1 Sameela 26:10 - ጌሻ ማፃፋ

¹⁰ ደኦ ጎዳይ ኤርያ መላ፥ ፆሳይ እያ ዎና፤ እ ባ ጋላሳን ዎይኮ ኦላን ሀይቃና።

Geeshsha Maxaafa

¹⁰ De7o Goday eriya mela, Xoossay iya wodhana; I ba gallasan woyko olan hayqana.

1 Sameela 26:10 ပူးပေါင်းရင်းမြစ်များ

Medhetethi 47:29

እስራኤለስ ሀይቅያ ዎደይ ማታትን፥ ባ ናኣ ዮሰፋ ፄግስድ ሀይሳዳ ያግስ፤ “ታኒ ነ ስንን ሳበትዳባ ግድኮ፥ ነ ኩሽያ ታ ሸምፑዋ ቦላ ዎ። ኔኒ ታዉ ምሸትያባ ግድኮ ታና ግብፀን ሞግከ ጋዳ ታዉ ጫቃ።

Iyyoba 14:14

አስ ሀይቅኮ ስሚድ ደኦን ዳኔ? ታ ሸምፕያ ዎደይ ያና ጋካናዉ፥ ሀ መቶ ዎደ ኡባ ዳንዳአን ናጋና።

Iyyoba 14:5

አስ ዳና ላይስ ዛው ደኤስ፤ እ ዳና አጌና ኔኒ ታይባ ዎዳሳ፤ ኔኒ ዎዳ ዛዋፐ አይ ኦንካ ባዋ።

Iyyoba 7:1

አሳ ደኦይ ሳአ ቦላ ዎልቃማ ባፀ ግደነዬ? እያ ላይይ ኡነ ኦያ አሳ ደኦ መላ ግደነዬ?

Mazmure 37:10

ኢታ ኦይሳት ጉ ዎደፐ ጉየ ደኦኮና፤ ነ ኤንታ ኮያዳ ደማካ።

Mazmure 37:13

ሽን ጎዳይ ኢታታ ቦላ ሚጬስ፤ ኤንታዉ ዮ ጋላስ የይሳ ኤሬስ።

Mazmure 94:23

ኤንታ ኢታተ ግሾ እ ኤንታ ሴራና፤ ኤንታ ናጋራ ግሾ እ ኤንታ ይሳና፤ ጎዳይ ኑ ፆሳይ ኤንታ ይሳና።

Erata 3:2

የለታናዉ ዎደይ ደኤስ፤ ሀይቃናዉ ዎደይ ደኤስ። ቶካናዉ ዎደይ ደኤስ፤ ሾዳናዉ ዎደይ ደኤስ።

Luqaasa 18:7

ፆሳይ ቃማነ ጋላስ እያኮ ዋስያ ባ ዶርዳይሳታስ ፕርደነዬ? ኤንታና ማዳናዉ ጋምእዬ?

Roome 12:19

ታ እሻቶ፥ ህንተ፥ ህንተ ሁጰን አሳስ ሀሎ ከዮፕተ። ፆሳይ ሀሎ ከሳና መላ እያዉ አጋግተ። ጌሻ ማፃፋን፥ “ታኒ ሀሎ ከሳና፤ ታኒ ኩሸ ዛራና” ያጌስ ጎዳይ፥ ጌተትድ ፃፈትስ።

Zaaretho 31:14

ጎዳይ ሙሰኮ፥ “ነ ሀይቅያ ዎደይ ማትስ። እ ካለና ዎጋ ታ እያዉ እማና መላ እያሱ ፄጋዳ፥ እያራ እስፈ ዱንካንያ ፐንገ ሺቅተ” ያግን፥ ሙሰይነ እያሱይ ዱንካንያ ፐንግያኮ ሺቅዶሶና።

Zaaretho 32:35

ኤንታዉ ዮ ጋላስ ማትስ፤ ኤንታ ቦላ ጋካናባይ ኤለሴስ። ሄ ዎደ ኤንታ ቶሆይ በታና፤ ታ ሀሎ ከያናነ ኩሸ ዛራና።”

Ibraawe 10:30

ህዛ፥ “ሀሎ ከሶይ ታባ፥ ታ ኩሸ ዛራና” ግዳይሳ ኑ ኤሮስ። ቃስካ፥ “ጎዳይ ባ አሳ ፕርዳና” ያግስ።

Ibraawe 9:27

አስ ኡባይ እስ ቶሆ ሀይቃናዉ ሄሳፈ ጉየ ፕርደታናዉ በሴስ።

ዮሃኒሳ ቆንጬ 18:8

ሄሳ ግሾ፥ ቦሻ ኡባይ፥ ሀርገይ፥ ካዮይነ ኮሽ እዮ እስ ጋላስ ኦይካና። ቃስ እያ ታማን ፁገታና፤ አይስ ጊኮ፥ እ ቦላ ፕርድያ ፆሳይ ዎልቃማ” ያግስ።

1 Sameela 24:12

ነባነ ታባ ጎዳይ ፕርዶ፤ ጎዳይ ኔኒ ታና ቆህዳይሳ ሃሉዋ ከሶ፥ ሽን ታኒ ነ ቦላ ታ ኩሽያ ደንከ።

1 Sameela 24:15

ጎዳይ ኑ ቦላ ዳናቶ፤ ነባነ ታባ እ ፕርዶ፤ ታ ግሾ እ ሞተቶ፤ ነ ኩሸፐ ታና እ አሾ” ያግስ።

1 Sameela 25:26

ደኦ ጎዳይ ኤርያ መላ፥ ነ ሸምፖይ ኤርን፥ ነ ሱ ጉሶናዳነ ሀሎ ከዮናዳ ነና ተቅዳይ ጎዳ። ነ ሞርከትነ ነና ቆሀናዉ ኮየይሳት ናባላዳ ሀኖ።

1 Sameela 25:38

ታሙ ጋላሳፐ ጉዬ ጎዳይ ናባላ ሾጭን፥ እ ሀይቅስ።

1 Sameela 25:39

ናባል ሀይቅዳይሳ ዳዊቲ ስእዳ ዎደ፥ “ጎዳይ ጋላተቶ! ናባል ታና ጫይዳይሳ ሀሎ ጎዳይ ከስስ። ታኒ እያ አይለይ ኢታባ ኦና መላ ታና ተቅስ። ናባል ኦዳ ኢታባ ጎዳይ እያ ቦላ ዛርስ” ያግስ። ሄሳፈ ጉየ፥ ዳዊቲ አብግያ ኤካናዉ ኮይድ ኪታ የድስ።

1 Sameela 31:4

ሳኦል ባ ኦላ ሚሽያ ቶከይሳኮ፥ “ሀ ቃፃረትቦናይሳት ይድ፥ ታና ጫድድ ካኦና መላ ነ ማሻን ታና ጫዳዳ ዎ” ያግስ። ሽን እያ ኦላ ሚሽያ ቶከይስ ያይድ እፅን፥ ሳኦል ባ ማሻ ሳአን ኤስድ፥ እያ ቦላ ኩንድስ።

1 Sameela 31:6

ሀይሳዳ ሀንድ፥ ሳኦልነ እያ ሄ አደ ናይት፥ እያ ኦላ ሚሽያ ቶከይስነ እያ አሳት ኡባይ ሄ ጋላስ ሀይቅዶሶና።