2 ቆሮንቶሳ 7:11 - ጌሻ ማፃፋ

¹¹ ህንተ አዛኖይ ህንተናን አይፍስዳ አይፍያ በእተ። ሄ አዛኖይ ህንተና አይ መላ ደንዳኮ፥ አይ መላ ዛሮ እማናዳ ጊግስዳኮ፥ ሄ ኡራ ቦላ አይ መላ ሀንቀዳኮ፥ አይ መላ ታዉ ያያና መላ ኦዳኮ፥ አይ መላ አሞይዳኮ፥ ሄ ኡራ ሴራናዉ አይ መላ ጊግዳኮ በእተ። ሀ ኡባባን ህንተ ጌሽ ግደይሳ ማርካይደታ።

Gofa New Testament

¹¹ Hintte azzanoy hinttenan ayfisida ayfiyaa be7ite. He azzanoy hinttena ay mela denthethidaakko, ay mela zaaro immanaada giigisidaakko, he uraa bolla ay mela hanqisidaakko, ay mela taw yayyana mela oothidaakko, ay mela amoyidaakko, he uraa seeranaw ay mela giigidaakko be7ite. Ha ubbaban hintte geeshshi gideyssa markkayideta.

Geeshsha Maxaafa

¹¹ Hinte azzanoy hintenan ayfisida ayfiya be7ite. He azzanoy hintena ay mela denthethidako, ay mela zaaro immanaada giigisidaako, he ura bolla ay mela hanqethidaako, ay mela taw yayyana mela oothidaako, ay mela amoydako, he ura seeranaw ay mela giigidaako be7ite. Ha ubbaban hinte geeshshi gideysa markaydeta.

Ooratha Caaquwa Goofatho

¹¹ Hintte azzanoy hinttenan ayfisida ayfiyaa be7ite. He azzanoy hinttena ay mela denthethidaakko, ay mela zaaro immanaada giigisidaakko, he uraa bolla ay mela hanqisidaakko, ay mela taw yayyana mela oothidaakko, ay mela amoyidaakko, he uraa seeranaw ay mela giigidaakko be7ite. Ha ubbaban hintte geeshshi gideyssa markkayideta.

ኦራ ጫቁዋ ጎፋ

¹¹ ሂንቴ ኣዛኖይ ሂንቴናን ኣይፊሲዳ ኣይፊያ ቤዒቴ። ሄ ኣዛኖይ ሂንቴና ኣይ ሜላ ዴንዳኮ፥ ኣይ ሜላ ዛሮ ኢማናዳ ጊጊሲዳኮ፥ ሄ ኡራ ቦላ ኣይ ሜላ ሃንቂሲዳኮ፥ ኣይ ሜላ ታው ያያና ሜላ ኦዳኮ፥ ኣይ ሜላ ኣሞዪዳኮ፥ ሄ ኡራ ሴራናው ኣይ ሜላ ጊጊዳኮ ቤዒቴ። ሃ ኡባባን ሂንቴ ጌሺ ጊዴይሳ ማርካዪዴታ።

2 ቆሮንቶሳ 7:11 ပူးပေါင်းရင်းမြစ်များ

Nahime 13:25

ታኒ ኤንታራ ኦየታስ፤ ኤንታ ባዳስ፤ ኤንታፈ እሶታ እሶታ ደቻዳ፥ ኤንታ ሁጵያ ብናና ሾዳስ። ሄሳ ፃላላ ግዶናሽን፥ ኤንቲ ባንታ ማጫ ናይታ ኤንታ አደ ናይታስ እሞናዳ፥ ኤንታ ማጫ ናይታ ባንታዉነ ባንታ አደ ናይታስ ኤኮናዳ ፆሳ ሱንን ጫቅሳስ።

Iyyoba 42:6

ሄሳ ግሾ፥ ታ ኦዳን የላታዳ፥ ብዶ ቦላነ ባና ቦላ ኡታዳ ፓፃይስ” ያግስ።

Mazmure 119:139

ታ ሞርከት ነ ቃላ ቶችዳ ግሾ፥ ታ ምሻይ ታማዳ ኤፅድ ከይስ።

Mazmure 130:6

ሳእ አዉደ ዎንታነ ግድ፥ ናግያ ዎታዳረፐ አዳ፥ ታኒ ጎዳ ላሞታን ናጋይስ።

Mazmure 145:19

እ ባዉ ያየይሳታ አሙዋ ኩንስ፤ ኤንታ ዋሱዋ ስእድ አሼስ።

Mazmure 2:11

ጎዳ ያሻን ጎይንተ፤ ኮኮርድ ኪተትተ።

Mazmure 35:13

ሽን ኤንቲ ሀርግዳ ዎደ ታኒ ካዮ ማኦ ማአስ፤ ታ አሳተ ፆማን ዳቡርሳስ፤ ታ ዎሳይ ዛሮ ደሞና አትስ።

Mazmure 38:9

አቤት ጎዳዉ፥ ታ ዎዛና አሞ ኡባ ኤራሳ፤ ታ ኦለይ ኔፐ ጌምቤና።

Mazmure 42:1

ጋር ፑልቶ ሃ ላሞተይሳዳ፥ ፆሳዉ፥ ታ ሸምፕያ ነና ላሞታዉሱ።

Mazmure 69:9

ታኒ ነ ኬስ ምሸትያ ምሻይ ታና ታማዳ ፁጌስ፤ ነና ጫይያ ጫሻይ ታ ቦላ ዎስ።

Leemiso 14:16

ጭንጫ አስ ጎዳ ያዬስ፤ ኢታፐ ሃኬስ፤ ሽን ኤያ አስ ኤሶተስነ ኢታፐ ናገተና።

Leemiso 28:14

ጎዳ ኡባ ዎደ ያይያ አስ አንጀትዳይሳ፤ ሽን ባ ዎዛና ምንያ አስ መቶን ገላና።

Solomone 8:6

መርና ሲቁዋን ታና ነ ዎዛናን አታማ፤ ነ ቀስያን ማታመዳ ታ ፃላላ ኦይካ። ሲቆይ ሀይቆ መላ ምኖ፤ ቃናተይ ስኦለ መላ ኢታ፤ እያ ላጮይ ፆሳ ታማ ላጮ መላ።

Isayaasa 26:8

አቤት ጎዳዉ፥ ኑኒ ነ ህግያ ናጋናዉ አሞቶስ፤ ነ ሱን ቦንቾይነ ነ ቴማይ ኑ ዎዛና አሞ።

Isayaasa 66:2

ሀይሳ ኡባ ታ ኩሸይ ኦስ፤ ኤንትካ ሀንዶሶና። ሽን ታኒ ባና ዝቅ ኦያ ኡራ፥ ባ አያናን መቅዳ ኡራነ ታ ቃላን ኮኮርያ ኡራ ፄላና።

Daanela 6:14

ካዎይ ሄሳ ስእዳ ዎደ ዳሮ አዛንስ፤ ዳነላ አሻናዉ ቆፕድ፥ አው ዉላና ጋካናዉ እያ አሻና ኦገ ኡባ ኮይስ።

Marqoosa 3:5

የሱሲ ሀንቀትድ፥ ኤንታ ዩሽ አ ፄልድ፥ ኤንቲ ኦድን ስኦናይሳታ ግድያ ግሾ፥ ኤንታ ቦላ ዳሮ አዛንስ። ሄ አድያኮ፥ “ነ ኩሽያ ፕድ ኦ” ያግስ። ኡራይ ፕድ ኦን እያ ኩሸይ ፓፅስ።

Yohaanisa 2:17

እያ ታማረት ጌሻ ማፃፋን፥ “ታኒ ነ ኬስ ምሸትያ ምሻይ ታና ታማዳ ፁጌስ” ጌተትድ ፃፈትዳይሳ አኬክዶሶና።

ሃዋሬታ ኦሱዋ 17:16

ጳዉሎስ አቴናን ስላሰነ ፅሞትዮሳ ናግሸ፥ ካታማን ኤቅ ኩምዳይሳ በእድ ይሎትስ።

Roome 11:20

ሄስ ቱማ። ኤንቲ አማንቦና ግሾ ካረትዶሶና። ኔኒ አማንዳ ግሾ ሄ በሳን ኤቃዳሳ። ኔኒ ያያናዉ በሴስፐ አትሽን፥ ኦቶራናዉ በሰና።

Roome 14:18

ሄሳዳ ክርስቶሳስ ኦያ አስ ፆሳ ኡፋይሴስ፤ አሳንካ አንጀቴስ።

Roome 3:5

ያትን፥ ኑ ናጋራይ ፆሳይ ፅሎ ግደይሳ በሲያባ ግድኮ፥ ኑ ዎይጋኔ? ፆሳይ ኑ ናጋራ ግሾ፥ ኑ ቦላ ፕርድኮ፥ ልከ ግደነዬ? ሀይሳ ታኒ አሳ ቆፋ ጋይስ።

1 ቆሮንቶሳ 12:25

አሳተ ብልተት እሶይ እሱዋራ ሻኮ መና ዎልስ ቆፓና መላ ኦድ መስ።

1 ቆሮንቶሳ 5:13

ሽን ካረራ ደኤይሳታ ቦላ ፆሳይ ፕርዳና። ሄ ኢታባ ኦያ ኡራ ህንተ ግዶፈ ከስተ።

1 ቆሮንቶሳ 5:2

ህንተ ሄሳን ቂሮታናዉነ ዬላታናዉ በሰነ፥ ሽን ኦቶርትደታ። ሄሳ መላ ቦርሶባ ኦዳ ኡራ ህንተ ግዶፈ ከሳናዉ በሰኔ?

2 ቆሮንቶሳ 13:7

ህንተ ኢታባ ኦና መላ ኑኒ ፆሳ ዎሶስ። ኑኒ ምኖ ግደይሳ አሳይ በአና መላ ግዶናሽን፥ ኑኒ ምኖ ግዶና እፅኮካ፥ ህንተ ሎኦ ኦና መላ ኑኒ ዎሶስ።

2 ቆሮንቶሳ 2:6

ህንተፈ ዳርያ አሳይ ሄ ኡራ ሴርዳ ሴራይ እያዉ ግዳና።

2 ቆሮንቶሳ 6:4

ግዶሽን፥ ኑ ቱማ ፆሳ ኦሳንቾታ ግደይሳ ኑ ኦያ ኡባባን በስዳ። ዳሮ ገንጫን፥ ዋየን፥ መቶን፥ ኡንአን፥

2 ቆሮንቶሳ 7:1

ህዛ፥ ታ ሲቆቶ፥ ሀ ኡፋይሳይ ኑስ ደእያ ግሾ፥ ኑ አሹዋነ ኑ ሸምፑዋ ቱንስያባ ኡባፈ ኑና ጌሾስ። ፆሳስ ያይድ ኑ ጌሻተ ፖሎ ኦስ።

2 ቆሮንቶሳ 7:7

ኑና ምንዳይ ትቶ ዩሳ ፃላላ ግዶናሽን፥ ህንተካ እያ ምንዳይሳ። ህንተ ታና ላሞተይሳ፥ ታዉ አዛነይሳነ ታዉ ቆፐይሳ ታ ስእዳ ዎደ ታና ዳሮ ኡፋይስስ።

2 ቆሮንቶሳ 7:9

ሀእ ታኒ ኡፋይትዳይ፥ ታ ህንተና አዛንዳ ግሾ ግዶናሽን፥ ህንተ አዛኖይ ህንተና ህንተ ናጋራፐ ዛርዳ ግሾሳ። ፆሳይ ባ ሸንያዳ ህንተና አዛንስፐ አትሽን ኑ ህንተና አይብንካ ቆህቦኮ።

2 ቆሮንቶሳ 9:2

ህንተ ማዳናዉ ኬህ አሞተይሳ ታ ኤራይስ። ህንተ አካያ አሳይ፥ ዝላይፈ ዶምድ ማዳናዉ ጊገትዳይሳ ታኒ ማቀዶነ አሳስ ዶና ኩንዳ ኦዳስ። ህንተ ግታ አሞይካ ኤንታፈ ዳሮታ ደንስ።

Efesoona 4:26

ሀንቀትተ፥ ሽን ህንተ ሀንቁዋን ናጋራ ኦፍተ። ህንተ ሀንቀት ደእሽን አው ዉሎፎ።

Efesoona 5:11

ጎእ ባይና ማ ኦሶ ቆንጭስተፐ አትሽን፥ እያራ እስፎፕተ።

ፍልጵስዩሳ 2:12

ታ እሻቶ፥ ታኒ ህንተራ ደእያ ዎደ ኡባን ህንተ ኪተትዳይሳዳ፥ ሀእ ታኒ ህንተ ማታፐ ሃክንካ፥ ካሰይሳፈ አድ፥ ኪተታናዉ በሴስ። ፆሳስ ያሻንነ ኮኮርሳን ህንተ አቶተ ፖላናዉ ኦተ።

1 ተሰሎንቀ 4:6

ኑ ካሰ ህንተዉ ኦድዳይሳዳነ ምን ዞርዳይሳዳ ጎዳይ ሄሳ መላባ ኦያ ኡባ ፕርድያ ግሾ፥ ኦንካ ሀይሳታን ባ አማንያ እሻ ናቃናዉነ ጭማናዉ በሰና።

1 ፅሞትዮሳ 5:20

ሀራት ያያና መላ ናጋራ ኦያ ኦናካ አሳ ኡባ ስንን ሀንቀታ።

2 ፅሞትዮሳ 2:15

ኔኒ ቱማ ቃላ ሱረተን ታማርሰይሳነ ዬላዮና ኦሳንቾ ግዳዳ፥ ፆሳይ ናሽያ አሳዳ፥ ነናተ እያዉ እማናዉ ምና።

Tito 3:8

ሀ ቃላይ አማነትዳ ቃላ። ፆሳ አማነይሳት ሎኦ ኦሶ ኦናዉ ጊግዳይሳታ ግዳና መላ ነ ሀ ቃላ ምንዳ ኦዳና መላ ታ ኮያይስ። ሀይሳቲ አሰ ኡባስ ሎኦነ ጎኤይሳታ።

Ibraawe 4:1

ህዛ፥ ፆሳይ ኑና ባ ሸምፖ በሳ ገልሳና ግዳ ቃላይ ቡሮ ስንፈ ደእያ ግሾ፥ ህንተፈ ኦንካ ሄ ሸምፖ በሳ ገሎና አቶና መላ ናገቶስ።

Yayqooba 3:17

ሽን ቦላፈ ያ ጭንጫተይ ኡባፈ ስን ጌሽ። ቃስ ሳሮተ፥ አዳተ፥ ስእድ ኤከይሳ፥ ቃተይሳ፥ ሎኦ አይፈይ ኩምዳይሳ፥ አሰ ሻኮናይሳነ ጩቦተ ባይናይሳ።

1 ጰፅሮሳ 1:17

አሳ ሶምኦ በኦና እያ ኦሱዋዳ ፕርድያ ፆሳ፥ “ኑ አዋዉ” ግድ ፄግያባ ግድኮ፥ ሀ ሳኣ እማተ ዱሳ ያሻን ደእተ።

1 ጰፅሮሳ 2:2

ጎዳይ ኬሀ ግደይሳ ህንተ ኤርድ ሜዘትዳይሳዳ ሀእ የለትዳ ጉ ናይታዳ ህንተ አቶተን ድጭሸ ባናዉ ፆሳ ጌሻ ቃላ ማ ኡባ ዎደ አሞትተ።

Yihuda 1:23

እስ እስ አሳታ ታማፐ ከስ ኤክተ። ቃስ ኢታ አሞን ቱንዳ ኤንታ ማኡዋ እፅሸ ሀራታስ ያሻን ቃትተ።

ዮሃኒሳ ቆንጬ 3:19

ታ ዶሰይሳ ሴራይስነ ሀንቃይስ፤ ህዛ ምና፤ ነ ናጋራፐ ስማ።