1 ጰፅሮሳ 5:8 - ጌሻ ማፃፋ

⁸ ህንተ ሞርከይ ፃላሄይ፥ ምትያባ ኮይድ፥ ጋሞዳ ጉድሸ ህንተ ማታራ ዩይያ ግሾ ህንተና ሃርተነ ባርክተ።

Gofa New Testament

⁸ Hintte morkkey Xalahey, mittiyabaa koyidi, gaammoda gudishe hintte matara yuuya gisho hinttena haaritenne barkkite.

Geeshsha Maxaafa

⁸ Hinte morkey Xalahey, mittiyaba koyidi, gaammoda gudishe hinte matara yuuyiya gisho hintena haaritenne barkite.

Ooratha Caaquwa Goofatho

⁸ Hintte morkkey Xalahey, mittiyabaa koyidi, gaammoda gudishe hintte matara yuuya gisho hinttena haaritenne barkkite.

ኦራ ጫቁዋ ጎፋ

⁸ ሂንቴ ሞርኬይ ፃላሄይ፥ ሚቲያባ ኮዪዲ፥ ጋሞዳ ጉዲሼ ሂንቴ ማታራ ዩያ ጊሾ ሂንቴና ሃሪቴኔ ባርኪቴ።

1 ጰፅሮሳ 5:8 ပူးပေါင်းရင်းမြစ်များ

Astiro 7:6

አስትራ፥ “ኑ ሞርከይ፥ ኑና ይሳናዉ ኮየይ፥ ሀ ኢታ አድያ ሃማ” ያጋሱ። ሄ ዎደ ሃም ካዋ ስንንነ ካወ ስንን ዳሮ ዳጋምስ።

Iyyoba 2:2

ጎዳይ ፃላህያኮ፥ “ኔኒ አዉፐ ያዲ?” ያግስ። ፃላሄይ ጎዳኮ፥ “ታኒ ሳአ ኡባን ያነ ሃነ ዩያሸ ጋምአስ” ያግስ።

Mazmure 104:21

ዎዳላ ጋሞት ሻንካትሸ ጉዶሶና፤ ኤንቲ ባንታዉ ምያባ ፆሳፈ ኮዮሶና።

Mazmure 109:6

ታ ሞርክያ ቦላ ኢታ ዳይና ሹማ፤ ሞታንቾይ እያ ኡሻቻን ኤቆ።

Leemiso 19:12

ካዋ ሀንቆይ ጋሞ ጉደ መላ፤ ሽን እያ ናሾይ ማታ አጭስያ አካ መላ።

Leemiso 20:2

ካዎ ሀንቆይ ጋሞ ጉደ መላ፤ እያ ይሎይያ አስ ባ ሸምፑዋ ቦላ ፕርዴስ።

Leemiso 28:15

ማንቆ አሳ ሃርያ ኢታ ሀላቃይ፥ ጉድያ ጋሞነ ኮሻትዳ ባባን መላ።

Isayaasa 50:8

ታዉ ፕርደይስ ማታን ደኤስ፤ ያትን፥ ታና ሞተይ ኦኔ? አነ ታራ ሞተታናዉ ኤቆ!

Ermiyaasa 2:15

እያ ሞርከት ጋሞዳ እያ ቦላ ጉዶሶና። ኤንቲ ባንታ ቃላ ቁ ኦድ ዳሮሶና። ኤንቲ እያ ቢታ ካይስ ከስዶሶና፤ እያ ካታማት ላለትድ አስ ባይና ሶ ግድዶሶና።

Ermiyaasa 51:38

ባብሎነ አሳ ኡባይ ጋሞዳ ጉዶሶና፤ ጋሞ ማራዳ ዳሮሶና።

Hizqeela 19:7

እ ኤንታ ሚፃ መንረስ፤ ካታማታ ይስስ፤ እ ጉድያ ዎደ ቢታን ደእያ አሳ ኡባይ ዳጋሜስ።

Hizqeela 22:25

ነ ግዶን ኤንታ ሀላቃት ዎዳባ ጉድሸ መንረያ ጋሞ መላ፤ ኤንቲ ዎኦሶና፤ ሚሸ ግድን፥ ሀራ ቡቁራ ግድን፥ ኡባ ባንታዉ ኤኮሶና፤ ዳሮ ማጫሳታ አምኦ ኦዶሶና።

Daanela 6:24

ካዎይ ዳነላ ሞትዳ አሳታ ኤሀና መላ ኪትስ። ኤንቲ ኦይከትድ፥ ባንታ ማቸታራነ ባንታ ናይታራ ይድ፥ ኡባይ ጋሞ ኦላን የገትዶሶና። ኤንቲ ኦላ ዉርሰ ጋኮና ደእሽን፥ ጋሞት ጉፕ ኤክድ፥ ኤንታ መቀ መንረ አግዶሶና።

Hose 11:10

ኤንቲ ጎዳ ካላና፤ እካ ጋሞዳ ጉዳና። እ ጉድያ ዎደ እያ ናይት ዉሎሀ ባጋፈ ኮኮርሸ ያና።

Hose 13:8

ማር ኤከትዳ ማሄ መላ ታኒ ህንተራ ጋሄታዳ ታ ህንተና ፑዛና። ታኒ ህንተና ጋሞዳ መንረና፤ ባዞ ዶአዳ ህንተና ፖሻና።

Iyyu7eela 3:16

ጎዳይ ፅዮነን ግድድ ደቻና፤ የሩሳላመን ባ ቃላ ስሳና፤ ሳሎይነ ሳእ ኮኮራና። ሽን ጎዳይ ባ አሳስ፥ እስራኤለስ ባቃትድ አትያ በሲ ግዳና።”

Amoxe 1:2

እ፥ “ጎዳይ ፅዮነ ዙማ ቦላ ጉዴስ፤ የሩሳላመ ካታማን ደቼስ። መሄ ሄምያ በሳት መሎሶና፤ ቃርመሎሳ ዙማ ቦላ ደእያ እርፃይ ሹሌስ” ያግስ።

Amoxe 3:4

ጋሞይ ዎ ደሞና ዎራን ጮ ጉድዬ? ዎይኮ ዎዳላ ጋሞይ አይኮ የደድ ኦይኮና ኡት ደንድድ ሳርቡቅዬ?

Amoxe 3:8

ጋሞይ ጉድን ያዮናይ ኦኔ? ኡባ ሃርያ ጎዳይ ኦድን፥ ትንብተ ኦዶናይ ኦኔ?

Zakaryaasa 11:3

ኤንታ ሎኦ ሄን በሳይ ይዳ ግሾ፥ ሄንንቾታ ዘለልሳ ስእተ፤ ዮርዳኖሰ ዎራይ ይዳ ግሾ፥ ጋሞት ጉደይሳ ስእተ።

Zakaryaasa 3:1

ሄሳፈ ጉየ፥ ካህነ ሀላቃይ እያሱይ ጎዳ ኪታንቹዋ ስንን ኤቅዳይሳነ ፃላሄይ እያሱ ሞታናዉ እያፐ ኡሻቻ ባጋራ ኤቅዳይሳ ታና ቆንጨን በስስ።

Maatosa 13:39

ሌሹዋ ዘርዳይ ሞርክያ ፃላሄ። ጫካ ዎደይ፥ ዎደ ዉርሰ፤ ጫከይሳት ኪታንቾታ።

Maatosa 24:42

“ህዛ፥ ህንተ ጎዳይ አይ ጋላስ ያነኮ ህንተ ኤሮና ግሾ፥ ምንድ ናግተ።

Maatosa 25:41

“ሄ ዎደ ሀድርሳ ባጋራ ደኤይሳታኮ፥ ‘ሀ ባደትዳይሳቶ፥ ታ ማታፐ ሃክተ። ፃላሄስነ እያ ኪታንቾታስ ጊግዳ መርና ታማን ቢተ።

Maatosa 4:1

ሄሳፈ ጉየ፥ ፃላሄይ የሱሳ ፓጫና መላ ጌሻ አያናይ የሱሳ መላ ቢታ ኤፍስ።

Maatosa 4:11

ሄሳፈ ጉየ፥ ፃላሄይ አግድ ብስ፤ ኪታንቾት ይድ እያ ሀጋዝዶሶና።

Marqoosa 4:15

ቃላይ ዘረትያ ዎደ ኦገ ጋፃን ዎዳይሳት ቃላ ስእዳይሳታ። ሽን ፃላሄይ ኤለስድ፥ ይድ ኤንታ ዎዛናን ዘረትዳ ቃላ ማፅ ድጌስ።

Luqaasa 21:34

“ህዛ፥ ስ ባይና ደኦን፥ ኡሻ ዳሮንነ ዱሳባስ ኡንኤተን ህንተ ዎዛናይ ኦይከቶና መላነ ሄ ቃማይ አኬኮና ፅሄዳ ህንተ ቦላ ጋኮና መላ ናገትተ።

Luqaasa 21:36

ሄሳ ግሾ፥ ያ ኢታፐ አታናዉነ አሳ ናአ ስንን ኤቃናዉ ዳንዳአና መላ ኡባ ዎደ ምንድ ዎስተ” ያግስ።

Luqaasa 22:31

ካልድካ የሱሲ፥ “ስሞና፥ ስሞና፥ ፃላሄይ ህንተና ግስተዳ ሀርቃናዉ ዎስስ።

Yohaanisa 8:44

ህንተ፥ ህንተ አዋ ፃላሄ ናይታ። ቃስ ህንተ፥ ህንተ አዋይ አሞትያባ ኦናዉ ኮዬታ። እ ኮይሮፐ ዶምድ ሸምፖ ዎይሳ። ቱም እያን ባይና ግሾ እ ቱማ እፄስ። ዎርዶይ እያዉ መ ግድዳ ግሾነ እ ዎርዶ አዋ ግድያ ግሾ ዎርዶ ኦደትሸ ባፐ ኦደቴስ።

2 ቆሮንቶሳ 2:11

ታኒ ሄሳ ኦዳይ ፃላህያ ጭሞ ኦሱዋ ኑ ኤርያ ግሾ፥ ፃላሄን ጭመቶና አታና መላሳ።

Efesoona 4:27

ፃላሄስ በሰ እሞፍተ።

Efesoona 6:11

ፃላሄ ጭሙዋ ኤቀታናዉ ዳንዳአና መላ ፆሳይ ህንተዉ እምዳ ኦላ ሚሽያ ኡባ ማእተ።

1 ፅሞትዮሳ 2:15

ሽን ማጫስ አማኖን፥ ሲቆንነ ጌሻተን ባንታና ሃርድ ደእኮ ናይታ የሎን አታና።

1 ፅሞትዮሳ 2:9

ሄሳዳ ማጫሳይ ባንታና ሃርዳይሳ ቆንጭስያ፥ ቦንቾይነ ማር ደእያ ማኡዋ ማአናዉ በሴስ። ኤንቲ ማር ባይና ሁጰ ዳን፥ ዎርቃን ዎይኮ እንቆን፥ ዎይኮ አልኦ አፍላን ባንታና አሌቅሶፖ።

1 ፅሞትዮሳ 3:11

ሄሳዳካ፥ ኤንታ ማጫሳት ቦንቸትዳይሳታ፥ ዝግሮናይሳታ፥ ማራን ደኤይሳታ፥ ኡባባን አማነተይሳታ ግዳናዉ በሴስ።

1 ፅሞትዮሳ 3:2

ዎሳ ኬ ካለያ አስ ቦረቶናይሳ፥ እስ ማቸ ፃላል ደኤይሳ፥ ማራን ደኤይሳ፥ ባና ሃረይሳ፥ በሰይሳዳ ኦይሳ፥ እማ ሞከይሳ፥ ታማርሳናዉ ዳንዳኤይሳ፥

2 ፅሞትዮሳ 4:17

ሽን ታኒ ኩመ ኪታ አይሁደ ግዶና አሳ ኡባስ ማርካትን፥ ኤንቲ ስአና መላ ጎዳይ ታ ማታን ኤቅድ ታዉ ዎልቃ እሚስ። ቃስ ኮሻትዳ ጋሞዳ ዶና ዶይዳ ሀይቁዋፐ ታና አሽስ።

Tito 1:8

ሽን እማ ሞከይሳ፥ ሎኦባ ኡባ ዶሰይሳ፥ አኬካንቾ፥ ፅሎ፥ ጌሽነ ባና ሃረይሳ ግዳናዉ በሴስ።

Tito 2:12

ሄ አ ኬሀተይ፥ ኑ ናጋራነ ሀ አላምያ አሙዋ አግድ፥ ሀ ዎድያን ኑና ሃርድ፥ ቱማ አያና ደኡዋንነ ፅሎተን ዳና መላ ኑና ታማርሴስ።

Tito 2:2

ጭማ አደት ባንታና ሃረይሳታ፥ ዎፑ ግዳይሳታ፥ ቦንቸትዳይሳታ፥ አማኖን፥ ሲቆንነ ዳንዳአን፥ ምኖ ግዳና መላ ዞራ።

Tito 2:4

ኤንቲ ሄሳዳ ሀንኮ ያላጋ ማጫሳይ ባንታ አዝናታነ ባንታ ናይታ ሲቃና መላ ታማርሳናዉ ዳንዳኦሶና።

Tito 2:6

ሄሳዳካ፥ ዶን አደት ባንታና ሃራና መላ ዞራ።

Yayqooba 4:7

ሄሳ ግሾ፥ ፆሳስ ሃረትተ፤ ፃላህያራ ኤቀትተ፤ እ ህንተፈ ሃካና።

1 ጰፅሮሳ 1:13

ሄሳ ግሾ፥ ኦሶስ ህንተና ጊግስተ፤ ህንተና ሃርተ። የሱስ ክርስቶሲ ቆንጭያ ዎደ ህንተ ኤካና አ ኬሀተ ኡፋይሳን ናግተ።

1 ጰፅሮሳ 4:7

ህዛ፥ ኡባባስ ዉርሰይ ማታትስ። ሄሳ ግሾ፥ ዎሳናዉ ዳንዳኤታና መላ ዎፑ ግዳ ዎዛን ደኦ፤ ማራራ ደእተ።

ዮሃኒሳ ቆንጬ 12:10

ሄሳፈ ጉየ፥ ሳሎን ሀይሳዳ ግያ ቃላ ስአስ። “ሀእ አቶተይ፥ ዎልቃይነ ካዎተይ፥ ኑ ፆሳሳ፤ ማታይ ክርስቶሳስ ግድስ። ህዛ፥ ቃማነ ጋላስ ፆሳ ስንን፥ ኑ እሻታ ሞተይስ ሳሎፐ ዱገ ሆለትስ።

ዮሃኒሳ ቆንጬ 12:12

ሄሳ ግሾ፥ ሳሎንነ እያ ግዶን ደኤይሳቶ ኡፋይትተ። ሽን ቢታነ አባ አየ! ህዛ፥ ፃላሄይ ባዉ ጉ ዎደይ አትዳይሳ ኤርዳ ግሾ፥ ዎልቃማ ሀንቆን ህንተኮ ዎስ” ያግስ።

ዮሃኒሳ ቆንጬ 12:9

ግታ ዳወይ፥ በን ሾሻይ፥ ሳአን የገትስ። እካ ዳቡሎሳ ዎይኮ ፃላሄ ጌተትያ አላምያ ባለይሳ። እ ባ ኪታንቾታራ እስፈ ዱገ አላምያ የገትስ።

ዮሃኒሳ ቆንጬ 20:10

ኤንታ ባለዳ ፃላሄይ፥ ዶአይነ ዎርዶ ናበይ የገትዳ ኤፅያ ዲነ ታማ አባን የገትስ። ኤንቲ ቃማነ ጋላስ መርናዉ ፓፃ ካኤታና።

ዮሃኒሳ ቆንጬ 20:2

እ ዳውያ ኦይክድ ሙኩሉ ላይስ ቃችስ። ሄ ዳወይ ኮይሮ ሾሻ፥ ዳቡሎሳ ዎይኮ ፃላሄ።

አይሰይሳታ 14:5

ሳምሶን ባ አዋራነ ባ አየራ ትምና ዎስ። ኤንቲ ትምና ዎይነ ጋደ ማታራ ካንድ አያ ዎደ እስ ዎዳላ ጋሞይ ጉድሸ እያ ቦላ ከይስ።