1 Sameela 10:24 - ጌሻ ማፃፋ

²⁴ ሳሜል አሳኮ፥ “ጎዳይ ዶርዳ አድያ በእቴ? እያ ዳንያ አስ ሀ አሳ ግዶን ኦንካ ባዋ” ያግስ። አሳ ኡባይ ባንታ ቃላ ቁ ኦድ፥ “ካዎይ ብራታ ቱስ ግዶ” ያግስ።

Geeshsha Maxaafa

²⁴ Sameeli asaako, “Goday doorida addiya be7itee? Iya daaniya asi ha asa giddon oonika baawa” yaagis. Asa ubbay banta qaala dhoqu oothidi, “Kawoy birata tuussi gido” yaagis.

1 Sameela 10:24 ပူးပေါင်းရင်းမြစ်များ

2 Sameela 16:16

ዳዊታ ላገይ አርካያ ኮቻይ ኩስ አበሰሎመኮ ይድ፥ “ካዎይ ብራታ ቱሱ ግዶ! ካዎይ ሙኩሉ ላይ ካዎቶ!” ያግስ።

2 Sameela 21:6

ሄሳ ግሾ፥ ሳኦላ ኮቻፈ ላፑን አደታ ኑስ እማ። ጎዳይ ዶርድ እያ ካዎዳ ሳኦላ ካታማን፥ ግብአን፥ ጎዳ ስንን ኑኒ ኤንታ ካቃና” ያግዶሶና። ካዎይ፥ “ታኒ ኤንታ ህንተዉ አዳ እማና” ያግስ።

1 Kawota 1:21

ሄስ ሀኖና እፅኮ ታ ጎዳይ ካዎይ ሀይቅድ ባ ማይዛታን ጋሄትያ ዎደ ታነ ታ ናአይ ሶሎሞነይ ዳፋባ ኦዳ አሳዳ ታይበታና” ያጋሱ።

1 Kawota 1:25

ሀች እ ዳሮ መሄታ፥ ማራታነ ዶርሳታ ያርሽድ፥ ካዋ ናይታ ኡባ፥ ቶራ ሞጮናታነ ካህንያ አብያታራ ፄግስ። ኤንቲ ሀእ እያራ ምሸነ ኡይሸ፥ ‘ካዎይ አዶንያስ ብራታ ቱስ ግዶ’ ያግሸ ደኦሶና።

1 Kawota 1:34

ያን ካህንያ ሳዶቅነ ናብያ ናታን እያ ትይድ እስራኤለ ቦላ ካዎዮ። ሞይዘ ፑንሸ፥ ህንተ ቃላ ቁ ኦድ፥ ‘ካዎይ ሶሎሞነይ ብራታ ቱሱ ግዶ’ ያግተ።

1 Kawota 1:39

ካህነይ ሳዶቅ ጌሻ ዱንካንያፐ ዛይተ ካጨን ትግ ኤክድ፥ ሶሎሞነ ትይድ ካዎስ። ኤንቲ ሞይዘ ፑንን፥ አሳ ኡባይ ባ ቃላ ቁ ኦድ፥ “ካዎይ ሶሎሞነይ መርናዉ ካዎቶ!” ያግዶሶና።

2 Kawota 11:12

ዮዳሄይ ካዋ ናኣ ካረ ከስድ፥ እያ ሁጰን ካላቻ ዎስ። ህገ ማፃፋ እያዉ እምድ፥ ትይድ፥ እያ ካዎስ። አሳይ ኩሸ ባቅድ፥ ባ ቃላ ቁ ኦድ፥ “ካዎይ ብራታ ቱሱ ግዶ!” ያግስ።

2 Taarike 23:11

ዮዳሄ ካዋ ናኣ እዮኣሳ ካረ ከስድ፥ እያ ሁጰን ካላቻ ዎስ፤ ካዎታ ህገ ማፃፋ እያዉ እምድ ካዎይስ። ዮዳሄይነ እያ ናይት እዮኣሳ ትይድ፥ “ካዎይ ብራታ ቱሱ ግዶ” ያግዶሶና።

Maatosa 21:9

የሱሳፐ ስንራ ሄመተይሳትነ እያፐ ጉየራ ካልያ ዳሮ አሳይ፥ “ሆሳና! ዳዊታ ናአይ ጋላተቶ! ጎዳ ሱንን የይስ አንጀትዳይሳ! ቦንቾይ ኡባፈ ቃ ሳሉዋን ፆሳስ ግዶ!” ያግድ ዋስዶሶና።

Zaaretho 17:15

ነ ካዎና ካዎይ ጎዳይ፥ ነ ፆሳይ ነዉ ዶርዳይሳ ግዳናዉ በሴስ። ሄስካ፥ ነ አሳ ግዶፈ ዶረትዳይሳ ግዶፐ አትሽን፥ ሀራ ቢታ አስ ነ ቦላ ካዎፋ።

1 Sameela 11:15

ሄሳ ግሾ፥ አሳ ኡባይ ጋልጋላ ብድ፥ ጎዳ ስንን ሳኦል ካዎ ግደይሳ ኤርስዶሶና። ያን እስፈተ ያርሾ ጎዳ ስንን ያርሽዶሶና። ሳኦልነ እስራኤለ አሳ ኡባይ ሄ በሳን ባኣለ ኡፋይሳን ቦንችዶሶና።

1 Sameela 12:1

ሳሜል እስራኤለ ኡባኮ፥ “ህንተ ታዉ ኦድዳ ኡባ ስአዳ፥ ህንተ ቦላ ካዎ ካዎስ።

1 Sameela 12:13

ሀእ ህንተ ዶርዳነ ኦይችዳ ካዎይ ሀይስሽ። ሄኮ፥ ጎዳይ ህንተ ቦላ ካዎስ።

1 Sameela 9:2

እያዉ ሳኦላ ጌተትያ እስ ማላ ሎኦ ግድዳ ፓን ናእ ደኤስ። እስራኤለታ ግዶን እያ መላ ማላ ሎኦይ ባዋ፤ እ አስ ኡባይ እያ ሀሸፐ ጋርሳን አትያ አዱሳ አስ።