Erata 5:1 - ጌሻ ማፃፋ

¹ ፆሳ ኬ ገልያ ዎደ አኬካዳ ታንጋ። ኤንቲ ባንታ ኢታ ኦሱዋ ኤሮና ግሾ፥ ስአናዉ ሺቆይ ኤያታ ያርሹዋፈ አስ።

Geeshsha Maxaafa

¹ Xoossa keethi geliya wode akeekada tanga. Enti banta iita oosuwa eronna gisho, si7anaw shiiqoy eeyata yarshuwafe aadhees.

Erata 5:1 ပူးပေါင်းရင်းမြစ်များ

2 Taarike 26:16

ሽን ኦዝያን ምንዳ ዎደ ኦቶርትስ፤ ኦቶሮይ እያ ኩንደስ ጋስ። ኦዝያን ጎዳ ባ ፆሳ አማነቶና እፅድ እፃነ ጩይስያ በሳን እፃነ ጩይሳናዉ ፆሳ ኬ ገልስ።

Iyyoba 11:2

“ሀ ሀዳ ሃሳያ ኡባስ ዛሮ እምያ አስ ባዌ? ዎይኮ ሄሳ ኦድዳ ኡራይ ቱማ ግዳናዉ ዳንዳኢ?

Iyyoba 22:12

“ፆሳይ ቃ ሳሉዋን ኡትድ፥ ቃን ደእያ ፆልንቶታ ዱገ ፄሌስ።

Mazmure 89:7

ጌሻታ ሺቁዋን ፆሳይ ያሽሴስ፤ እያ ዩሹዋን ደእያ ኡባፈ አድ ዳጋንስ።

Kessa 3:5

ፆሳይ እያኮ፥ “ሃ ሺቆፓ። ኔኒ ኤቅዳ ቢታይ ጌሽ ግድያ ግሾ፥ ነ ቶሁዋን ደእያ ጫማ ከሳ” ያግስ።

Kessa 30:18

“ሜቻ ከርያነ እያ ቶሁዋ ናሰ ብራታፐ መ። እያን ሃ ትጋዳ ጌሻ ዱንካንያፐነ ያርሾ በሳፈ ግዶን ዎ።

Leemiso 10:19

ዳሮ ሃሳያ ግዶን ናጋር የና፤ ሽን ባ ዶና ሺሽያ አስ ጭንጫ።

Leemiso 15:8

ጎዳይ ኢታታ ያርሹዋ እፄስ፤ ሽን ሱረታ ዎሳን እ ኡፋይቴስ።

Leemiso 21:27

ጎዳይ ኢታታ ያርሹዋ እፄስ፤ ኤንቲ እያዉ ኢታ ቆፋን ሺሽያ ያርሹዋ አድ እፄስ።

Isayaasa 66:3

ኮርማ ያርሸይ አሰ ዎያ አሳ መላ፤ ኡርገ ዶርስ ያርሸይ ካና ያርሽያ አሳ መላ፤ ካ ያርሾ ያርሸይ፥ ጉዱን ሱ ያርሽያ አሳ መላ፤ ቆፍሶ እፃነ ጩይሰይ ኤቃ ጎይንያ አሳ መላ። አሳ ኡባይ ባዉ እንጀትያ ኦገ ዶርዶሶና፤ ኤንታ ሸምፖይ ኤንታ ቱናተን ኡፋይቴስ።

Leeweta 10:3

ሙሰይ አሮናኮ፥ ጎዳይ፥ “ታኒ አሳ ግዶፈ ታኮ ሺቀይሳታ፥ ታ ጌሻተ በሳና። ቃስ አሳ ኡባ ስንን ታ ቦንቸታና” ግድ ኦድዳይሳ ሀይሳ በአ። አሮን ዛሮ እሞና ስእ ግስ።

ሃዋሬታ ኦሱዋ 10:33

ሄሳ ግሾ፥ ታኒ ኔኮ ኤለሳዳ ኪታስ፤ ነ ሎኦ ያዳሳ። ህዛ፥ ፆሳይ ነና ኪትዳባ ኡባ ስአናዉ ሀእ ኑኒ ኡባይ ሀይሳን ጎዳ ስንን ደኦስ” ያግስ።

ሃዋሬታ ኦሱዋ 17:11

ቤርያ አሳይ ተሰሎንቀ አሳፐ አዳ ሱረታ። ኤንቲ ቃላ ኩመ ዎዛናፐ ኤክዶሶና፤ ጳዉሎስ ግዳይስ ቱማ ግደይሳ ሻክ ኤራናዉ ጋላስ ጋላስ ጌሻ ማፃፋታ ፕልጎሶና።

1 ቆሮንቶሳ 11:22

ቱማ ህንተ ማናዉነ ኡያናዉ ህንተዉ ኬ ባዌ? ዎይኮ ፆሳ ዎሳ ኬ ካቲ? አይኮይ ባይና ማንቆታ ዬላየቲ? ታ ህንተና ዎይጎ? ሀይሳስ ታ ህንተና ናሾዬ? ናሽከ።

Ibraawe 10:26

ኑኒ ቱማ ኤራተ ኤክዳፐ ጉየ ኤርሸ ናጋራ ኦኮ፥ ህዛፐ ኑ ናጋራ ግሾ ያርሸታና ያርሾይ ባዋ።

Yayqooba 1:19

ታ ሲቆ እሻቶ፥ ሀይሳ አኬክተ። አስ ኡባይ ስአናዉ ኤለሶ፥ ሽን ኦደታናዉነ ሀንቀታናዉ ኤለሶፖ።

Iyyasu 5:15

ጎዳ ቶራ ሞጮናይ እያሱኮ፥ “ኔን ኤቅዳ በሳይ ጌሽ ግድያ ግሾ፥ ነ ቶሁዋፐ ጫማ ከሳ” ያግስ። ያትን እያሱይ እ ግዳይሳዳ ኦስ።