Amoxe 4:11 - ጌሻ ማፃፋ

¹¹ “ሶዶመነ ጋሞራ ካታማታ ይስዳይሳዳ ህንተፈ ዳሮታ ይሳስ፤ ህንተ ታማፐ አትዳ ዱንቻ መላ፤ ሽን ሄሳንካ ህንተ ታኮ ስምበከታ” ያጌስ ጎዳይ።

Geeshsha Maxaafa

¹¹ “Soodomenne Gamoora katamata dhaysidaysada hintefe darota dhaysas; hinte tamape attida duncha mela; shin hessanka hinte taako simmibeketa” yaagees Goday.

Amoxe 4:11 ပူးပေါင်းရင်းမြစ်များ

Isayaasa 13:19

ካዎተታስ ቦንቾ፥ ባ አሳስ አሌቆ ግድዳ ባብሎነ ቢታ፥ ጎዳይ ሶዶመዳነ ጋሞራዳ ሽር የጋና።

Isayaasa 7:4

እያዉ ሀይሳዳ ያጋዳ ኦዳ፤ ‘ናገታ፤ ዎፑ ጋ፤ ያዮፋ። ሀ ናምኡ ካዎት ታማፐ አትድ ጩያ ዱሩማ መላ ግድያ ግሾ፥ አራመ ካዋ ራዝናነ ራማላ ናኣ ሀንቁዋስ ያዮፋ፤ ነ ዎዛናይ ዳጋሞፎ።’

Isayaasa 9:12

ዶሎሀፐ አራመታ፥ ዉሎሀፐ ፍልስፄመታ ደንን፥ ኤንቲ ባንታ ዶና ዶይድ፥ እስራኤለ ምትዶሶና። ሄ ኡባን ጎዳ ሀንቆይ ስምቤና፤ እያ ኩሸይ ደንድዳ በሳን ደኤስ።

Ermiyaasa 23:14

ቃስ የሩሳላመ ናበታ ግዶንካ ሀይስ ዴፅያባ በአስ። ኤንቲ ላይማቶሶና፤ ዎርዶትድ ደኦሶና። ኦንካ ባ ኢታ ኦሱዋፐ ስሞና መላ ኤንቲ ኢታ ኦይሳታ ምንሶና። ኤንቲ ኡባይ ታዉ ሶዶማ መላ፤ የሩሳላመ አሳይ ጋሞራ መላ” ያጌስ ጎዳይ።

Ermiyaasa 49:18

ሶዶመይነ ጋሞር ባንታ ዩሹዋን ደእያ ካታማታራ ይያ ዎደ ሀንዳይሳዳ ኦንካ ያን ዴና፤ አስ ያን ኡተና” ያጌስ ጎዳይ።

Ermiyaasa 5:3

አቤት ጎዳዉ፥ ነ አይፈት ቱማ ፄሎኮናዬ? ነ ኤንታ ሾጫዳሳ ሽን ኤንታ ሳክቤና። ነ ኤንታ መንረዳሳ ሽን ኤንቲ ስሞና እፅዶሶና። ኤንቲ ባንታ ሶምኡዋ ዛላፈ አድ ምንድ ባንታ ናጋራፐ ስሞና እፅዶሶና።

Ermiyaasa 50:40

ፆሳይ በን ሶዶመነ ጋሞራ ኤንታ ዩሹዋን ደእያ ካታማታራ ይስዳይሳዳ ባብሎነን ኦንካ ዴና፤ አስ ያን ኡተና” ያጌስ ጎዳይ።

Hizqeela 24:13

የሩሳላመ፥ ነነ ቱንዳይ ነ ኢታ ኦሱዋና። ታ ሀንቆይ ነ ቦላ ዉራና ጋካናዉ ህዛፐ ኔኒ ጌያካ። ነ ቱናተፈ ነና ጌሻናዉ ኮያስ ሽን፥ ነ ጌያናዉ ኮያባካ።

Hose 11:5

ኤንቲ ታኮ ስሞና እፅድ ግብፀ ቢታ ስማና፤ አሶረ ቢታ ካዎይ ኤንታ ቦላ ካዎታና።

Hose 11:8

ኤፍሬም፥ ታኒ ነና ዋታዳ አጎ? እስራኤለ፥ ታኒ ነና ዋታዳ አ እሞ? ታኒ ነና ዋታዳ አዳማ ካታማዳ ኦ? ታኒ ነና ዋታዳ ፃቦይማ ካታማዳ ኦ? ታኒ ነና ዳሮ ዶስያ ግሾ ታ ዎዛናይ ሄሳ ኤሮ ጌና።

Amoxe 4:6

“ህንተ ካታማ ኡባን ታኒ ኮሻ የዳዳ፥ ሀር አቶሽን ህንተ አቻን ጋያባ ይሳስ፤ ሽን ህንተ ሄሳን ታኮ ስምበከታ።

Hagge 2:17

ታኒ ህንተ ኩሸ ኦሶ ኡባ ቦላ መልስያ ጫርኮ፥ ካ ሀርገነ ሻች የዳዳ ይሳስ። ሽን ህንተ ሀ ኡባን ታኮ ስምበከታ” ያጌስ ጎዳይ።

Zakaryaasa 3:2

ጎዳይ፥ “ፃላህያዉ፥ ጎዳይ ነና ሴሮ፤ የሩሳላመ ዶርዳ ጎዳይ ነና ሴሮ! ሀ አደይ ታማፐ አትዳ ዱንቻ መላ ግደኔ?” ያግስ።

Roome 9:29

ቃስካ እሳያስ፥ “ኡባፈ ዎልቃማ ጎዳይ ኑስ ጉ ኮቸ አሾናባ ግድያኮ፥ ኑኒ ሶዶመነ ጋሞራ ካታማዳ ያናሽን” ያግድ ኮይሮትድ ኦድስ።

1 ቆሮንቶሳ 3:15

ሽን ኦደ ኦሶይካ ታማን ፁገትኮ፥ ሄ ኡራስ ዎይቶይ ባዋ። ግዶሽን፥ እ ባ ሁጰን ታማፐ ከስ ኤክዳ አሳዳ አታና።

Zaaretho 28:24

ጎዳይ ነ ቢታን ቡክያ እራ ብዶነ ባና ከሳና፤ ኔኒ ያና ጋካናዉ ሳሎፐ ባን ቡካና።

Zaaretho 29:23

ቢታ ኡባይ ዲነንነ ማፅነን ኩማና፤ ቶከትያባይ ዴና፤ ዶልያባይ በንተና፤ ማትነ ም ዶለና። ጎዳይ ባ ሀንቆን ይስዳ ሶዶማዳነ ጋሞራዳ፥ አዳማዳነ ፃቦይማ ካታማታዳ ሀናና።

2 ጰፅሮሳ 2:6

ጌላታስ ሌምሶ ግዳና መላ ፆሳይ ሶዶመነ ጋሞራ ካታማታ ብዶ ኦድ ፁግድ ይስስ።

Yihuda 1:23

እስ እስ አሳታ ታማፐ ከስ ኤክተ። ቃስ ኢታ አሞን ቱንዳ ኤንታ ማኡዋ እፅሸ ሀራታስ ያሻን ቃትተ።

Yihuda 1:7

ሄሳዳ፥ ሶዶመነ ጋሞራ አሳይነ ኤንታ ማታን ደእያ ካታማታን ደእያ አሳይ ላይማትዶሶና፤ ላይማተራ ጋሄትያ ቱናተ ኦዶሶና። ኤንቲ መርና ታማን ፕርደታናይሳታስ ሌምሶ ግድዶሶና።

ዮሃኒሳ ቆንጬ 9:20

ሀ ጋዶታፐ አትዳይሳት ባንታ ኩሸ ኦሱዋፐ ስምቦኮና። ኤንቲ ቱና አያናን ዎርቃፈ፥ ብራፐ፥ ናሰ ብራታፐነ ሹቻፈ ኦሰትዳ ኤቃስ ጎይኖሶና። ፄላናዉ፥ ስአናዉ፥ ሄመታናዉ ዳንዳኦና ኤቃታስ ጎይነይሳ አግቦኮና።