1 ተሰሎንቀ 3:11 - ጌሻ ማፃፋ

¹¹ ፆሳይ ኑ አዋይ ባ ሁጰንነ ኑ ጎዳይ የሱስ ክርስቶሲ ኑ ህንተኮ ባና ኦግያ ጊግሶ።

Gofa New Testament

¹¹ Xoossay nu aaway ba huu7eninne nu Goday Yesuus Kiristtoosi nu hintteko baana ogiya giigiso.

Geeshsha Maxaafa

¹¹ Xoossay nu aaway ba huupheninne nu Goday Yesuus Kiristoosi nu hinteko baana ogiya giigiso.

Ooratha Caaquwa Goofatho

¹¹ Xoossay nu aaway ba huu7eninne nu Goday Yesuus Kiristtoosi nu hintteko baana ogiya giigiso.

ኦራ ጫቁዋ ጎፋ

¹¹ ፆሳይ ኑ ኣዋይ ባ ሁዔኒኔ ኑ ጎዳይ ዬሱስ ኪሪስቶሲ ኑ ሂንቴኮ ባና ኦጊያ ጊጊሶ።

1 ተሰሎንቀ 3:11 ပူးပေါင်းရင်းမြစ်များ

Isayaasa 63:16

አብራሃመይ ኑና ኤሮና እፅኮካ፥ ያይቆብ ኑና አኬኮና እፅኮካ፥ አቤት ጎዳዉ፥ ኔኒ ኑ አዋ፤ በንፐ ዶምድ፥ ነ ሱንይ ኑና ዎዘይሳ።

Ermiyaasa 31:9

ታ ኤንታ ዛራዳ ኤህያ ዎደ ኤንቲ ኡፋይሳፈ ደንዶይሳን ዬክሸነ ዎስሸ ያና። ታኒ ኤንታ ሻፋ ላንቅያራ፥ ኤንቲ በቶና ጊግዳ ኦግያራ ካለና። ታኒ እስራኤለስ አዋ፤ ኤፍሬም ታዉ ባይራ ናአ።

Milkiyaasa 1:6

ኡባፈ ዎልቃማ ጎዳይ ሀይሳዳ ያጌስ፦ “ህንተኖ፥ ታ ሱን ካዉሽያ ካህነቶ፥ ናእ ባ አዋ፥ አይለይ ባ ጎዳ ቦንቼስ። ያትን፥ ታኒ ህንተዉ አዋ ግድኮ፥ ህንተ ታና ቦንችያ ቦንቾይ አዉኔ? ታኒ ህንተዉ ጎዳ ግድኮ፥ ህንተ ታዉ ያይያ ያሻይ አዉኔ? ህንተ ታ ሱን ካዉሽደታ። ህንተ ዛሪድ፥ ‘ኑኒ ነ ሱን ዋትድ ካዉሽዶ?’ ያጌታ።

Maatosa 6:14

“ህንተ ህንተና ቆህዳይሳታ አቶ ጊኮ፥ ሳሎን ደእያ ህንተ አዋይ ህንተ ቆሁዋካ አቶ ጋና።

Maatosa 6:18

ሄሳዳ ነ ኦኮ ነ ፆምያ ፆማይ አሳፐ ጌምዳይሳ፥ ሽን ጌማን ደእያ ነ አዋይ ኤርያ ፆማ ግዳና። ጌማን ኦሰትዳይሳ በእያ ነ አዋይ ነዉ ዎይቱዋ እማና።

Maatosa 6:26

ሳሎ ካፎታ ፄልተ፤ ኤንቲ ዘሮኮና፥ ቡጮኮና፥ ሻለን የጎኮና፥ ሽን ህንተ ሳሎ አዋይ ኤንታ ሙዜስ። ህንተ ኤንታፈ ዳሮ አከቲ?

Maatosa 6:32

ሄ ኡባ ፆሳ አማኖና አሳይ ዳርስድ ደማናዉ ኡንኤቶሶና። ህንተ ሳሎ አዋይ ሄ ኡባይ ህንተዉ ኮሸይሳ ኤሬስ።

Maatosa 6:4

ህንተ እሞይ ጌማን ግዶ። ጌማን ኦይሳ በእያ ህንተ አዋይ ህንተዉ ዎይቱዋ ቆንጨን እማና።

Maatosa 6:6

ሽን ኔኒ ዎስያ ዎደ፥ ነ ሶ ገላ፥ ዉላ ጎርዳዳ ጌማን ደእያ ነ አዋኮ ዎሳ፤ ጌማን ኦሰትዳይሳ በእያ ነ አዋይ ነዉ ዎይቱዋ እማና።

Marqoosa 1:3

እሶይ መላ ቢታን ባ ቃላ ቁ ኦድ፥ ‘ጎዳ ኦግያ ጊግስተ፤ እ ሄመታና ሆሮጋ እያዉ ሱርስተ ግስ’ ” ያጌስ።

Luqaasa 12:30

ሄ ኡባስ ፆሳ አማኖና አሳት ኡንኤቶሶና። ሽን ህንተ አዋይ ፆሳይ ሄስ ኡባይ ህንተዉ ኮሸይሳ ኤሬስ።

Luqaasa 12:32

“ህንተኖ፥ ጉ ደረቶ፥ ያዮፍተ፤ ህንተ አዋ ፆሳይ ካዎተ ህንተዉ እማናዉ ኡፋይቴስ።

Yohaanisa 20:17

የሱሲ ኢኮ፥ “ታኒ ቡሮ ታ አዋኮ ቦና ግሾ፥ ታና ኦይኮፋ። ሽን ታ እሻታኮ ባዳ፥ ‘ታኒ ታ አዋኮነ ህንተ አዋኮ፥ ታ ፆሳኮነ ህንተ ፆሳኮ፥ ስማና ግስ’ ጋዳ ኤንታዉ ኦዳ” ያግስ።

Roome 1:3

ሄ ዎንገላይ አሾን ዳዊታ ሼሻፐ የለትዳ፥ ፆሳ ናኣ፥ ኑ ጎዳ የሱስ ክርስቶሳባ።

2 ቆሮንቶሳ 6:18

ታ ህንተዉ አዋ ግዳና፤ ህንተ ታዉ አደ ናይታነ ማጫ ናይታ ግዳና፤ ያጌስ ኡባፈ ዎልቃማ ጎዳይ” ያግስ።

Galatiya 1:4

ሀ ኢታ ዎድያፐ ኑና አሻናዉ፥ ኑ ፆሳ፥ ኑ አዋ ሸነን ክርስቶስ ኑ ናጋራ ግሾ ባና አድ እሚስ።

Qolaasiyasa 1:2

ቆላስያሳ ካታማን ደእያ ክርስቶሳን ጌሻታስነ አማነትዳ አሳስ ፃፍዳ ኪታ። ፆሳ ኑ አዋፐ አ ኬሀተይነ ሳሮተይ ህንተዉ ግዶ።

1 ተሰሎንቀ 3:13

ኑ ጎዳይ የሱስ ክርስቶሲ ባ ጌሻታራ ያ ዎደ ፆሳ፥ ኑ አዋ ስንን ህንተ ዎዛናይ ጌሽነ ቦረይ ባይናይሳ ኦድ እ ህንተና ምንና።

1 ተሰሎንቀ 4:16

ጎዳይ ዎልቃማ ኪታራ፥ ኪታንቾታ ሀላቃ ግርሳራ፥ ፆሳ ሞይዘ ፑኖራ፥ ሳሎፐ ዎና። ክርስቶሳ አማንድ ሀይቅዳይሳት ኮይሮትድ ሀይቆፐ ደንዳና።

1 ተሰሎንቀ 5:23

ሳሮ እምያ ፆሳይ ባ ሁጰን ህንተና ፖሎ ጌሾ። ኑ ጎዳይ የሱስ ክርስቶሲ ያና ጋላሳስ፥ ፆሳይ ህንተ አያና፥ ህንተ ሸምፑዋነ ህንተ ኩመ አሳተ ቦረይ ባይና ናጎ።

2 ታሰሎንቀ 2:16

ፆሳይ ኑ አዋይ ኑና ዶሴስ። እ ኑስ ኬሀ፤ እ መርና ምንነ ሎኦ ኡፋይሳ ኑስ እሚስ። ህንተ ኡባ ዎደ ሎኦባ ኦናዉነ ኦደታናዉ ምንና መላነ ማዳና መላ ኑ ጎዳ የሱስ ክርስቶሳነ ፆሳ ኑ አዋ ዎሶስ።

2 ታሰሎንቀ 3:16

ሳሮ እምያ ጎዳይ፥ ባ ሁጰን ህንተዉ ኡባ ዎደነ ኡባ ባጋራ ሳሮ እሞ። ጎዳይ ህንተ ኡባራ ግዶ።

2 ታሰሎንቀ 3:5

ጎዳይ ህንተ ዎዛና ፆሳ ሲቁዋኮነ ክርስቶሳ ዳንዳኣኮ ካለ።

1 ዮሃንሳ 3:1

ኑኒ ፆሳ ናይታ ጌተትድ ፄገታና መላ ፆሳይ ኑና አይ መላ ዶስዳኮ በእተ። ኑኒ ቱማካ ፆሳ ናይታ። ሀ አላመይ ፆሳ ኤሮና ግሾ ኑናካ ኤረና።

ዮሃኒሳ ቆንጬ 21:3

አራታፐ ሀይሳዳ ያግድ፥ ኦድያ ግታ ቃላ ስአስ፤ “ፆሳ ኬይ አሳራ ደኤስ፤ ፆሳይ ባ ቦንቹዋራ አሳራ እስፈ ዳና። ኤንቲ እያ ደረ ግዳና፤ ፆሳይ ባ ሁጰን ኤንታራ ዳና፤ እ ኤንታ ፆሳ ግዳና።