2 ጰፅሮሳ 2:10 - ጌሻ ማፃፋ

¹⁰ ኡባፈ አድ ቱና አሞን አሾ ቆፋ ካለይሳታነ ማታ አዋታ ካይሳታ፥ ፕርዳ ጋላስ ጋካናዉ ጎዳይ ናግስስ። ሄ አሳት ጋንጀ ምኖነ ኦቶራንቾ ግድያ ግሾ፥ ሳሎ መተታ ጫይሸ ያዮኮና።

Gofa New Testament

¹⁰ Ubbaafe aathidi tuna amon asho qofa kaalleyssatanne maata aawata kadheyssata, pirdda gallas gakkanaw Goday naagisis. He asati ganjje minonne otoranchcho gidiya gisho, salo medhetethata cayishe yayyokonna.

Geeshsha Maxaafa

¹⁰ Ubbaafe aathidi tuna amon asho qofa kaalleysatanne maata aawata kadheyisata, pirda gallas gakanaw Goday naagisis. He asati ganje minonne otorancho gidiya gisho, salo medhetethata cayishe yayyokonna.

Ooratha Caaquwa Goofatho

¹⁰ Ubbaafe aathidi tuna amon asho qofa kaalleyssatanne maata aawata kadheyssata, pirdda gallas gakkanaw Goday naagisis. He asati ganjje minonne otoranchcho gidiya gisho salo medhetethata cayishe yayyokonna.

ኦራ ጫቁዋ ጎፋ

¹⁰ ኡባፌ ኣዲ ቱና ኣሞን ኣሾ ቆፋ ካሌይሳታኔ ማታ ኣዋታ ካይሳታ፥ ፒርዳ ጋላስ ጋካናው ጎዳይ ናጊሲስ። ሄ ኣሳቲ ጋንጄ ሚኖኔ ኦቶራንቾ ጊዲያ ጊሾ ሳሎ ሜቴታ ጫዪሼ ያዮኮና።

2 ጰፅሮሳ 2:10 ပူးပေါင်းရင်းမြစ်များ

Medhetethi 49:6

ኤንቲ ባንታ ሀንቁዋን አደ ዎዶሶና፥ ባንታ አሙዋ ኩንናዉ ቦራታ ጋድያ ቃንፅዶሶና። ያንያ ግሾ፥ ታኒ ኤንታ ዞረታን ገልከ፤ ኤንታ ሺቁዋንካ ኡትከ።

2 Sameela 20:1

ብንያመ ኮቸ ግድዳ ብክራ ናአይ ሳበአ ጌተትያ መቶ መያ አደይ ያን ደኤስ። ሄ አደይ ሞይዘ ፑንድ፥ “ኑስ ዳዊታራ ግሾይ ባዋ! እሰየ ናኣራ ኑስ ላት ባዋ! እስራኤለ አሳዉ፥ ኡባይ ህንተ ሶ ሶ ገልተ!” ያግስ።

1 Kawota 12:16

እስራኤለ አሳ ኡባይ ካዎይ ኤንቲ ገይሳ ስኦና እፅዳይሳ በእድ ሀይሳዳ ያግዶሶና፤ “ዳዊታፐ ኑና ጋክያ ግሾይ አይቤ? እሰየ ናኣፐ ኑኒ ላትያባይ አይቤ? እስራኤለ አሳዉ፥ ህንተ ሶ ህንተ ሶ ስምተ። ዳዊታ፥ ነ ኬ ናጋ” ያግድ፥ እስራኤለ አሳ ኡባይ ባንታ ሶ ባንታ ሶ ስምዶሶና።

Mazmure 12:4

ኤንቲ፥ “ኑ እንፃርሳን ኑ ፆናና፤ ኑ ዶናይ ኑሳ፤ ኑስ ጎድ ኦኔ?” ያጎሶና።

Kessa 22:28

“ፆሳ ቦላ ጫሻ ቃላ ሃሳዮፓ፥ ዎይኮ ነ ደርያ አይሰይሳ ባዶፋ።

Erata 10:20

ስእያ አስ ባዋ ጋዳ ነ ዎዛናን ካዎ ጫዮፓ፤ ዎይኮ ነ ዝንእያ ክፍልያን ዱረ ኡራ ባዶፋ። ነ ግዳይሳ ሳሎ ካፎይ ብድ ኤንታዉ ኦዳናዉ ዳንዳኤስ።

Ermiyaasa 2:31

ህንተኖ፥ ሀ ዎድያ የለታዉ፥ ጎዳ ቃላ ስእተ። ታ እስራኤለታስ ባዞ ዎይኮ ሳካና ማን ደእያ ቢታ ግዳድናዬ? ያትን፥ አይስ ታ አሳይ፥ “ኑኒ ኑ ሸነዳ ባና፤ ኔኮ ስሞኮ” ያግዶና?

Taybo 15:30

“ሽን እስራኤለ አስ ግድን ዎይኮ በተ አስ ግድን ኤርሸ ኦቶሮን ናጋራ ኦያ ኡራይ ጎዳ ጫዬስ። ሄ ኡራይ ደርያ ግዶፈ ዮ።

Luqaasa 11:25

እ ስምያ ዎደ ኬይ ፕተትድ ሎእድ ደእሽን ደምስ።

Luqaasa 19:14

“ሄ ቢታ አሳይ እያ እፅያ ግሾ፥ ሀ ኡራይ ኑ ቦላ ካዎታና መላ ኑ ኮዮኮ ያግድ አሰ እያ ጉየራ ኪትዶሶና።

ሃዋሬታ ኦሱዋ 23:5

ጳዉሎስ፥ “ታ እሻቶ፥ እ ካህነ ሀላቃ ግድዳይሳ ታኒ ኤራብከ፤ አይስ ጊኮ ፆሳ ቃላን፥ ‘ነ ደርያ አይሰይሳ ቦላ ኢታ ቃላ ሃሳዮፓ’ ጌተትድ ፃፈትስ” ያግስ።

Roome 8:1

ሄሳ ግሾ፥ ክርስቶስ የሱሳን ደኤይሳት ሀእ ፕርደቶኮና።

1 ቆሮንቶሳ 6:9

ጌላት ፆሳ ካዎተ ላቶናይሳ ህንተ ኤረከቲ? ህንተና ጭሞፍተ፤ ላይማተይሳት ዎይኮ ኤቃ ጎይነይሳት ዎይኮ ላመይሳት ዎይኮ አደራ አደራ ጋሄተይሳት፥

2 ቆሮንቶሳ 10:3

ኑኒ ሀ ሳአን ደእኮካ ሀ ሳኣ አሳዳ ኦለቶኮ።

Efesoona 4:19

ኤንቲ ዬላ ግያባ ኤሮኮና፤ ኤንቲ ላይማተስ ባንታና አድ እምዶሶና፤ ቃስ ቱናባ ኡባ ጉየ ጎና ኦሶና።

Efesoona 5:5

ሀይሳ ኤርተ፤ ኦንካ ላይማተይ ዎይኮ ቱናባ ኦይ ዎይኮ ኡዘተይ ክርስቶሳ ካዎተነ ፆሳ ካዎተ ላታናዉ ዳንዳኤና። ኡዘተ ኤቃ ጎይኖ መላ።

Qolaasiyasa 3:5

ሄሳ ግሾ፥ ህንተናን ደእያ አላመ አሞታ ዎተ። ሄሳትካ ላይማተ፥ ቱናተ፥ ላይማታናዉ አሞተ፥ ኤቃ ጎይኖ መላ ግድዳ ኡዘተ።

1 ተሰሎንቀ 4:7

ፆሳይ ኑና ጌሻተን ዳና መላ ፄግስፐ አትሽን፥ ቱናተን ዳና መላ ፄግቤና።

2 ፅሞትዮሳ 3:2

አሳይ ባንታና ዶሰይሳታ፥ ሚሸ ሲቀይሳታ፥ ጬቀተይሳታ፥ ኦቶረይሳታ፥ ጫየይሳታ፥ ባንታና የልዳይሳታስ ኪተቶናይስታ፥ ጋላቶናይስታ፥ ጌሻተ ባይናይሳታ፥

Tito 1:7

ዎሳ ኬ ጭም ፆሳ ኦሱዋ ሀዳራ ኤክዳ ግሾ፥ ቦረቶናይሳ፥ ኦቶርቶናይሳ፥ ኤለ ይሎቶናይሳ፥ ማቶናይሳ፥ ኦዳ መናይሳነ በሶና ጎአስ ዳፈቶናይሳ ግዳናዉ በሴስ።

Ibraawe 13:4

ኤኮይነ ገሎይ አሳ ኡባ ማታን ቦንቸትዳባ ግዶ። ቃስ ፆሳይ ላይማተይሳታነ ላመይሳታ ፕርዳናዉ ደእያ ግሾ አዝናይነ ማችያ እሶይ እሱዋስ አማነታናዉ በሴስ።

2 ጰፅሮሳ 3:3

ኡባፈ ካሰትድ፥ ዎደ ዉርሰን ባንታ አሙዋ ካልድ አሰ ቶቸይሳት፥ ቶችሸ ያናይሳ ኤርተ።

Yihuda 1:10

ሽን ሀ አሳት ባንታዉ ኤሮናባ ኡባ ጫዮሶና፤ ቃስ ኤንቲ ዎዛን ባይና መሄዳ መን ኤርያ ኤራይ፥ እ ኤንታና ይሳና።

Yihuda 1:16

ሄ አሳት ኡባ ዎደ ዙዙመይሳታነ ኦዳ ኮየይሳታ። ቃስ ባንታ ኢታ አሙዋ ካሎሶና፤ ባንታናን ጬቆሶናነ ባንታና ጎእያባ ደማናዉ ሀራታ ሳቦሶና።

Yihuda 1:18

ኤንቲ፥ “ዉርሰ ዎድያን፥ ባንታ አሙዋ ካልድ ቶቸይሳት ያና” ያግዶሶና።

Yihuda 1:4

ኤንታ ፕርዳይ በንፐ ፃፈትድ ኡትዳ፥ እስ እስ አሳት ኦንካ ኤሮና ህንተ ግዶ ገልዶሶና። ኤንቲ ፆሳ ኤሮናይሳታ፥ ኑ ፆሳ አ ኬሀተ ላይማታናዉ ጎኤትያ ኦገ ኦድ ኤኮሶና። ባ ፃላላ ካዎ ግድዳ፥ ኑ ጎዳ የሱስ ክርስቶሳ ካዶሶና።

1 Sameela 10:27

ሽን እስ እስ ፓና አሳት፥ “ሀ አደይ ኑና ዋትድ አሻኔ?” ያግዶሶና። ኤንቲ እያ ካድ፥ እያዉ አይ እሞታካ እምቦኮና። ሽን ሳኦል ስእ ግስ።