Astiro 3:8 - ጌሻ ማፃፋ

⁸ ሄሳፈ ጉየ፥ ሃም ካዋ አርፀክስሳኮ ሀይሳዳ ያግስ፤ “ነ ካዎተ ግዶን ኡባ በሳን ላለትድ ደእያ እስ ኮቻይ ደኤስ። ኤንታ ደኦ ማራይ ሀራ አሳይሳፈ ዱማ፤ ሄሳ ፃላላ ግዶናሽን፥ ኤንቲ ካዎ ህግያስ ሃረቶኮና። ሄሳ ግሾ፥ ኔኒ ኤንታ ደኦ ጋዳ ስእ ጊኮ፥ ሄስ ሎኦ ግደና።

Geeshsha Maxaafa

⁸ Hessafe guye, Haami kawa Arxekisisako haysada yaagis; “Ne kawotethaa giddon ubba bessan laaletidi de7iya issi kochay de7ees. Enta de7o maaray hara asaysafe dumma; hessa xalaala gidonashin, enti kawo higgiyas haaretokona. Hessa gisho, neeni enta de7o gada si77i giiko, hessi lo77o gidenna.

Astiro 3:8 ပူးပေါင်းရင်းမြစ်များ

Izira 4:6

አርፀክስስ ካዎትዳ ዎደ ይሁዳነ የሩሳላመ አሳ ሞታናዉ ፓይለ ዶይዶሶና።

Nahime 1:8

ነ አይልያ ሙሰስ ነ ኦድዳ ቃላ ሀያና ቆፓ፤ ኔኒ፥ ‘ህንተ ታዉ አማነቶና እፅኮ፥ ታኒ ህንተና አይሁደ ግዶና ቢታታን ላላና።

Astiro 3:9

ሄሳ ግሾ ካዋዉ፥ ሀ ቆፋይ ነና ኡፋይስኮ፥ ሀ አሳታ ዎድ ይሳና መላ አዋጆ ከሳ። ሄሳ ነ ኦኮ፥ ታኒ ሄ ፄታነ ኦይታሙ ሙኩሉ ክሎ ግራመ ብራ ካዎ ቡቁራ ምንጅያ ኬ ገልሳናዳ፥ ነ ካዎተ አይሰይሳታስ እማና” ያግስ።

Astiro 4:1

ማርድክዮስ ሀ ሀንዳባ ኡባ ስእዳ ዎደ፥ አዛንድ ባ ማኡዋ ፔድ፥ ካዮ ማኦ ማእድ፥ ባ ሁጰን ብዶ ቆልስ። ባ ቃላ ቁ ኦድ፥ ይባታ ዬሆ ዬክሸ፥ ካታማ ግዶን ዩይስ።

Ermiyaasa 33:24

“ሀ አሳይ፥ ‘ጎዳይ ባ ዶርዳ ናምኡ ካዎተታ፥ እስራኤለነ ይሁዳ አጋግስ’ ያግድ ኦደተይሳ ነ አኬካብኪ? ኤንቲ ታ አሳ ካድ፥ ባና ዳንዳእዳ ካዎተ ግዶኮና ግድ ቆፖሶና።

Ermiyaasa 50:17

“እስራኤለይ ጋሞይ የደድ ላልዳ ዶርሳ መላ። ኮይሮ አሶረ ካዎይ እያ አሹዋ ምስ፤ ዉርሰን ባብሎነ ካዎይ ናቡካዳናፆር እያ መቀ ግስ።”

Hizqeela 11:16

ኡባ ሃርያ ጎዳይ ሀይሳዳ ያጌስ፦ “ታ ኤንታ ሃሆን ደእያ ካዎተታ ግዶ የድኮካ፥ ቢታ ኡባን ላልኮካ፥ ኤንቲ ብዳ ቢታታን ጉ ዎደስ ኤንታራ ግዳና” ያጌስ።

Hizqeela 6:8

ታኒ ህንተ ግዶን ማሻፈ አትዳ ጉታ ፓፃ አሻና፤ ህንተ ቢታታንነ ካዎተታ ግዶን ላለታና።

Daanela 3:8

ሄ ዎደ ባብሎነ አሳታፐ እሶት እሶት አይሁደታ ሞትዶሶና።

Daanela 6:13

ኤንቲ፥ “ካዋዉ፥ ሄኮ ይሁዳፐ ድኤትድ፥ ይዳ አሳፐ እሶይ፥ ዳነል፥ ነዉ ግድን ነ ፓራማዳ ከስዳ ነ አዋጁዋካ ኪተተና። እ ሀእ ጋካናዉ ጋላሳን ሄ ቶሆ ባ ፆሳ ዎሴስ” ያግዶሶና።

Daanela 6:14

ካዎይ ሄሳ ስእዳ ዎደ ዳሮ አዛንስ፤ ዳነላ አሻናዉ ቆፕድ፥ አው ዉላና ጋካናዉ እያ አሻና ኦገ ኡባ ኮይስ።

Leeweta 26:33

ታኒ ህንተና ካዎተታ ግዶን ላላና፤ ህንተ ቦላ ታ ማሻ ሾዳና። ህንተ ቢታይ ባይሳታና፤ ህንተ ካታማት ላለታና።

Zakaryaasa 7:14

“ታኒ ጎተ ኤሀዳ ኤንቲ ኤሮና ካዎተታ ግዶን ላላስ። ቢታይ አስ ያነ ሃነ ስመረቶና ካይሳ ቢታ ግድስ፤ ሀ ሎኦ ቢታይ ባይሳ ግድስ” ያጌስ ኡባፈ ዎልቃማ ጎዳይ።

Taybo 23:9

ታ ቃ ዛላ ሁጰን ኤቃዳ ኤንታ ፄላይስ፤ ዙማ ቦላ ኤቃዳ ኤንታ በአይስ። ኤንቲ ባንታርካ ደእያ ደረ፤ ኤንቲ ሀራ ካዎተታፐ ዱማ ግደይሳ ኤሮሶና።

Yohaanisa 7:35

አይሁደት እሶይ እሱዋራ፥ “ሀይስ ኑኒ ደሞናሶ አዉ ባና ሀኒ? ግርከ ካታማን ደእያ አይሁደታኮ ብድ ግርከታ ታማርሳናዉ ሀንዬ?

ሃዋሬታ ኦሱዋ 24:5

ሀ ኡራይ በ ግድድ ቢታ ኡባን ደእያ አይሁደታ ግዶን ቡቀ መድ ናዝራወታ ባጋ አሳ ካለይሳ ግዶይሳ ኤርዳ።

ሃዋሬታ ኦሱዋ 28:22

ሽን ሀ ነ ካልያ አማኑዋ ዱማ ዱማ በሳን አሳይ እፀይሳ ኑኒ ኤርያ ግሾ ነ ቆፋ ስአናዉ ኮዮስ” ያግዶሶና።

Zaaretho 30:3

ያን ጎዳይ፥ ነ ፆሳይ ነ ድኤትዳ ቢታፈ ነና ዛራና። እ ህንተዉ ቃትድ ህንተና ላልዳ ካዎተታ ኡባ ግዶፈ ዛሪድ ሺሻና።

Zaaretho 32:26

ታ ኤንታ ይሳናዉነ ኤንታ ሀሳይያ አስ ዶና መላ ኦናዉ ቆፓስ።

Zaaretho 4:27

ጎዳይ ህንተና ሀራ አሳ ግዶን ላላና፤ ህንተና እ ላልያ ካዎተታ ግዶን ህንተ ታይቦይ ጉ ግዳና።

Yayqooba 1:1

ፆሳነ ጎዳ የሱስ ክርስቶሳ አይለይ፥ ያይቆብ፥ ቢታ ኡባን ላለትዳ ታማነ ናምኡ ሼሻታስ ኪትዳ ኪታ። ሳሮ፥ አይ መላ ደኤቲ?

1 ጰፅሮሳ 1:1

ታኒ፥ የሱስ ክርስቶሳ ሀዋረይ ጰፅሮስ፤ ጳንፆሳን፥ ጋላትያን፥ ቃጳዶቃን፥ ኢሰንነ ብታነን በታንቾዳ ላለትድ ደእያ ፆሳይ ዶርዳ፥ አሳስ ሀ ዳብዳብያ ፃፋስ።