎልቃ ምኖተን ከስ ኤከና።

Mazmure 52:7

“ፆሳ ባዉ ገሸ ኦቦና፥ ባ ዱረተን አማነትዳ፥ ኢታ ኦሶን ምንዳ፥ አድያ ሀይሳ በእተ” ያጋና።

Mazmure 62:10

ቦንቀን አማነቶፍተ፤ ካይሶት ሺሽድ ዱረተን ኦቶርቶፍተ። ህንተ ዱረተይ ዳርኮካ፥ ህንተ ዎዛና እያ ቦላ ዎፍተ።

Leemiso 1:31

ኤንቲ ባንታ ኦሱዋ አይፍያ ማና፤ ባንታ ቆፋ አይፍያ ካላና።

Leemiso 12:19

ዎርዶ ኦድ ጉ ዎደሳ፤ ሽን ቱማ ኦድ መርናዉ ደአና።

Leemiso 13:2

አስ ባ ዶናፐ ከይያ ቃላን ሎኦባ ኤኬስ፤ ሽን አማነቶናይሳት ማካላባ አሞቶሶና።

Leemiso 19:5

ዎርዶ ማርክ ሴረቶና አተና፤ ዎርዶ ኦደተይ ከስ ኤከና።

Leemiso 22:8

ናጋራ ዘርያ ኡራይ ዋየ ጫኬስ፤ እያ ሀንቆ ፃምአይ መቃና።

Erata 9:11

ታኒ ሳሎፐ ጋርሳን ሀራባ በአስ። ሄስካ፥ ኤሶን ዎፀይሳት ኡባ ዎደ ፆኖኮና፤ ምኖ ኦላንቾት ኡባ ዎደ ኦላን ካንኮና፤ ጭንጫት ኡባ ዎደ ካ ደሞኮና፤ ሂላንቾት ኡባ ዎደ ዱረቶኮና፤ ታማርዳ አሳት ኡባ ዎደ ሳበቶኮና። ሽን ኡባ ቃድነ ዎደይ ጋዳይሳዳ ሀኔስ።

Isayaasa 17:11

ሄ ጋላስ ኤንቲ ድጭድ ጋካና መላ ኦኮካ፥ ቃስ ኔኒ ዘርዳ ዎንተ ኤንቲ ጪያኮካ ኔኒ አይፈ ደማካ። እያ በሳን ፓፆና ሀርገነ መቶ ጫካና።

Hose 11:12

ኤፍሬማ አሳይ ዎርዶን፥ እስራኤለ አሳይ ጭሞን ታና ተቅዶሶና። ይሁዳ አሳይ አማንያ ጌሻ ፆሳ ቦላ ፃልታምስ።

Hose 4:2

ሀ ቢታ ቦላ ደኤይ ባደ፥ ዎርዶ፥ ሸምፖ ዎ፥ ካይሶቶነ ላይማ ፃላላ። ኤንቲ ዎጋ ኡባ መንሶና፤ ሱ ጉሶሶና።

Hose 4:8

ታ አሳ ናጋራይ ኤንታዉ ካ ግድዳ ግሾ ኤንቲ ታ አሳይ ባላባ ኦና መላ ኮዮሶና።

Hose 7:3

“ኤንቲ ካዋ ባንታ ኢታተን፥ ሀላቃታ ባንታ ዎርዱዋን ኡፋይሶሶና።

Hose 8:7

“ኤንቲ ጫርኮ ዘርድ ጎተ ቡጮሶና። ኤቆን ደእያ ኤንታ ካስ አይፈይ በንተና፤ ለይካ ባዋ፤ አይፈይ ደእኮካ አላጋት ማና።

1 Sameela 24:14

“እስራኤለ ካዎይ ኦደ ቦላ ደንዲ? ኦና ኦይካናዉ ካሊ? ሀይቅዳ ካና ዎይኮ ካስቶለ ጎድዬ?