2 Kawota 16:3 - ጌሻ ማፃፋ

³ እ ካሰ ደእዳ እስራኤለ ካዎታ ኦግያን ሄመትስ። ቃስ ጎዳይ እስራኤለ አሳ ስንፈ ጎድድ ከስዳ አሳታ ዎጋ፥ እፀትዳ ኦግያ ካልድ፥ ባ አደ ናኣ ታማራ አድ ያርሽስ።

Geeshsha Maxaafa

³ I kase de7ida Isra7eele kawota ogiyan hemetis. Qassi Goday Isra7eele asa sinthafe gooddidi kessida asata wogaa, ixetida ogiya kaallidi, ba adde na7aa tamara aathidi yarshis.

2 Kawota 16:3 ပူးပေါင်းရင်းမြစ်များ

Zaaretho 12:31

ኤንቲ ባንታ ፆሳታ ጎይንያ ዎደ ጎዳይ እፅያ ኡባ ኦያ ግሾ፥ ጎዳ ነ ፆሳ ነ ሄሳዳ ጎይናናዉ በሰና። ኤንቲ ሀር አቶሽን፥ ባንታ አደ ናይታነ ማጫ ናይታ ባንታ ፆሳታስ ያርሾ ኦድ ታማን ፁጎሶና።

Leeweta 18:21

“ነ ፆሳ ሱንይ ጫየቶና መላ ነ ናይታፐ እሱዋ ታማን ፁጋዳ፥ ሞሎካ ግያ ኤቃስ ያርሾ ኦዳ እሞፋ። ታኒ ጎዳ።

2 Kawota 21:2

ጎዳይ እስራኤለ አሳ ስንፈ ጎድድ ከስዳ አሳታ ደኡዋ ዎጋ ካልድ፥ ምናሰይ ጎዳ ስንን ኢታባ ኦስ።

2 Kawota 21:11

“ይሁዳ ካዎይ ምናሰይ ሀ ቱና ኦሱዋ ኦስ፤ ባፐ ካሰ ደእዳ አሞረ አሳ ኡባ ናጋራፐ አያ ኢታ ናጋራ ኦስ። ይሁዳ አሳ ባ መዳ ኤቃ ምስልያ ጎይንስድ፥ ናጋራ ኦስስስ።

2 Kawota 17:17

ኤንቲ ባንታ አደ ናይታነ ማጫ ናይታ ታማ ግዶራ አዶሶና። ማሮታነ ሞይትለ ፄገይሳታ ዞረ ኦይችዶሶና። ሄሳ መላ ኢታባ ኦናዉ ባንታና ባይዝድ፥ ጎዳ ሀንቀዶሶና።

Hizqeela 20:31

ሀችካ ህንተ ያርሹዋ ያርሽያ ዎደ ህንተ ናይታ ታማን ያርሽድ፥ ኤቃ ኡባን ህንተና ቱንሴታ። ህንተኖ፥ እስራኤለ አሳዉ፥ ታኒ ህንተናን ኦይሸቶ? ታኒ ኡባ ሃርያ ጎዳይ ታ ደኡዋን ጫቃስ፦ ታ ህንተናን ኦይሸትከ።

Hizqeela 20:26

ኤንቲ ባንታ ያርሹዋን ቱናናዳ፥ ባንታ ባይራ ናይታ ያርሻናዳ፥ ታ ኤንታ የዳ በሳስ። ታ ሄሳ ኦዳይ ኤንታ ዳጋንናሳነ ታኒ ጎዳ ግደይሳ ኤንቲ ኤራና መላሳ” ያግስ።

Hizqeela 16:47

ነ ኤንታ ኦግያ ካላዳ ኤንታ ቱና ኦሶታ ፖሎ ፃላላ ግዶናሽን፥ ጉ ዎደን ኤንታፈ አዳ ኢታ ኦዳሳ።

Hizqeela 16:21

ነ ታ ናይታ ሹካዳ፥ ኤቃታስ ታማን ያርሻዳሳ።

Ermiyaasa 32:35

ኤንቲ ባንታ አደ ናይታነ ማጫ ናይታ ሞሎካ ኤቃስ ያርሻናዉ ህኖማ ዛንጋራን ባኣለ ኤቃስ ያርሾ ቃ በሳታ ጊግስዶሶና። ኤንቲ ሄሳ ኦና መላ ታ ኪታብከ፤ ይሁዳ አሳይ ናጋራ ኦና መላ ሄሳ ኤንቲ ኦና ጋዳ ታ ናጋብከ” ያግስ።

Mazmure 106:35

ሄ ፓላባፐ፥ ኤንቲ ሄ አሳታራ ዋላከትዶሶና፤ ኤንታ ደኦ ዎጋ ካልዶሶና።

2 Taarike 33:6

ህኖማ ዛንጋራን ባ አደ ናይታ ታማን ፁግድ ያርሽስ። እ ብታነ ሙሩኖ ኦስ፤ ማሮስ፤ ሞይትለነ ቱና አያና ዞረ ኦይችስ። ጎዳ ስንን ዳሮ ኢታባ ኦድ ፆሳ ይሎይስ።

2 Taarike 33:2

ጎዳይ እስራኤለ አሳ ስንፈ ጎድድ ከስዳ አሳ፥ እፀትዳ ኦግያ ካልድ ጎዳ ስንን ኢታባ ኦስ።

2 Taarike 22:3

አካዝያስ ኢታተን ባናዳ እያ አይያ ዞርዳ ግሾ እ አካባ ሶ አሳ ኦግያን ሄመትስ።

2 Kawota 23:10

ካዎይ እዮስያስ ሄኖማ ዛንጋራን ደእያ ቶፈታ ያርሾ በሳ ቱንስስ። ሞሎካ ፆሳስ እስ አስካ ባ አደ ናኣ ዎይካ ማጫ ናአ ታማ ግዶራ አና መላ ድግስ።

2 Kawota 21:6

ባ ናኣ ታማ ግዶራ አስ። እ ባ ሁጰን ብታንቾነ ሙሩንያ አስ ግድድ፥ ማሮታነ ሞይትለታ ዞረ ኦይችስ። ጎዳ ስንን ዳሮ ኢታባ ኦድ፥ እያ ሀንቀስ።

2 Kawota 8:18

እዮራም አካባ ናእዉ ማቾ ኤክዳ ግሾ፥ አካባ ሶ አሳይ ሄመትዳይሳዳ ካሰ እስራኤለ ካዎታ ኦግያን ሄመትስ፤ ጎዳ ስንን ኢታባ ኦስ።

1 Kawota 14:24

ሀር አቶሽን፥ ኤንታ ቃ ጎይኖ በሳን፥ ጎይኖ ዎጋ ኦድ አደይ አደራ ጋሄቴስ። ጎዳይ እስራኤለ ስንፈ ከስዳ ካዎተት ኦያ እፀትዳ ኦሶታ ኡባ እስራኤለ አሳይ ኦዶሶና።

Zaaretho 18:10

ባ አደ ናኣ ዎይኮ ማጫ ናእዉ ያርሾስ ታማን ፁግያ ኦንካ ነ ግዶን በንቶፎ። ብት፥ ማራጨ በኤይ፥ ማሮተይ፥ ህግሸይ፥

Leeweta 20:2

እስራኤለ አሳስ ሀይሳዳ ያጋዳ ኦዳ፤ “እስራኤለ አሳፐ ግድን፥ ዎይኮ ህንተ ግዶን ደእያ አላጋ አሳፐ ግድን፥ ኦንካ ባ ናአ ሞሎካ ጌተትያ ኤቃስ አድ እምኮ፥ እ ሀይቆ፤ እስራኤለ አሳይ እያ ሹቻን ጫድድ ዎ።

2 Kawota 17:8

ጎዳይ ኤንታ ስንፈ ጎድድ ከስዳ ሀራ ካዎተታ ዎጋ ካልዳ ግሾሳ። ሄሳ ቦላ ቃስ እስራኤለ ካዎት ዶምዳ ኢታ ዎጋ ካልዳ ግሾሳ።

2 Kawota 17:19

ቃስ ይሁዳ አሳይካ፥ ጎዳ ባንታ ፆሳ ኪታ ናግቦኮና፤ ኤንቲ እስራኤለ አሳ ዎጋ ካልዶሶና።

Mikiyaasa 6:7

ጎዳይ ሙኩሉ ዶርሳ ማራዘታን ዎይኮ ታሙ ሙኩሉ ሻፋን ደእያ ሃ መላ ሻማሆ ዛይተን ኡፋይታንዴ? ታ ናቁዋ ግሾ፥ ታ ባይራ ናኣ፥ ታ ሸምፑዋ ናጋራ ግሾ ታ የሉዋ እሞ?

2 Kawota 17:16

ጎዳ ባንታ ፆሳ ኪታ ኡባ አጋግዶሶና። ማር ዳንያ፥ ናምኡ ጎይኖ ምስለታነ አሼራ ጌተትያ ኤቃ ምስልያ መዶሶና። ሳሎን ደእያ ፆልንቶ ኡባ ጎይንዶሶናነ ባኣለ ኤቃ ሀጋዝዶሶና።

2 Kawota 21:9

ሽን አሳይ ስኦናን እፅስ፤ ጎዳይ እስራኤለ አሳ ስንፈ ይስዳ ሀራ ካዎተታፐ አድ ኢታ ኦና መላ ምናሰይ ኤንታ ባለስ።

Isayaasa 57:5

ህንተ ዎላ ጋርሳንነ ዳሻ ም ጋርሳን አሞን ፁገቴታ። ህንተ ናይታ ዛንጋራንነ ዛላ ቆጶን ሹክድ ያርሼታ።