1 Sameela 2:25 - ጌሻ ማፃፋ

²⁵ እስ አስ አሰ ናቅኮ፥ ፆሳይ እያዉ ጋናታና፤ ሽን አስ ጎዳ ናቅኮ፥ እያዉ ጋናታናይ ኦኔ?” ያግስ። ጎዳይ ኤንታና ዎናዉ ኮይዳ ግሾ ኤንቲ ባንታ አዋ ዞርያ ስኦና እፅዶሶና።

Geeshsha Maxaafa

²⁵ Issi asi ase naaqiko, Xoossay iyaw gaannatana; shin asi Godaa naaqiko, iyaw gaannatanay oonee?” yaagis. Goday entana wodhanaw koyida gisho enti banta aawa zoriya si7onna ixidosona.

1 Sameela 2:25 ပူးပေါင်းရင်းမြစ်များ

Medhetethi 38:10

እ ኦዳባይ ጎዳ ስንን ኢታባ ግድዳ ግሾ፥ ጎዳይ እያካ ዎስ።

Medhetethi 38:7

ይሁዳ ባይራ ናአይ፥ ኤር፥ ጎዳ ስንን ኢታ አስ ግድያ ግሾ፥ ጎዳይ እያ ዎስ።

1 Kawota 8:31

“እስ አስ ባ ላግያ ቆህድ፥ ቆሀብከ ግድ ካድን፥ እያ ጫቅሳናዉ ፆሳ ኬ ኤህን፥ እያ ግዶን ደእያ ያርሾ በሳ ስንን እ ጫቅኮ፥

1 Kawota 8:32

ኔኒ ሳሎን ስአዳ ኦ። ነ አይለታ ግዶን ፕርዳ። ናቅዳ ኡራ ቦላ ፕርዳዳ፥ እ ኦዳባ እያ ቦላ ዛራ፤ ፅሉዋስ ፕርዳዳ እያ ፅሎተ ቆንጭሳ።

2 Taarike 10:15

ጎዳይ ሴሎ አድያ ናብያ አክያ ባጋራ ናባፃ ናኣ እዮርባማስ ኦድዳ ቃላይ ፖለታና መላ ፆሳፈ ሀንዳ ግሾ ካዎይ አሳይ ገይሳ ስኦና እፅስ።

2 Taarike 25:16

ናበይ ቡሮ ኦዳ ቦላ ደእሽን ካዎይ፥ “ነና ካዎ ዞርያ አስ ኦዳይ ኦኔ? ስእ ጋ! ነ አይስ ሀይቃናዉ ኮያይ?” ያግስ። ናበይ ኦዳ ኤስድ፥ “ነ ሀይሳ ኦዳ ግሾነ ታ ዞርያ ስኦና እፅዳ ግሾ ፆሳይ ነና ይሳናዉ ቆፕዳይሳ ሀእ ኤራስ” ያግስ።

Iyyoba 9:33

ሽን ኑ ናምኣ ቦላ ባ ኩሸ ዎድ፥ ኑና ስገያ አስ ኑ ግዶን ደኤረነ!

Mazmure 51:16

ነ ያርሾን ኡፋይትያኮ፥ ታ ነዉ ያርሻናሽን፥ ነ ፁሳ ያርሾን ኡፋይታካ።

Mazmure 51:4

ታኒ ነና፥ ነ ፃላላ ቆሀስ፤ ነ ስንን ኢታባ ኦስ። ሄሳ ግሾ፥ ነ ሀንቁዋን ነ ልከ፤ ነ ፕርዳንካ ነ ፅሎ።

Leemiso 13:1

ኤራንቾ ናአይ ባ አዋ ሴራ ስኤስ፤ ሽን ቀልቅሰይስ ሴራ ኤከና።

Leemiso 15:10

ልከ ኦግያ አግዳ አስ ፕርድ ናጌስ፤ ሴራ እፅያ አስ ሀይቄስ።

Leemiso 29:1

ዳሮ ዎደ ሴረትድ ስሞና አስ ሀሳዮና መቃና፤ ሄ ኡራስ ፓፆይ ባዋ።

Erata 3:3

ዎናዉ ዎደይ ደኤስ፤ ፓናዉ ዎደይ ደኤስ። ላላናዉ ዎደይ ደኤስ፤ ኬፃናዉ ዎደይ ደኤስ።

Taybo 15:30

“ሽን እስራኤለ አስ ግድን ዎይኮ በተ አስ ግድን ኤርሸ ኦቶሮን ናጋራ ኦያ ኡራይ ጎዳ ጫዬስ። ሄ ኡራይ ደርያ ግዶፈ ዮ።

Zaaretho 1:17

ፕርድ ፆሳባ ግድያ ግሾ፥ ህንተ ፕርዳን እስ ባጋ ማዶፍተ፤ ግታ ስኤይሳዳ ጉ ስእተ፤ አሳ ሶምኦስ ያዮፍተ። ዳሮ ዴፆ ግድዳ ኦዳታ ታኮ ኤህተ፤ ሄሳ ታኒ ስአና።”

Zaaretho 2:30

ሽን ሀሰቦና ካዎይ ስሆነይ ኑና አና እፅስ። ጎዳይ ህንተ ፆሳይ ሀእ ኦዳይሳዳ እያ ህንተ ኩሸን አድ እማናዉ ኮይዳ ግሾ እያ ዎዛና ሙምስስድ፥ ኦቶራንቾ ኦስ።

1 ፅሞትዮሳ 2:5

እስ ፆሲ ደኤስ። ፆሳፈነ አሳፐ ግዶን ግድድ ስገያ እሶይ ደኤስ፤ እካ አሰ ግድዳ ክርስቶስ የሱሳ።

Ibraawe 10:26

ኑኒ ቱማ ኤራተ ኤክዳፐ ጉየ ኤርሸ ናጋራ ኦኮ፥ ህዛፐ ኑ ናጋራ ግሾ ያርሸታና ያርሾይ ባዋ።

Ibraawe 10:27

ሽን ህዛ አትዳይ ያሽያ ፕርዳነ ፆሳ ሞርከታ ፁጋናዉ ጊግዳ ዎልቃማ ታማ።

Ibraawe 7:25

ሄሳ ግሾ፥ እ ኡባ ዎደ ኤንታ ግሾ ጋናታናዉ መርናዉ ደእያ ግሾ ፆሳኮ እያ ባጋራ የይሳታ ፖሎ አሻናዉ ዳንዳኤስ።

Iyyasu 11:20

ጎዳይ ሙሰ ኪትዳይሳዳ፥ እያሱይ ኤንታ ማሮት ባይና ኡባ ዎና መላ ጎዳይ ኤንታ ዎዛና ሙምስድ እስራኤለታ ኦላና መላ ደንስ።

1 Sameela 3:14

ሄሳ ግሾ፥ ‘ኤል ሶ አሳ ናጋራይ ያርሾንነ እሞን ፖሎ አቶ ጌተተና’ ያጋዳ ታኒ እያ ሶ አሳስ ካሰ ጫቃስ” ያግስ።