1 Sameela 10:3 - ጌሻ ማፃፋ

³ ኔኒ ሄ በሳፈ ደንዳዳ፥ ታቦረ ግታ ም ጋካናዉ ባና። ፆሳኮ ቤተለ ብያ ሄ አሳት ያን ኔራ ጋሄታና። ኤንታፈ እሶይ ሄ ዴሻ ማር ቶክስ፤ ናምአንይ ሄ ኡይ ቶክስ፤ ሄንይ ኦጎሮ ኩም ዎይነ ቶክስ።

Geeshsha Maxaafa

³ Neeni he bessaafe dendada, Taabore gita mithaa gakanaw baana. Xoossaako Beetele biya heedzu asati yan neera gahetana. Entafe issoy heedzu deesha mari tookis; nam7anthoy heedzu uythi tookis; heedzanthoy ogoro kumitha woyne tookis.

1 Sameela 10:3 ပူးပေါင်းရင်းမြစ်များ

Medhetethi 28:19

ያይቆብ ሄ በሳ ቤተለ (ፆሳ ኬ) ግድ ፄግስ። ሽን ሄ ካታማይ ሄሳፈ ካሰ ሎዛ ጌተቴስ።

Medhetethi 28:22

ታኒ ዱማያናዉ ቱሳ ኤስዳ ሀ ሹቻይ ፆሳ ኬ ግዳና። ቱማ ኔኒ ታዉ እምያባ ኡባፈ ታማፈ እሱዋ ነዉ እማና” ያግድ ፆሳስ ጫቅስ።

Medhetethi 35:1

ሄሳፈ ጉየ፥ ፆሳይ ያይቆባ፥ “ደንዳዳ ፑደ ቤተለ ከያዳ ያን ደአ። ኔኒ ነ እሻ ኤሳዌፐ ባቃትዳ ዎደ ነዉ ቆንጭዳ ፆሳስ ያን ያርሾ በሲ ጊግሳ” ያግስ።

Medhetethi 35:3

ሀይሳፈ ደንድድ ፑደ ቤተለ ቦስ። ታ መቱዋ ጋላስ ታዉ ስእዳ፥ ታኒ ብዳ በሳ ኡባን ታራ ግድዳ ፆሳስ ታኒ ያን ያርሾ በሲ ጊግሳና” ያግስ።

Mazmure 89:12

ፑደሀነ ዱገሀ ነ መዳሳ፤ ታቦረነ አርሞና ዙማት፥ ኡፋይሳን ነ ሱን ሳቦሶና።

Ermiyaasa 32:8

ጎዳይ ግዳይሳዳ፥ ታ አዋ እሻ ናአይ ሀናምኤል ታኮ ናገይሳታ ዳባባ ይድ፥ ‘ዎዛናዉ ማት ደእያ ማታ ዳቦይ ነና ግድያ ግሾ፥ ብንያመ ቢታን አናቶታን ደእያ ታ ጋድያ ሻማ’ ያግን፥ ታኒ ሄሳ ኦድዳይ ጎዳ ግደይሳ ኤራስ።

Leeweta 1:10

ፁገትያ ያርሾስ እ እምያ እሞይ ዶርሳፈ ዎይኮ ዴሻፐ ግድኮ፥ ቦረይ ባይና ማራዘ ዎይኮ ኮለ ግዶ።

Leeweta 23:13

ሄ ያርሹዋራ እስፈ ሻማሆ ዛይተራ ሙኑቀትዳ ናምኡ ክሎ ግራመ ሎኦ ለ ካ ያርሾ ኦድ ሺሽተ። ሄስ ጎዳስ ሳዎ ቶንኩ ግያ ፁሳ ያርሾ ግዳና፤ እያራ እስፈ እስ ልትሮ ግድያ ዎይነ ኡሽ ሺሽተ።

Leeweta 3:12

እ ያርሸይ ዴሸ ግድኮ እ ሄሳ ጎዳ ስን ሺሾ።

Leeweta 3:6

እስፈተ ያርሾስ ሺቀይ ማጫ ዎይኮ አደ ዶርሰ ግድኮ ቦረይ ባይናባ ግዶ።

Leeweta 7:13

ሄ እስፈተ ያርሹዋራ እስፈ እርሾራ ኡከትዳ ኡይ እሞታ ኦድ ያርሾ።

Iyyasu 19:12

ሳርዳፐ ዶሎሀ ባጋ ምርቀትድ፥ ክስሎት-ታቦራ ካንድ ዳብራታንነ ያፋን ዛዋቴስ።

Iyyasu 19:22

ሄ ቢታ ዛዋይ ታቦረ፥ ሻሀፁማነ ቤት-ሳሜሳ ቦችሸ ብድ፥ ዮርዳኖሰ ሻፋን ዛዋቴስ። ኤንቲ ኩመ ታማነ ኡሱፑን ካታማ፤ ኤንታ ዩሹዋን ደእያ ጉታት ኤንታ ቦላ ጉዠቶሶና።

አይሰይሳታ 20:18

እስራኤለ አሳይ ደንድድ፥ ቤተለ ብድ፥ “ብንያመ አሳ ኦላናዉ ኑፐ ስንትድ ከያናይ ኦኔ?” ያግድ ፆሳ ኦይችዶሶና። ጎዳይ፥ “ይሁዳ ኮቻይ ስንትድ ከዮ” ያግስ።

አይሰይሳታ 20:23

እስራኤለ አሳይ ብድ ሳእ ቃማና ጋካናዉ ጎዳ ስንን ዬክዶሶና። ኤንቲ፥ “ኑ እሻታራ፥ ብንያመ አሳታራ ኦለታናዉ ናምአን ከይኖ?” ያግድ ጎዳ ኦይችዶሶና። ጎዳይ፥ “ኤ፥ ኤንታራ ኦለታናዉ ከይተ” ያግስ።

አይሰይሳታ 20:27

ሄ ዎደ ፆሳ ጫቆ ታቦተይ ቤተለ ካታማን ደእያ ግሾ እስራኤለ አሳይ ጎዳ ኦይችዶሶና።

አይሰይሳታ 4:12

አብኖማ ናአይ ባራቅ ታቦረ ዙማ ብዳይሳ ስሳር ስእዳ ዎደ፥

አይሰይሳታ 4:6

እስ ጋላስ ድቦራ አብኖማ ናኣ ባራቃ ንፍታለመ ቢታን ደእያ ቃደሳፐ ፄግሳዳ፥ “ጎዳይ እስራኤለ ፆሳይ ነና ሀይሳዳ ያግድ ኪትስ፤ ‘ንፍታለመነ ዛብሎና ዛርያፐ ታሙ ሙኩሉ አሳ ኤካዳ ታቦረ ዙማ ቦላ ከያ።

አይሰይሳታ 8:18

ያትድ ገድዮን ዘባነ ሳልሞና፥ “ህንተ ታቦረን አይ መላ አስ ዎደቲ?” ያግድ ኦይችስ። ኤንቲ፥ “ነ መላ አስ፤ ኤንቲ ካዎ ናአ ዳኖሶና” ያግድ ዛርዶሶና።

1 Sameela 10:4

ኤንቲ ነና ሳሮና፤ ነዉ ናምኡ ኡይ እማና፤ ነ ኤንታ ኩሸፐ ሄ ኡይ ኤካናዉ ኮሼስ።