Amoxe 7:17 - ጌሻ ማፃፋ

¹⁷ ሄሳ ግሾ፥ ጎዳይ፥ ‘ነ ማችያ ካታማ ግዶን ላይማ ግዳና፤ ነ አደ ናይትነ ነ ማጫ ናይት ማሻን ሀይቃና። ነ ቢታይ ዎዶሮን ሻከታና፤ ቃስ ኔኒ ነ ሁጰን አላጋ ቢታን ሀይቃና። ስይ ባይና እስራኤለ አሳይ ባንታ ቢታፈ ድኤትድ ባና’ ያጌስ” ያግስ።

Geeshsha Maxaafa

¹⁷ Hessa gisho, Goday, ‘Ne machiya katama giddon layma gidana; ne adde naytinne ne macca nayti mashshan hayqana. Ne biittay wodoron shaaketana; qassi neeni ne huuphen allaga biittan hayqana. Sidhey bayna Isra7eele asay banta biittafe di7etidi baana’ yaagees” yaagis.

Amoxe 7:17 ပူးပေါင်းရင်းမြစ်များ

2 Kawota 17:6

ሆሰይ ካዎትዳ ኡዱፉን ላይን አሶረ ካዎይ ሳማረ ካታማ ኦይክስ፤ እስራኤለ አሳ ኤክድ፥ አሶረ ቢታ ኤፍስ። ኤንታፈ ባጋ አላሀንነ አቦራን፥ ባጋ ቃስ ጎዛና ሻፋ ማታን፥ አትዳይሳታ ሜዶና ካታማታን ዎስ።

Mazmure 78:55

እ ኤንታ ስንፈ ካዎተታ ጎድስ፤ ኤንታ ቢታ እስራኤለ ኮቻታስ ላታ ኦድ ሻክስ፤ ባ አሳስ ኤንታ ኬ እሚስ።

Isayaasa 13:16

ኤንታ ጉ ናይት ኤንታ ስንን ቡሰታና፤ ኤንታ ኬይ ቦንቀታና፤ ኤንታ ማቸታ ሀራ አስ ኢሳና።

Isayaasa 22:18

ኮሰዳ ነና ዩሽድ ዳልጋ ቢታን ሆላና። ነኖ ነ ጎዳ ኬስ ዬላ ግድዳ አድያዉ ኔኒ ያን ሀይቃና፤ ነ ቦንቾ ፓራ ጋረት ያን አታና።

Ermiyaasa 14:16

ቃስ ትንብተይ ኦደትዳ አሳይ ኮሻነ ኦላ ጋሶን ሀይቃና፤ ኤንታ አሀይ የሩሳላመ ኦግያ ቦላ ሆለታና። ኤንታ ዎይኮ ኤንታ ማቸታ፥ ኤንታ አደ ናይታነ ዎይኮ ኤንታ ማጫ ናይታ ሞግያ አስ ያና። ኤንታዉ በሲያ ዋይያ ኤንታ ቦላ ትጋና” ያግስ።

Ermiyaasa 20:6

ቃስ ኔኒ ጳስኮር፥ ነ ሶን ደእያ አሳ ኡባይ ድኤትድ፥ ባብሎነ ባና። ኔኒ ዎርዶ ትንብተ ኦድዳ ነ ላገታ ኡባራካ ያን ሀይቃናነ ያን ሞገታና’ ያጌስ” ያግስ።

Ermiyaasa 28:12

ናበይ ሀናን፥ ናብያ ኤርምያሳ ጋናፈ መንዳ ጉ ዎደፐ ጉየ፥ ጎዳ ቃላይ ናብያ ኤርምያሳኮ ሀይሳዳ ያግሸ ይስ።

Ermiyaasa 28:16

ሄሳ ግሾ፥ ጎዳይ፥ ‘ታ ነና ሳአ ቦላፈ ድጋና። ኔኒ ሀ አሳይ ታ ቦላ ማካላና መላ ኦዳ ግሾ ነ ሀ ላይ ሀይቃና’ ” ያግስ።

Ermiyaasa 29:21

ታ ሱንን ዎርዶ ትንብተ ኦድያ፥ ቆላያ ናኣ አካባባነ ማሰያ ናኣ ሰደቅያሳባ ኡባፈ ዎልቃማ ጎዳይ፥ እስራኤለ ፆሳይ ሀይሳዳ ያጌስ። “ታ ኤንታ ባብሎነ ካዋ ናቡካዳናፆራስ አዳ እማና። ህንተ ፄልሽን፥ እ ኤንታ ዎና።

Ermiyaasa 29:25

“ኡባፈ ዎልቃማ ጎዳይ፥ እስራኤለ ፆሳይ ሀይሳዳ ያጌስ፦ ‘ኔኒ ነ ሱንን የሩሳላመን ደእያ አሳስ፥ ማእሰያ ናኣ ካህንያ ሶፎንያሳስነ ሀራ ካህነታስ ዳብዳበ የዳዳሳ።’ ነ ሶፎንያሳስ ሀይሳዳ ያጋዳሳ፦

Milalsa 5:11

ማጫሳታ ፅዮነን ጌላኦታ ይሁዳ ካታማታን ዎልቃን ኦይክድ ቱንስዶሶና።

Hizqeela 4:13

ሄስ እስራኤለ አሳይ ታ ኤንታ ላልያ ካዎተታ ግዶን ደእሸ፥ ቱንዳ ካ ማናዉ ደኤይሳስ ማላ” ያግስ።

Hose 9:3

ኤንቲ ጎዳ ቢታን ጋምኦኮና። ኤፍሬም ግብፀ ቢታ ስማና፤ አሶረ ቢታን ቱና ካ ማና።

Amoxe 6:7

ሄሳ ግሾ፥ ኮይሮ ድኤታናይ ህንተና፤ ሄ ዎደ ህንተ እንጀ ዱሳይ አታና።

Amoxe 7:11

እ፥ ‘እዮርባም ማሻን ሀይቃና፤ እስራኤለ አሳይ ባንታ ቢታፈ ድኤትድ ባና’ ያጌስ” ያግስ።

Amoxe 8:1

ኡባ ሃርያ ጎዳይ ታና ሀራ ቆንጨ በስስ፤ ሄስካ፥ ቴራ አይፈይ ኩምዳ ዳቾ በስስ።

Amoxe 9:1

ታኒ ጎዳይ ያርሾ በሳ ማታን ኤቅዳሽን በአስ። እ ታኮ፥ “ባሶይ ቃፃና ጋካናዉ ፆሳ ኬ ጉምቡዋ ሾጫዳ አሳ ኡባ ሁጰን መንረ። ሄሳፈ አትዳ አሳ ታኒ ማሻን ዎና። ባቃትያ አስ ከስ ኤከና፤ ከስ ኤክዳ አስካ ፓፃ አተና።

Amoxe 9:8

ጎዳይ፥ “ሄኮ፥ ኡባ ሃርያ ጎዳ አይፈይ ናጋራንቾ ካዎተ ቦላ ደኤስ። ታኒ እያ ቢታ ቦላፈ ይሳና፤ ሽን ታኒ ያይቆባ ኮቻ ኡባ ይስከ።

Mikiyaasa 1:16

ህንተኖ፥ ይሁዳ አሳቶ፥ ህንተ ዶስያ ናይት ህንተፈ ድኤትድ ባናዉ ደእያ ግሾ፥ ህንተ ሁጵያ ሜደትተ፤ ህንተ ሁጵያ ቆራሰ ሁጰዳ ቦሮቆ ኦተ።

Zakaryaasa 14:2

ካዎተታ ኡባ ጎዳይ የሩሳላመ ቦላ ኦላስ ሺሻና። ካታማይ ኦይከታና፤ ኬይ ቦንቀታና፤ ማጫ አሳ ዎልቃን ኢሳና። ካታማ አሳፐ ባጋይ ድኤትድ ባና፤ ሽን አትዳ አሳይ ካታማፐ ከየና።