Daanela 4:3 - ጌሻ ማፃፋ

³ እያ ማላታይ አይባ ግተ! እ ኦያ ኦራባይ አይባ ምኖ! እያ ካዎተይ መርና ካዎተ፤ እ የለታፐ የለታ ጋካናዉ ሃሬስ።

Geeshsha Maxaafa

³ Iya malaatay ayba gite! I oothiya oorathabay ayba mino! Iya kawotethay merina kawotethi; I yeletaape yeletaa gakanaw haarees.

Daanela 4:3 ပူးပေါင်းရင်းမြစ်များ

Iyyoba 25:2

“ፆሳይ ሃረይሳነ ያሸይሳ፤ እ ቃ ሳሉዋ ሳሮተን ሃሬስ።

Mazmure 104:24

አቤት ጎዳዉ፥ ነ ኦሶይ አይ መላ ዳሮ፤ ነ ጭንጫተን ነ ኤንታ ኡባ መዳሳ፤ ሳእ ነ መዳባን ኩምስ።

Mazmure 105:27

ኤንቲ ግብፀ አሳ ስንን ማላታ፥ ካማ ቢታን ማላልስያባ ኦዶሶና።

Mazmure 145:13

ነ ካዎተይ መርና ካዎተ፤ ነ ማታይ የለታ ኡባ ሃሬስ። ጎዳይ ባ ግዳ ቃላ ኡባን አማነቴስ፤ ባ ኦሶ ኡባን ኬሀ።

Mazmure 66:7

እ ባ ዎልቃን መርናዉ ሃሬስ። ካዎተታ ባ አይፈን ፄሌስ፤ ሄሳ ግሾ፥ ማካለይሳት እያ ቦላ ደንዶፎ። ሳላሀ

Mazmure 72:18

ማላልስያባ ባርካ ኦያ ጎዳይ፥ ፆሳይ እስራኤለ ፆሳይ ጋላተቶ።

Mazmure 77:19

ኔኒ አባ ግዶራ ሄመታሳ፤ ጪሞ አባ ግዶራ ካንሳ፤ ሽን ነ ቶሆይ የዳ በሳይ በንተና።

Mazmure 86:10

ኔኒ ግታ፤ ነ ማላልስያ ኦሶ ኦያ ግሾ ፆሲ ነ ፃላላ።

Mazmure 92:5

ጎዳዉ፥ ነ ኦሶይ አይ መላ ግተ! ነ ቆፋይ አይ መላ ጪሞ!

Isayaasa 25:1

አቤት ጎዳዉ፥ ኔኒ ታ ፆሳ። ታኒ ነና ቁ ቁ ኦና፤ ነ ሱን ጋላታና። ኔኒ ነ ፖሎ አማነተን በንፐ ቆፈትድ ደእያ ማላልስያ ኦሶታ ኦዳሳ።

Isayaasa 28:29

ሀ ጭንጫተ ኡባይ ባ ዞርያንነ ባ ጭንጫተን ማላልስያ ኡባፈ ዎልቃማ ጎዳፐ ዬስ።

Isayaasa 9:7

እያ ካዎተ ዳልጋተስነ እያ ሳሮተስ ዛው ባዋ። ሀችፈ ዶምድ፥ መርና ጋካናዉ ሱረ ፕርዳንነ ፅሎተን ምንናዉነ ኤሳናዉ ዳዊታ አራታንነ እያ ካዎተን እ ካዎታና። ኡባፈ ዎልቃማ ጎዳ ቃናተይ ሀይሳ ኦና።

Ermiyaasa 10:10

ሽን ጎዳይ ቱማ ፆሳ፤ እ ደኦ ፆሳነ መርና ካዋ። እያ ሀንቁዋን ቢታይ ቃፄስ፤ ካዎተት እያ ይሉዋ ዳንዳኦኮና።

Daanela 2:2

ሄሳ ግሾ፥ እ አሙህዳ አሙሁዋ እያዉ ኦዳና መላ ማሮት፥ ብታንቾት፥ ሙሩነይሳትነ ፆልንቶ ታይበይሳት ያና መላ ካዎይ ኪትስ። ኤንቲ ይድ እያ ስንን ኤቅዶሶና።

Daanela 2:44

“ሄ ካዎታ ላይን፥ ሳሎ ፆሳይ ኩንዶና፥ ሀራ አሳስ አድ እመቶና ካዎተ ኤሳና። ሄ ኤቅዳ ካዎተይ፥ ሄ ካዎተታ ኡባ ጋጭድ ይሳና፤ ሽን እ መርናዉ ኤቅድ ዳና።

Daanela 4:17

ኡባፈ ቃ ፆሳይ አሳ ናይታ ካዎተ ኡባ ሃረይሳ፥ ካዎተ ኮይያ አሳስ እመይሳነ ሀር አቶሽን ቦረትዳይሳ ሹመይሳ ደኦን ደእያ አስ ኡባይ ኤራና መላ፥ ሄሳ ኪታንቾት አዋጅዶሶና፤ ጌሻት ፕርዳ ኤህዶሶና’ ” ያግስ።

Daanela 7:14

እያዉ ማት፥ ቦንቾይነ ካዎተ እመትስ፤ ደረይ፥ ካዎተትነ ዱማ ዱማ ዶናን ኦደትያ ኡባይ ሃረትዶሶና። እያ ማታይ መርናዉ ሻረቶና ማታ፤ እያ ካዎተስ ዛው ባዋ።

Daanela 7:27

ሳሎፐ ጋርሳን ደእያ ካዎተታ ማታይ፥ ዎልቃይነ ግታተይ፥ ኡባፈ ቃ ፆሳ ጌሻታስ እመታና። እያ ካዎተይ መርናዉ ዳና፤ ቢታ ሃረይሳት እያዉ ኪተታና፤ እያ ጎይናና’ ” ያግስ።

Roome 11:33

ፆሳ ዱረተ፥ ጭንጫተነ ኤራተ አኬክድ ኦዳናይ ኦኔ? እያ ፕርዳይ ፕልገተና፥ እያ ኦገይ ኤረተና።

Zaaretho 4:34

ዎይኮ ጎዳይ፥ ህንተ ፆሳይ ህንተ ፄልሽን፥ ግብፀ ቢታን ህንተዉ ኦዳይሳዳ ፓጨን፥ ማላታን፥ ማላልስያባን፥ ኦላን፥ ዎልቃማ ኩሸንነ ምጨትዳ ቀሰን፥ ግታ ያሻን ሀራ ካዎተ ግዶ ገልድ፥ እስ ካዎተ ባዉ ኤካናዉ ቡተትዳ ሀራ ፆሲ ደኢ?

1 ፅሞትዮሳ 1:17

አይፈን በንቶናይሳስ፥ እስ ፆሳስ፥ ሀይቆናይሳስ፥ መርና ካዋስ፥ መርናፐ መርና ጋካናዉ ጋላታይነ ቦንቾይ ግዶ። አምንእ።

Ibraawe 1:8

ሽን ባ ናአባ ኦድሸ፥ “ፆሳዉ፥ ነ አራታይ መርናዉ ደኤስ። ነ ካዎተ ነ ፅሎተን አይሳሳ።

Ibraawe 2:4

ቃስ ፆሳይ ማላታታን፥ ኦራባታን፥ ዱማ ዱማ ማላታንነ ባ ሸንያዳ እምዳ ጌሻ አያና እሞታታን ማርካተ ምንስ።

1 ጰፅሮሳ 4:11

የሱስ ክርስቶሳ ባጋራ ኡባባን ፆሳይ ጋላተታና መላ ኦንካ ኦድያባ ግድኮ ፆሳፈ ቃላ ኤክዳዳ ኦዶ። ቃስ ኦንካ ማድያባ ግድኮ ፆሳይ እያዉ እምያ ዎልቃዳ ማዶ። ቦንቾይነ ዎልቅ መርናፐ መርና ጋካናዉ እያዉ ግዶ። አምንእ።

ዮሃኒሳ ቆንጬ 11:15

ላፑን ኪታንቾይ ባ ሞይዝያ ፑንስ። ሳሎፐ፥ “ሳኣ ካዎተይ ኑ ጎዳስነ ክርስቶሳስ ግድስ፤ እ መርናፐ መርና ጋካናዉ ሃራና” ግያ ዎልቃማ ቃላይ ስኤትስ።