1 Sameela 6:9 - ጌሻ ማፃፋ

⁹ ሽን እ ብያ በሳ በእተ፤ እ ባ ዛዋ ኦይክድ፥ ቤት-ሳሜሳ ስሚድ ብያባ ግድኮ፥ ሀ ጋዱዋ ኑ ቦላ ኤህዳይ ጎዳ ግደይሳ በሴስ። ሽን እ ሀራ ሶ ቢኮ ሀይስ ኑ ቦላ ጮ ጋክስፐ አትሽን፥ ኑና ደችዳይ ጎዳ ኩሸ ግዶናይሳ ኤራና” ያግድ ዛርዶሶና።

Geeshsha Maxaafa

⁹ Shin I biya bessa be7ite; I ba zawa oykidi, Beet-Sameesa simmidi biyaba gidiko, ha gaduwa nu bolla ehiday Godaa gideysa bessees. Shin I hara soo biiko haysi nu bolla coo gakisipe attishin, nuna dechiday Godaa kushe gidonnaysa erana” yaagidi zaaridosona.

1 Sameela 6:9 ပူးပေါင်းရင်းမြစ်များ

2 Sameela 1:6

ፓንይ፥ “ታኒ ግልቦአ ደርያ ቦላ ደእሽን፥ ሳኦል ባ ቶራ ጉፈትድ ኤቅዳይሳ በአስ፤ ፓራ ጋረትነ ፓራ አሳት ሳኦላኮ ማታትዶሶና።

1 Kawota 4:9

ባንፀቃር ማቃፃ፥ ሻአልብማ፥ ቤት-ሳሜሳነ ኤሎን-ቤት-ሀና ካታማታ አይሰይሳታ።

2 Taarike 25:21

ሄሳ ግሾ፥ እስራኤለ ካዎይ እዮኣስ ኦላናዉ ከይን እነ ይሁዳ ካዎይ አማስያስ ይሁዳን ደእያ ቤት-ሳሜሳን ኦላ ጋሄትዶሶና።

Kessa 8:15

ሽን ሾት ሀይቅዳይሳ ካዎይ በእዳ ዎደ እያ ዎዛናይ ዛር ሙምስ። ጎዳይ ግዳይሳ መላ እ ሙሰነ አሮና ስኦና እፅስ።

Erata 9:11

ታኒ ሳሎፐ ጋርሳን ሀራባ በአስ። ሄስካ፥ ኤሶን ዎፀይሳት ኡባ ዎደ ፆኖኮና፤ ምኖ ኦላንቾት ኡባ ዎደ ኦላን ካንኮና፤ ጭንጫት ኡባ ዎደ ካ ደሞኮና፤ ሂላንቾት ኡባ ዎደ ዱረቶኮና፤ ታማርዳ አሳት ኡባ ዎደ ሳበቶኮና። ሽን ኡባ ቃድነ ዎደይ ጋዳይሳዳ ሀኔስ።

Isayaasa 26:11

አቤት ጎዳዉ፥ ነ ኩሸይ ቁ ግስ፤ ሽን ኤንቲ በኦኮና። ነ አሳስ ኔኒ ምሸትያ ምሻ በእድ ዬላቶ። ኔኒ ነ ሞርከታስ ጊግስዳ ታማይ ኤንታ ምድ ይሶ።

Amoxe 3:6

ካታማ ግዶን ኦላ ሞይዘይ ፑነትያ ዎደ አሳይ ያሻን ኮኮረነዬ? ዎይኮ ጎዳይ ኪቶና ደእሽን ዮይ እስ ካታማ ቦላ ዪዬ?

Luqaasa 10:31

ጉየፐ፥ አይሁደ ካህነ እሶይ ሄ ኦግያራ ባ ቡሱ ብሸ ኡራ በእድ ደሽ ግድ አስ።

Iyyasu 15:10

ባላ ፑደሀ ባጋራ ዛዋይድ፥ ሳይረ ዙማኮ ዉሎሀ ባጋ ምርቀትድ፥ ይኣርመ ዎይኮ ክሳሎነ ደርያ ጋክድ፥ እያፐ ዱገ ቤት-ሳሜሳ ዎድ፥ ትምና ፕኔስ።

Iyyasu 21:16

አይናነ ሄን ቢታ፥ ዩፃነ ሄን ቢታ፥ ቤት-ሳሜሳነ ሄን ቢታ። ሀይሳቲ ይሁዳፐነ ስሞናፐ ኤከትዳ፥ ካታማት ኩመ ኡዱፉና።

1 Sameela 6:10

ኤንቲ ጌተትዳይሳዳ ኦዶሶና፤ ናምኡ ንያ ሚዛታ ኤክድ፥ ጋረን ዋፅዶሶና፤ ማራታ ሶ ዛሪድ ጎርድዶሶና።

1 Sameela 6:12

ሄሳፈ ጉየ፥ ሚዛት ቤት-ሳሜሳ ኤፍያ ኦግያ ኦይክድ ገደ ሃ ጎና “ህምባ” ግድ ዋስሸ ብዶሶና። ፍልስፄመ ሀላቃት ሚዛታ ጌዶ ካልድ፥ ቤት-ሳሜሳ ዛዋ ጋካናዉ ብዶሶና።

1 Sameela 6:3

ኤንቲ ዛሪድ፥ “እስራኤለ ፆሳ ታቦትያ ጉየ የድሸ መላ ኩሸ የዶፍተ። አይ ሀንድካ ናጋራ ያርሾራ የድተ። ሄሳ ኦኮ ህንተ ፓፃና፤ እያ ኩሸይ ህንተ ቦላፈ አይስ ክችቦናኮ ህንተ ኤራና” ያግዶሶና።