Hose 1:7 - ጌሻ ማፃፋ

⁷ ሽን ታኒ ይሁዳ አሳስ ቃታና፤ ታኒ ኤንታ ዶንገን ዎይኮ ማሻን ዎይኮ ኦላን ዎይኮ ፓራታን ዎይኮ ፓራ አሳታን ግዶናሽን፥ ታኒ ጎዳይ፥ ኤንታ ፆሳይ፥ ታ ዎልቃን ኤንታ አሻና” ያግስ።

Geeshsha Maxaafa

⁷ Shin taani Yihuda asaas qadhetana; taani enta dongen woyko mashshan woyko olan woyko paratan woyko para asatan gidonashin, taani Goday, enta Xoossay, ta wolqan enta ashshana” yaagis.

Hose 1:7 ပူးပေါင်းရင်းမြစ်များ

2 Kawota 19:29

እሳያስ ካዋ ህዝቅያሳኮ ሀይሳዳ ያግስ፤ “ሀይስ ፖለታናይሳስ ማላታይ ሀይሳ፤ ሀ ላይ ህንተ አሰቦ ካፅዳ ካ ማና፤ ላይ ቃስ ሀ ላይ ካፅዳ አሰቦ ማና። ሽን ካልያ ላይ ህንተ፥ ህንተዉ ዘርተነ ጫክተ፤ ዎይነ ቶክተነ እያ ሚተ።

2 Kawota 19:34

ታኒ ታ ቦንቹዋ ግሾነ ታ አይልያ ዳዊታ ግሾ፥ ሀ ካታማ ተቃዳ አሻና” ያግስ።

2 Kawota 19:35

ሄ ቃማ ጎዳ ኪታንቾይ ከይድ፥ አሶረ አሳይ ዱንካንዳ በሳን እስ ፄታነ ሆስፑን ታማነ እቻሹ ሙኩሉ አደታ ዎስ። ያትን አሳይ ዎንታ ደንድድ በእያ ዎደ፥ ሄኮ፥ አህ ሄራን ኩምስ።

2 Kawota 6:18

ሶረት እያ ተቅዳ ዎደ ኤልስ፥ “ሀ አሳታ አይፍያ ቆቅሳርክ” ያግድ ጎዳ ዎስስ። ኤልስ ዎስዳይሳዳ ጎዳይ ኤንታ አይፍያ ቆቅስስ።

Mazmure 33:16

ካዎይ ባ ዎታዳረ ዳሮተን አተና፤ ኦላንቾይ ባ ዎልቃ ምኖተን ከስ ኤከና።

Mazmure 44:7

ሽን ነ ኑና ኑ ሞርከታፐ አሻሳ፤ ኑና እፀይሳታ ኔኒ ካዉሻሳ።

Kessa 14:13

ሽን ሙሰይ ዛሪድ፥ “ያዮፍተ፤ ምንድ ኤቅተ። ጎዳይ ሀች ህንተና አሽያ አሹዋ ህንተ በአና። ሀች ህንተ በእያ ግብፀታ ዛር በኤከታ።

Kessa 14:30

ጎዳይ ሄ ጋላስ እስራኤለ አሳ ግብፀታ ኩሸፐ አሽስ። እስራኤለት ሀይቅድ ዝንእዳ ግብፀታ አባ ዶናን በእዶሶና።

Isayaasa 12:2

ፆሳይ ታ አቶተ፤ ታኒ እያን አማነታይስ፥ ያይከ። ጎዳይ ፆሳይ፥ ታ ዎልቃነ የ፤ እ ታ አቶተ” ያጋና።

Isayaasa 30:18

ሽን ጎዳይ ህንተዉ ኬሀናዉ ናጌስ፤ ጎዳይ ፅሎ ፕርድያ ፆሲ ግድያ ግሾ ህንተዉ ቃታናዉ ደንዳና። እያ አማነትድ ናግያ ኡባይ አንጀትዳይሳታ።

Isayaasa 49:6

ጎዳይ ታኮ ሀይሳዳ ያጌስ፤ ኔኒ ያይቆባ ኮቻ ደንናዉ እስራኤለፐ አትዳ ጉታ ዛራዳ ኤሀናዉ ኔኒ ታዉ አይለ ግደይስ ዳሮ ጉባ። ሄሳፈ አዳ፥ ታ አቶተይ ቢታ ጋፃ ጋካና መላ ታኒ ነና ካዎተታስ ፖኦ ኦና።

Isayaasa 7:14

ሄሳ ግሾ፥ ጎዳይ ባ ሁጰን ህንተዉ ማላ እማና፤ ጌላእያ ቃንታዳ አደ ናአ የላና፤ እያ ሱንካ አማኑኤላ ጋዳ ፄጋና።

Ermiyaasa 25:5

ኤንቲ፥ “ህንተ ኡባይ ህንተ ኢታ ኦግያፐነ ህንተ ኢታ ኦሱዋፐ ስምተ። ጎዳይ ህንተዉነ ህንተ ማይዛታስ መርናዉ እምዳ ቢታን ህንተ ዳና።

Ermiyaasa 25:6

ሀራ ፆሳታ ጎይናናዉነ ኤንታዉ ኦናዉ ካሎፍተ። ቃስ ህንተ፥ ህንተ ኩሸን ኦዳ ኤቃታን ጎዳ ሀንቁዋ ደንፍተ። ሄስ ሀንኮ ጎዳይ ህንተና ቆሄና” ያግዶሶና።

Ermiyaasa 33:26

ያይቆባ ዘረነ ታ አይልያ ዳዊታ ኮቻ አጋጋና። እያ ናይታፐ አብራሃመ፥ ይሳቃነ ያይቆባ ኮቻታ ቦላ ካዎናዉ ዳዊታ ኮቻ ዶርከ። ታኒ ታ አሳ ማራና፤ ኤንታ ሻሉዋ ዛራና” ያጌስ ጎዳይ።

Hose 1:8

ጎመራ ሎሩሃሞ ን ዱዳፐ ጉየ ቃንታዳ ሀራ አደ ናአ የላሱ።

Hose 11:12

ኤፍሬማ አሳይ ዎርዶን፥ እስራኤለ አሳይ ጭሞን ታና ተቅዶሶና። ይሁዳ አሳይ አማንያ ጌሻ ፆሳ ቦላ ፃልታምስ።

Zakaryaasa 4:6

እ ታኮ፥ “ዛሩባበላስ ጎዳይ ኦድዳ ቃላይ ሀይሳ፤ ‘ታ አያናናፐ አትሽን፥ ዎልቃን ዎይኮ ምኖተን ግደና’ ያጌስ ኡባፈ ዎልቃማ ጎዳይ።

1 Sameela 17:47

ጎዳይ ባ አሳ አሻናዉ ቶራ ዎይኮ ማሸ ኮዮናይሳ ሀይሳን ሺቅዳ አሳ ኡባይ ኤራና። ኦላይ ጎዳባ ግድያ ግሾ፥ እ ህንተና ኡባ ኑ ኩሸን አድ እማና” ያግስ።