1 ፅሞትዮሳ 1:15 - ጌሻ ማፃፋ

¹⁵ “ክርስቶስ የሱሲ ናጋራንቾታ አሻናዉ ሀ አላምያ ይስ” ግያ ቃላይ አማንይሳነ አሳ ኡባይ ኤካናዉ በሰይሳ። ኡባፈ አዳ ናጋራንቾይ ታና።

Gofa New Testament

¹⁵ “Kiristtoos Yesuusi nagaranchchota ashshanaw ha alamiya yis” giya qaalay ammantheyssanne asa ubbay ekkanaw besseyssa. Ubbaafe aadhdhida nagaranchchoy tana.

Geeshsha Maxaafa

¹⁵ “Kiristoos Yesuusi nagaranchota ashshanaw ha alamiya yis” giya qaalay ammantheysanne asa ubbay ekanaw besseysa. Ubbaafe aadhida nagaranchoy tana.

Ooratha Caaquwa Goofatho

¹⁵ “Kiristtoos Yesuusi nagaranchchota ashshanaw ha alamiya yis” giya qaalay ammantheyssanne asa ubbay ekkanaw besseyssa. Ubbaafe aadhdhida nagaranchchoy tana.

ኦራ ጫቁዋ ጎፋ

¹⁵ «ኪሪስቶስ ዬሱሲ ናጋራንቾታ ኣሻናው ሃ ኣላሚያ ዪስ» ጊያ ቃላይ ኣማንይሳኔ ኣሳ ኡባይ ኤካናው ቤሴይሳ። ኡባፌ ኣዳ ናጋራንቾይ ታና።

1 ፅሞትዮሳ 1:15 ပူးပေါင်းရင်းမြစ်များ

Iyyoba 42:6

ሄሳ ግሾ፥ ታ ኦዳን የላታዳ፥ ብዶ ቦላነ ባና ቦላ ኡታዳ ፓፃይስ” ያግስ።

Hizqeela 16:63

ነ ኦዳ ናጋራ ኡባ ታኒ አቶ ግያ ዎደ ነ ኦዳባ ሀሳያዳ፥ ዬላስ ነ ዶና ኦይካና” ያጌስ ኡባ ሃርያ ጎዳይ።

Maatosa 1:21

እያ አደ ናአ የላና፥ እ ባ ደርያ ኤንታ ናጋራፐ አሽያ ግሾ እያ ሱን ነ የሱሳ ጋዳ ፄጋና።

Maatosa 18:10

“ታ ህንተዉ ኦዳይስ፤ ሳሎን ደእያ ኤንታ ናግያ ኪታንቾት ኡባ ዎደ ሳሎን ደእያ ታ አዋ ስንን ደእያ ግሾ፥ ህንተ ሀ ጉታፐ እሱዋካ ካና መላ ናገትተ።

Maatosa 18:11

አሳ ናአይ ይዳይሳታ አሻናዉ ይስ” ያግስ።

Maatosa 20:28

ሄሳዳካ፥ አሳ ናአይ አሰ ሀጋዛናዉነ ዳሮ አሳ ዎዛናዉ ባ ሸምፑዋ እማናዉ ይስፐ አትሽን፥ አሳን ሀጋዘታናዉ ይቤና” ያግስ።

Maatosa 9:13

ሽን ህንተ ብድ፥ ‘ታኒ ህንተ ያርሹዋ ግዶናሽን ህንተ ሀራታ ማራና መላ ኮያይስ’ ጌተትድ ፃፈትዳይስ አይ ጉሰኮ ኤርተ። አይስ ጊኮ፥ ታኒ ናጋራንቾታ ፄጋናዉ ያስፐ አትሽን፥ ፅሎታ ፄጋናዉ ያቢከ” ያግስ።

Marqoosa 2:17

የሱሲ ኤንቲ ገይሳ ስእድ፥ “ሀርጋንቾታፐ አትሽን፥ ፓፃታስ አክመ ኮሸና። ታኒ ናጋራንቾታ ፄጋናዉ ያስፐ አትሽን፥ ፅሎታ ፄጋናዉ ያቢከ” ያግድ ኤንታዉ ዛርስ።

Luqaasa 15:2

ሽን ፋርሳወትነ ህገ አስታማረት፥ “ሀይስ ኡራይ ናጋራንቾታ ሺሽድ ኤኬስ፥ ኤንታራ እስፈ ሜስ” ያግድ ዙዙምዶሶና።

Luqaasa 19:10

አሳ ናአይ ይዳይ ይዳይሳ ኮያናሳነ አሻናሳ” ያግስ።

Luqaasa 5:32

ታኒ ናጋራንቾታ ማሮታኮ ዛራናሳፈ አትሽን፥ ጌሻታ ፄጋናዉ ያቢከ” ያግድ ዛርስ።

Yohaanisa 1:12

ሽን እ ባና ኤክዳይሳታስነ እያ ሱንን አማንዳይሳታስ ፆሳ ናይታ ግዳና መላ ማታ እሚስ።

Yohaanisa 1:29

ዮሃንስ ዎንተ ጋላስ የሱሲ ባኮ ይሽን በእድ፥ “አላምያ ናጋራ ቁችያ ፆሳ ዶርሳይ ሀይሳ!

Yohaanisa 12:47

ታ ቃላ ስእድ ኪተቶና ኦናካ ታኒ ፕርድከ። አይስ ጊኮ፥ ታኒ አላምያ አሻናዉ ያስፐ አትሽን፥ ፕርዳናዉ ያቢከ።

Yohaanisa 3:36

ናኣ አማንያ ኡራስ መርና ደኦይ ደኤስ። ሽን ናኣ አማኖናይሳ ቦላ ፆሳ ሀንቆይ ደኤስፐ አትሽን፥ እ ደኦ ደመና።

ሃዋሬታ ኦሱዋ 11:1

ሀዋረትነ ይሁዳ ኡባን ደእያ አማነይሳት፥ አይሁደ ግዶናይሳትካ ፆሳ ቃላ ኤክዳይሳ ስእዶሶና።

ሃዋሬታ ኦሱዋ 11:18

ኤንቲ ሄሳ ስእዳ ዎደ ባንታ ፓላማ አግድ፥ “ያትን፥ ፆሳይ አይሁደ ግዶናይሳትካ ናጋራፐ ስሚድ ደኦን ዳናዳ ቃዳ እሚስ” ያግድ ፆሳ ጋላትዶሶና።

ሃዋሬታ ኦሱዋ 3:26

ፆሳይ ህንተና ኡባ ህንተ ኢታ ኦገፐ ዛሪድ አንጃና መላ ባ ናአ ደንድ ህንተዉ ኮይሮ የድስ” ያግስ።

Roome 11:14

ታ ሄሳ ኦዳይ ታዉ አሾን ኮቸ ግድዳ እስራኤለታ ቂሮያዳ ኤንታፈ ጉታ አሻናሳ።

Roome 5:6

ኑኒ ቡሮ ዳቡራንቾታ ግድድ ደእሽን፥ ፆሳ ዎደይ ጋክን፥ ክርስቶስ ናጋራንቾታ ግሾ ሀይቅስ።

1 ቆሮንቶሳ 15:9

ታኒ የሱሳ ሀዋረታ ኡባፈ ላፋ። ታኒ ፆሳ ዎሳ ኬ ጎድዳ ግሾ የሱሳ ሀዋረ ጌተታዳ ፄገታናዉ በሶናይሳ።

Efesoona 3:8

ታኒ ጌሻታ ኡባፈ ላፋ ግድኮካ አይሁደ ግዶና አሳስ ዛው ባይና ክርስቶሳ ዱረተ ዎንገላ ኦዳና መላ ሀ አ ኬሀተይ ታዉ እመትስ።

1 ፅሞትዮሳ 1:13

ታኒ ሀይሳፈ ካሰ እያ ጫየይሳ፥ እያ የደይሳነ መቶይሳ ግድኮካ ታኒ ሄሳ ኤሮናነ አማኖና ኦዳ ግሾ ፆሳይ ታና ማርስ።

1 ፅሞትዮሳ 1:19

አማኖይነ ሎኦ ካህ ነዉ ደኦ። እሶት እሶት ካሀ ይድ ማርካበይ ሆበን የይሳዳ ባንታ አማኑዋ ይስዶሶና።

1 ፅሞትዮሳ 3:1

ኦንካ፥ “ዎሳ ኬ ካለያ አስ ግዳናዉ ኮይኮ ሎኦባ አሞቴስ” ግያ ኦዳይ ቱማ።

1 ፅሞትዮሳ 4:9

ሀ ቃላይ አሳ ኡባይ ኤካናዉ በሲያ ቱማ ኦዳ።

1 ፅሞትዮሳ 6:13

ኡባስ ደኦ እምያ ፆሳ ስንንነ፥ ጰንፀ ጵላፆሳ ስንን ሎኦ ማርካ ማርካትዳ ክርስቶስ የሱሳ ስንን ታ ነና ኪታይስ።

2 ፅሞትዮሳ 2:11

ሀይሳዳ ግያ ቱማ ቃል ደኤስ፤ “ኑኒ እያራ ሀይቅዳባ ግድኮ፥ እያራ እስፈ ደአና።

Tito 3:8

ሀ ቃላይ አማነትዳ ቃላ። ፆሳ አማነይሳት ሎኦ ኦሶ ኦናዉ ጊግዳይሳታ ግዳና መላ ነ ሀ ቃላ ምንዳ ኦዳና መላ ታ ኮያይስ። ሀይሳቲ አሰ ኡባስ ሎኦነ ጎኤይሳታ።

Ibraawe 7:25

ሄሳ ግሾ፥ እ ኡባ ዎደ ኤንታ ግሾ ጋናታናዉ መርናዉ ደእያ ግሾ ፆሳኮ እያ ባጋራ የይሳታ ፖሎ አሻናዉ ዳንዳኤስ።

1 ዮሃንሳ 3:5

ክርስቶስ አሳ ናጋራ ይሳናዉ ቆንጭዳይሳ ህንተ ኤሬታ፤ እያን ናጋር ባዋ።

1 ዮሃንሳ 3:8

ፃላሄይ ኮይሮፐ ናጋራ ኦዳ ግሾ ናጋራ ኡባ ዎደ ኦያ ኦንካ ፃላሄ ዳቦ። ሄሳ ግሾ፥ ፆሳ ናአይ ፃላሄ ኦሶ ይሳናዉ ቆንጭስ።

1 ዮሃንሳ 5:11

ህዛ፥ ማርካተይ ሀይሳ፤ ፆሳይ ኑስ መርና ደኦ እሚስ፤ ሄ ደኦይካ እያ ናአን ደኤስ ያገይሳ።

ዮሃኒሳ ቆንጬ 21:5

አራታ ቦላ ኡትዳይስ፥ “ታኒ ኡባ ኦራ ኦና” ያግስ። ቃስ ዛሪድ ታኮ፥ “ታኒ ኦደይስ አማንይሳነ ቱማ ግድያ ግሾ ፃፋ” ያግስ።

ዮሃኒሳ ቆንጬ 22:6

ኪታንቾይ ታኮ፥ “ሀ ታ ኦድያ ቃላይ ቱማነ አማንይሳ። ጎዳይ፥ ናበታ ባ ጌሻ አያናን ኪትያ ፆሳይ፥ ማታን ሀናናባ ባ አይለታ በሳናዉ ባ ኪታንቹዋ ኪትስ” ያግስ።

ዮሃኒሳ ቆንጬ 5:9

ኤንቲ፥ “ፃ ማፃፋ ኤካናዉ፥ ማታመታ ብላናዉ ነዉ በሴስ። አይስ ጊኮ፥ ኔኒ ሹከታዳሳ፤ ኮቸ ኡባፈ፥ ዱማ ዱማ ዶናፐ፥ ያራታፐነ ካዎተታ ኡባፈ ነ ሱን ፆሳስ ዎዛዳሳ።