Amoxe 1:9 - ጌሻ ማፃፋ

⁹ ጎዳይ፥ “ፅሮሳ ካታማ አሳይ ዛር ዛር ኦዳ ናጋራ ግሾ፥ ታኒ ኤንታ ሴሮና አግከ። ኤንቲ ጫቅዳ እሻተ ጫቁዋ መንድ፥ ደኤትዳ አሳ ኡባ ኤዶመ አሳስ ባይዝዶሶና።

Geeshsha Maxaafa

⁹ Goday, “Xiroosa katamaa asay zaari zaari oothida nagaraa gisho, taani enta seeronna aggike. Enti caaqida ishatetha caaquwa menthidi, de7etida asa ubbaa Edoome asaas bayzidosona.

Amoxe 1:9 ပူးပေါင်းရင်းမြစ်များ

2 Sameela 5:11

ፅሮሳ ካዎይ ክራም ዳዊታስ ካዎ ጋ ኬፃና መላ ዝጋ ም፥ አናፀታነ ሹቹ ማሰይሳታ የድን፥ ኤንቲ እያዉ ኬ ኬፅዶሶና።

Mazmure 83:7

ገባላነ አሞነ አሳ፥ አማለቃ፥ ፍልስፄመነ ፅሮሳ አሳ።

Ermiyaasa 25:22

ፅሮሳ ካዎታ ኡባ፥ ስዶና ካዎታ ኡባነ መደትራነ አባፈ ሄፍንን፥ ሃሆን ደእያ ካዎታ ኡሻስ።

Ermiyaasa 47:4

ፍልስፄመ አሳ ይሳናዉ፥ ፅሮሳነ ስዶና ማዳናዉ አትያ አሳ ይሳናዉ ዎደይ ጋክስ። ጎዳይ ፍልስፄመፐ አትዳይሳታ፥ ሃን ተቀትዳ ደእያ ካፍቶራፐ ይዳ ኮቻታ ይሳና።

Hizqeela 27:1

ጎዳ ቃላይ ሀይሳዳ ያግሸ ታኮ ይስ።

Hizqeela 27:27

ኔኒ መቀረትዳ ዎደ ነ ዱረተይነ ነ ዛልኤ ሚሸ ኡባይ፥ ነ ማርካብያ ላገይሳት፥ ነ ማርካብያ ጊግሰይሳት፥ ነ ዛልአንቾትነ ነ ግዶን ደእያ ኦላንቾት ኡባይ አባ ግዶን ሙከትዶሶና።

Hizqeela 28:1

ጎዳ ቃላይ ሀይሳዳ ያግሸ ታኮ ይስ።

Hizqeela 28:18

ነ ናጋራንነ ነ ባለያ ዛልእያን፥ ነ ጎይኖ በሳታ ቱንሳዳሳ። ሄሳ ግሾ፥ ታም ነ ግዶፈ ከያናዳ ኦስ፤ እካ ነና ምስ። ኡባይ ፄልሽን፥ ታ ነና ፁጋዳ ሳኣ ቦላ ብዶ ከሳስ።

Amoxe 1:11

ጎዳይ፥ “ኤዶመ አሳይ ዛር ዛር ኦዳ ናጋራ ግሾ፥ ታኒ ኤንታ ሴሮና አግከ። ኤንቲ ባንታ እሻ እስራኤለ ማሻን የደዶሶና፤ ኤንቲ ኤንታዉ ቃትቦኮና፤ ኤንታ ይሎይ መርናዉ እርፀና።

Amoxe 1:6

ጎዳይ፥ “ጋዛ ካታማ አሳይ ዛር ዛር ኦዳ ናጋራ ግሾ፥ ታ ኤንታ ሴሮና አግከ። ኤንቲ ቢታን ደእያ አሳ ኡባ ድእድ፥ ኤዶመ ቢታ አሳስ ባይዝዶሶና።

Abdiyu 1:11

እማትነ አላጋት እያ ሻሉዋ ቦንቅያ ጋላስ ኔኒ ጋፃ ከያዳ ኤቃ ፄላዳሳ። ቃስ እያ ፐንገራ ገልድ፥ የሩሳላመ ካታማ ቦላ ሳማ የግያ ዎደ ኔኒ ኤንታፈ እሱዋ መላ ግዳዳሳ።

Zakaryaasa 9:1

አሳ አይፈይነ እስራኤለ አሳ ኡባ አይፈይ ጎዳ ፄልያ ግሾ፥ ሳድራካ ቢታይነ ዳማስቆ ካታማይ ያናይሳ፥ ጎዳይ ኦድዳ ፕርዳ ቃላይ ሀይሳ።

Maatosa 11:21

“ኮራዝነ ካታማዉ ነና አየ! ቤተሳይዳ ካታማዉ ነና አየ! አይስ ጊኮ፥ ህንተ ግዶን ኦሰትዳ ማላታት ፅሮሳንነ ስዶናን ኦሰትዳ ግድያኮ፥ ኤንቲ በን ብዶ ትየትድ፥ ካዮ ማኦ ማእድ ባንታ ናጋራፐ ስም አጋና።

Maatosa 11:22

ሽን ታ ህንተዉ ኦዳይስ፤ ፕርዳ ጋላስ ህንተፈ አድ ፅሮሳስነ ስዶናስ ፕርዳይ ካዉያና።

Luqaasa 10:13

ካልድካ፥ የሱሲ፥ “ነኖ ኮራዝነ፥ ነኖ ቤተሳይዳ፥ አየ! ህንተናን ኦሰትዳ ማላታት ፅሮሳንነ ስዶናን ኦሰትዳኮ ያን ደእያ አሳይ ካዮ ማኦ ማእድ፥ ብድን ቦላ ኡትድ፥ በን ማሮታን ገል አጋናሽን።

Luqaasa 10:14

ሄሳ ግሾ፥ ህንተፈ አድ ፅሮሳስነ ስዶናስ ፆሳ ፕርድ ካዉያና።