Astiro 9:3 - ጌሻ ማፃፋ

³ ኤንቲ ማርድክዮሳስ ያይዳ ግሾ፥ ካዎፐ ጋርሳራ ቢታ ሃረይሳት፥ አዉራጃ አይሰይሳትነ ቢታ ሀላቃት ኡባይ አይሁደታ ማድዶሶና።

Geeshsha Maxaafa

³ Enti Mardikiyoosas yayyida gisho, kawope garsara biitta haareysati, awuraja ayseysatinne biitta halaqati ubbay Ayhudeta maaddidosona.

Astiro 9:3 ပူးပေါင်းရင်းမြစ်များ

Izira 2:2

ኤንታ ሀላቃት ዛሩባበላ፥ እያሱ፥ ናህመ፥ ሳራያ፥ ራእላ፥ ማርድክዮሳ፥ ብልሳና፥ ማሰፋራ፥ ባጉዋያ፥ ረሁማነ ባአና። ድኦፐ ስምዳ አሳ ታይቦይ ሀይሳ።

Izira 8:36

ካዎይ ኪትዳ ኪታካ ካዉዋፐ ጋርሳራ ቢታ አይሰይሳታስነ ኤፍራፂሳ ሻፋፐ ሄፍን ቢታ አይሰይሳታስ እምዶሶና፤ ኤንቲ እስራኤለ አሳነ ፆሳ ኬ ኦሱዋ ማድዶሶና።

Astiro 3:12

ሄሳ ግሾ፥ ኮይሮ አጌናን፥ ታማነ ሄን ጋላሳን፥ ሃም ካዋ ፃፈታ ኡባ ፄግድ፥ ሄ አዋጆይ ቢታ ኡባን ደእያ አሳስ ዱማ ዱማ ዶናንነ ዱማ ዱማ ፕዳለን ፃፈትድ፥ ካዎፐ ጋርሳራ ቢታ ሃረይሳታስ፥ አዉራጃ ሃረይሳታስነ ደረ ሀላቃታ ኡባስ ኪተታናዳ ኪትስ። አዋጆይ ካዋ አርፀክስሳ ሱንን ፃፈትድ፥ ምግዶ ማታመይ እያ ቦላ ዎሰትን፥

Astiro 8:17

ሄሳ ግሾ፥ ካዋ አዋጆይ ናባበትዳ ቢታንነ ካታማ ኡባን ደእያ አይሁደት ግታ ባኣለ ከስድ፥ ኡፋይትሸነ ግብራ ምሸ ፔእዶሶና። ሄሳ ጋሶን አይሁደታስ ያይድ፥ ያን ደእያ ሀራ ዛረ አሳፐ ዳሮት አይሁደ ግድዶሶና።

Astiro 8:5

“ካዋዉ፥ ኔኒ ታናን ኡፋይትዳባ ግድኮ፥ ቃስ ታ ኦይሻካ ፖላናዉ ኔኒ ዶስዳባ ግድኮ፥ ነ ካዎተ ግዶን ደእያ አይሁደ ኡባ ኩመ ዎና መላ፥ አጋጋ ኮቸ ግድዳ ሀማዳታ ናአይ ሃም ከስዳ አዋጁዋ ሻርያ ሀራ አዋጆ ከሳናዳ ዎሳይስ።

Astiro 8:9

ንሳነ ጌተትያ ሄን አጌናን፥ ላታማነ ሄን ጋላሳን፥ ማርድክዮስ ካዋ ፃፈታ ኡባ ፄግድ፥ ህንደፈ ብድ ቶጰ ጋካናዉ ደእያ ፄታነ ላታማነ ላፑን ቢታታን ካዎፐ ጋርሳራ ሃረይሳታስ፥ አዉራጃ አይሰይሳታስነ ቢታ ሀላቃታስ የድያ አዋጆ ፃፍስስ። አዋጆይ ዱማ ዱማ ዶናንነ ዱማ ዱማ ፕዳለን ፃፈትስ፤ ቃስ አይሁደታስካ ኤንታ ዶናንነ ኤንታ ፕዳለን ፃፈትስ።

Daanela 3:2

ሄ ምስልያ አንጅሳናዉ ያና መላ፥ ካዎ ሞርናታ፥ ሹማታ፥ ቢታ አይሰይሳታ፥ ካዋ ዞረይሳታ፥ ሚሸ ኬን ኦይሳታ፥ ፕርዳ ዳይናታ፥ ህገ ኤራንቾታነ አዉራጃ ሹማታ ፄግስ።