1 ፅሞትዮሳ 2:8 - ጌሻ ማፃፋ

⁸ ሄሳ ግሾ፥ ኡባ በሳን ደእያ አደት፥ ባንታና ፆሳስ ዱማይድ፥ ሀንቆነ ፓላማ ድግድ፥ ባንታ ኩሽያ ፑደ ደንድ ፆሳ ዎሳና መላ ኮያይስ።

Gofa New Testament

⁸ Hessa gisho, ubba bessan de7iya addeti, bantana Xoossaas dummayidi, hanqonne palama diggidi, bantta kushiya pude denthidi Xoossaa woossana mela koyays.

Geeshsha Maxaafa

⁸ Hessa gisho, ubba bessan de7iya addeti, bantana Xoossaas dummayidi, hanqonne palama diggidi, banta kushiya pude denthidi Xoossaa woossana mela koyayis.

Ooratha Caaquwa Goofatho

⁸ Hessa gisho, ubba bessan de7iya addeti, bantana Xoossaas dummayidi, hanqonne palama diggidi, bantta kushiya pude denthidi Xoossaa woossana mela koyays.

ኦራ ጫቁዋ ጎፋ

⁸ ሄሳ ጊሾ፥ ኡባ ቤሳን ዴዒያ ኣዴቲ፥ ባንታና ፆሳስ ዱማዪዲ፥ ሃንቆኔ ፓላማ ዲጊዲ፥ ባንታ ኩሺያ ፑዴ ዴንዲ ፆሳ ዎሳና ሜላ ኮያይስ።

1 ፅሞትዮሳ 2:8 ပူးပေါင်းရင်းမြစ်များ

1 Kawota 3:11

ፆሳይ እያኮ፥ “ኔኒ ነዉ ላይ አዱቃና መላ ዎይኮ ዱረ ግዳናዉ ዎይኮ ነ ሞርከት ሀይቃና መላ ኦይቾናሽን፥ ሀ አሳ ሱረ ፕርዳን አይስያ ጭንጫተ ኦይችዳ ግሾ፥

Iyyoba 16:17

ሽን ሄ ኡባን ታ ባልዳባይ ባዋ፤ ታ ጌሻ ዎዛናን ዎሳይስ።

Mazmure 134:2

ፆሳ ኬን ህንተ ኩሽያ ምጭድ፥ ጎዳ ጋላትተ።

Mazmure 141:2

ታ ዎሳይ እፃነዳ ነ ስን ሺቆ፤ ታ ኩሸ ምጨይ ኦማርሳ ያርሾ መላ ግዶ።

Mazmure 24:4

እያ ኩሸይነ እያ ዎዛናይ ጌሽ ግድዳይሳ፤ ኤቃ ጎይኖናይሳ፥ ዎርዶ ጫቆናይሳ።

Mazmure 26:6

አቤት ጎዳዉ፥ ታ ፅሎተ በሳናዉ ታ ኩሽያ ሜጫይስ፤ ነ ያርሾ በሳ ዩያይስ።

Mazmure 28:2

ማደ ኮያዳ ታ ዋስያ ዎደ፤ ኡባፈ ጌሻ ዱንካንያኮ፥ ታ ኩሽያ ምጭያ ዎደ ታ ዎሳ ስአ።

Mazmure 35:13

ሽን ኤንቲ ሀርግዳ ዎደ ታኒ ካዮ ማኦ ማአስ፤ ታ አሳተ ፆማን ዳቡርሳስ፤ ታ ዎሳይ ዛሮ ደሞና አትስ።

Mazmure 63:4

ታ ደኦ ላይን ነና ጋላታና፤ ነ ሱንን ታ ኩሽያ ፑደ ምጫና።

Mazmure 66:18

ታኒ ዎዛን ኤርሽን ናጋራ ገንዳባ ግድያኮ፥ ጎዳይ ታና ስኤና።

Leemiso 15:8

ጎዳይ ኢታታ ያርሹዋ እፄስ፤ ሽን ሱረታ ዎሳን እ ኡፋይቴስ።

Leemiso 21:27

ጎዳይ ኢታታ ያርሹዋ እፄስ፤ ኤንቲ እያዉ ኢታ ቆፋን ሺሽያ ያርሹዋ አድ እፄስ።

Isayaasa 1:15

ህንተ ኩሸ ምጭድ ታና ዎስያ ዎደ ታኒ ታ አይፍያ ህንተፈ ገንና። ህንተ ኩሸይ ሱን ኩምዳ ግሾ ህንተ ዳርስ ዎስኮካ ታኒ ስእከ።

Maatosa 21:21

የሱሲ ዛሪድ፥ “ታኒ ህንተዉ ቱማ ኦዳይስ፤ ህንተዉ አማኖይ ደእኮ፥ ቃስ ህንተ ስና እፅኮ ባላሰ ቦላ ታኒ ኦዳይሳ መላ ፃላላ ኦከታ፥ ሽን ‘ሀ ዙማ ሾደታዳ አባን ዎ’ ያግኮ ሀናና።

Maatosa 5:44

ሽን ታ ህንተዉ ኦዳይስ፤ ህንተ ሞርከታ ዶስተ፤ ህንተና ቆሄይሳታስ ዎስተ።

Maatosa 6:12

ኑኒ ኑና ቆህዳይሳታ፥ አቶ ገይሳዳ፥ ኑስካ ኑ ቆሁዋ አቶ ጋ።

Luqaasa 23:34

የሱሲ፥ “ታ አዋዉ፥ ኤንቲ አይ ኦያኮ ኤሮና ግሾ፥ ኔኒ ኤንታዉ አቶ ያጋ” ያግስ። ኤንቲ እያ አፍላ ቦላ ሳማ የግድ ሻከትድ ኤክዶሶና።

Luqaasa 24:50

ሄሳፈ ጉየ፥ ብታነ ካታማ ኤንታና ኤክድ ብስ። ባ ኩሽያ ደንድ አንጅስ።

Yohaanisa 4:21

የሱሲ፥ “ሀ ማጫሰተ ታና አማና፤ ሀ ዙማ ቦላ ዎይኮ የሩሳላመን አዋስ ህንተ ጎይኖና ዎደይ ያና።

ሃዋሬታ ኦሱዋ 10:2

ቆርነልዮስ ባ ሶ አሳራ ፆሳ ምን አማንያ አስነ ፆሳ ጎይንያ አስ። አይሁደ ማንቆታካ ዳሮ ማዴስ፥ ቃስ ፆሳ ኡባ ዎደ ዎሴስ።

ሃዋሬታ ኦሱዋ 10:31

እ ታኮ፥ ‘ቆርነልዮሳ፥ ፆሳይ ነ ዎሳ ስእስ፥ ኔኒ ማንቆታ ማድዳይሳካ ሀሳይስ።

ሃዋሬታ ኦሱዋ 10:4

ቆርነልዮስ ዳጋምድ ኪታንቹዋ ትሽ ኦ ፄልድ፥ “ጎዳዉ፥ እ አይቤ?” ያግስ። ኪታንቾይ ዛሪድ፥ “ነ ዎሳይነ ማንቆታ ነ ማደይስ ፆሳ ስንን ሀሳየትስ።

ሃዋሬታ ኦሱዋ 21:5

ኑኒ ኤንታራ ኡትያ ዎደይ ዉርን ከይድ ብዳ። ኤንቲ ኡባይ ባንታ ማጫሳታራነ ባንታ ናይታራ እስፈ ካታማፐ ካረ ከስድ ኑና ሞይዝዶሶና። ኑኒ አባ ዶናን ጉልባትድ ፆሳ ዎስዳ።

ሃዋሬታ ኦሱዋ 7:60

ጉልባትድ፥ ባ ቃላ ቁ ኦድ፥ “ታ ጎዳዉ፥ ሀ ናጋራ ኤንታዉ አቶ ጋ” ያግስ። ሄሳ ያግድ ስምዳ መላ ሀይቅ አግስ።

1 ቆሮንቶሳ 1:2

ቆሮንቶሳን ደእያ ፆሳ ዎሳ ኬስ፥ የሱስ ክርስቶሳን ጌይዳይሳታስነ ጌሽ ግዳና መላ ፄገትዳይሳታስ፤ ቃስ ኤንታዉነ ኑስ ጎዳ ግድያ ኑ ጎዳ የሱስ ክርስቶሳ ሱን ኡባ በሳን ፄግያ ኡባስ።

1 ቆሮንቶሳ 7:7

አስ ኡባይ ታዳ ማቾ ኤኮና ደእያኮ ዶሳይስ፥ ሽን ፆሲ እሱዋስ እሱዋስ እምዳ ዱማ እሞት ደኤስ። እሱዋስ ሀይሳ መላ ሀንኩዋስ ሄሳ መላ እሞት ደኤስ።

2 ቆሮንቶሳ 2:14

ሽን ክርስቶሳ ባጋራ ኡባ ዎደ ኑና ፆኖን ካለያነ ሽቶ መላ ሳውያ ክርስቶሳባ ኑ ኤርያ ትምርትያ ኡባ በሲ ጋና መላ ኦያ ፆሳ ጋላት ጋኮ።

ፍልጵስዩሳ 1:12

ታ እሻቶ፥ ታና ጋክዳ ኡባይ ዎንገላይ ዳልጋና መላ ቱማ ማድዳይሳ ህንተ ኤራና መላ ኮያይስ።

1 ተሰሎንቀ 1:8

ጎዳ ቃላይ ህንተፈ ከይድ፥ ማቀዶነንነ አካያ ፃላላን ግዶናሽን፥ ፆሳ ህንተ አማነይስ ኡባሶን ስኤትስ። ህዛ፥ ኑኒ ጋናባይ አይኮይካ ባዋ።

1 ፅሞትዮሳ 5:14

ሄሳ ግሾ፥ ኑ ሞርከት ኑ ቦላ ኦደትያ ኢታባ ደሞና መላ ያላጋ አምኤት አዝና ገልድ፥ ናአ የልድ፥ ባንታ ኬ አይሳና መላ ዞራይስ።

Tito 3:8

ሀ ቃላይ አማነትዳ ቃላ። ፆሳ አማነይሳት ሎኦ ኦሶ ኦናዉ ጊግዳይሳታ ግዳና መላ ነ ሀ ቃላ ምንዳ ኦዳና መላ ታ ኮያይስ። ሀይሳቲ አሰ ኡባስ ሎኦነ ጎኤይሳታ።

Ibraawe 10:22

ኑኒ ኢታ ካሀፐ ጌያናዉ ኑ ዎዛና ዉርፀትድ፥ ኑ አሳተ ፅሎ ሃን ሜጨትድ፥ ሱረ ዎዛናንነ ፖሎ አማኖን ፆሳኮ ሺቆስ።

Yayqooba 4:8

ፆሳኮ ሺቅተ፤ እ ህንተኮ ሺቃና። ህንተኖ፥ ናጋራንቾቶ፥ ህንተ ኩሽያ ሜጨትተ፤ ናምኡ ቆፍ ደኤይሳቶ፥ ህንተ ዎዛና ጌሽተ።

1 ጰፅሮሳ 3:7

አዝናቶ፥ ህንተ ማቸት ህንተፈ ዳቡራንቾ መታ ግደይሳ ኤርድ፥ ኤንታና ቦንችተ፤ ህንተ ዎሳ ቦና መላ ፆሳይ እምዳ ደኡዋ ኤንቲ ህንተራ እስፈ ላትያ ግሾ ኤንታ ቦንችተ።