1 ጰፅሮሳ 1:1 - ጌሻ ማፃፋ

¹ ታኒ፥ የሱስ ክርስቶሳ ሀዋረይ ጰፅሮስ፤ ጳንፆሳን፥ ጋላትያን፥ ቃጳዶቃን፥ ኢሰንነ ብታነን በታንቾዳ ላለትድ ደእያ ፆሳይ ዶርዳ፥ አሳስ ሀ ዳብዳብያ ፃፋስ።

Gofa New Testament

¹ Taani, Yesuus Kiristtoosa hawaarey Phexiroosi; Phanxoosan, Galaatiyan, Qaphadooqiyan, Iisiyaninne Bitiiniyan betanchchoda laalettidi de7iya Xoossay doorida, asaas ha dabddaabbiya xaafas.

Geeshsha Maxaafa

¹ Taani, Yesuus Kiristoosa hawaarey Phexroosi; Phanxoosan, Galatiyan, Qaphadooqan, Iiseninne Bitaanen betanchoda laaletidi de7iya Xoossay doorida, asaas ha dabdaabiya xaafas.

Ooratha Caaquwa Goofatho

¹ Taani, Yesuus Kiristtoosa hawaarey Phexiroosi; Phanxoosan, Galaatiyan, Qaphadooqiyan, Iisiyaninne Bitiiniyan betanchchoda laalettidi de7iya Xoossay doorida, asaas ha dabddaabbiya xaafas.

ኦራ ጫቁዋ ጎፋ

¹ ታኒ፥ ዬሱስ ኪሪስቶሳ ሃዋሬይ ጴፂሮሲ፤ ጳንፆሳን፥ ጋላቲያን፥ ቃጳዶቂያን፥ ኢሲያኒኔ ቢቲኒያን ቤታንቾዳ ላሌቲዲ ዴዒያ ፆሳይ ዶሪዳ፥ ኣሳስ ሃ ዳብዳቢያ ፃፋስ።

1 ጰፅሮሳ 1:1 ပူးပေါင်းရင်းမြစ်များ

Astiro 3:8

ሄሳፈ ጉየ፥ ሃም ካዋ አርፀክስሳኮ ሀይሳዳ ያግስ፤ “ነ ካዎተ ግዶን ኡባ በሳን ላለትድ ደእያ እስ ኮቻይ ደኤስ። ኤንታ ደኦ ማራይ ሀራ አሳይሳፈ ዱማ፤ ሄሳ ፃላላ ግዶናሽን፥ ኤንቲ ካዎ ህግያስ ሃረቶኮና። ሄሳ ግሾ፥ ኔኒ ኤንታ ደኦ ጋዳ ስእ ጊኮ፥ ሄስ ሎኦ ግደና።

Mazmure 44:11

ኑና ዶርሳዳ ሹሀስ አ እማዳሳ፤ ካዎተታ ግዶን ኑና ላላዳሳ።

Hizqeela 6:8

ታኒ ህንተ ግዶን ማሻፈ አትዳ ጉታ ፓፃ አሻና፤ ህንተ ቢታታንነ ካዎተታ ግዶን ላለታና።

Leeweta 26:33

ታኒ ህንተና ካዎተታ ግዶን ላላና፤ ህንተ ቦላ ታ ማሻ ሾዳና። ህንተ ቢታይ ባይሳታና፤ ህንተ ካታማት ላለታና።

Maatosa 10:2

የሱሲ ኪትዳ ታማነ ናምኡ ሀዋረታ ሱንይ፦ ኮይሮይ ጰፅሮሳ ጌተትያ ስሞናነ እያ እሻ እንድርያሳ፥ ዛብድዮሳ ናኣ ያይቆባነ እያ እሻ ዮሃንሳ፥

Maatosa 24:22

ፆሳይ ሄ ጋላሳታ ታይቡዋ ጉናኮ አሰ ግድዳ ኦንካ አተና። ሽን እ ባ ዶርዳ አሳታ ግሾ፥ ሄ ጋላሳታ ታይቡዋ ጉና።

Maatosa 4:18

የሱሲ ጋልላ አባ ማታራ አሸ ናምኡ እሻታ፥ ጰፅሮሳ ጌተትያ ስሞናነ እያ እሻ እንድርያሳ በእስ። ኤንቲ ሞሎ ኦይከይሳታ ግድዳ ግሾ ባንታ ግትያ አባን የጎሶና።

Luqaasa 18:7

ፆሳይ ቃማነ ጋላስ እያኮ ዋስያ ባ ዶርዳይሳታስ ፕርደነዬ? ኤንታና ማዳናዉ ጋምእዬ?

Yohaanisa 11:52

ቃስ የሱሲ አይሁደ አሳ ፃላላስ ግዶናሽን ላለትድ ደእያ ፆሳ አሳ ኡባ እስፈ ሺሻናዉነ እስ አስ ኦናዉ ሀይቃና።

Yohaanisa 7:35

አይሁደት እሶይ እሱዋራ፥ “ሀይስ ኑኒ ደሞናሶ አዉ ባና ሀኒ? ግርከ ካታማን ደእያ አይሁደታኮ ብድ ግርከታ ታማርሳናዉ ሀንዬ?

ሃዋሬታ ኦሱዋ 18:2

ያን ጳንፆሳን የለትዳ እስ አይሁደ አድያ አቅላ ደምስ። አይሁደ አሳ ኡባይ ሮመፐ ከያና መላ ካዎይ ቃላዉድዮስ ኪትዳ ግሾ ጉ ዎደፐ ካሰ እ ባ ማቸ ጵርስቅላራ ፃለፐ ይስ። ጳዉሎስ ኤንታራ ጋሄታናዉ ብስ።

ሃዋሬታ ኦሱዋ 18:23

ያን ጉ ዎደ ጋምእዳፐ ጉየ አማንያ አሳታ ኡባ ምንሸ ጋላትያራነ ፕርገራ አስ።

ሃዋሬታ ኦሱዋ 19:10

ጳዉሎስ ናምኡ ላይ ጋካናዉ ቃላ ኦድስ። ሄሳ ግሾ፥ ኢሰን ደእያ አሳ ኡባይ፥ አይሁደትነ አይሁደ ግዶናይሳት ጎዳ ቃላ ስእዶሶና።

ሃዋሬታ ኦሱዋ 6:9

አይለተፈ ከይዳ አይሁደ ዎሳ ኬ አሳይ ቀሬናፐነ እስክንድረፐ ክልቀፈነ ኢሰፐ ይዳ እስ እስ አሳት ደንድድ እስፅፋኖሰራ ፓላምዶሶና።

ሃዋሬታ ኦሱዋ 8:4

ላለትዳ አማነይሳት ብዳ በሳ ኡባን ቃላ ኦድዶሶና።

1 ቆሮንቶሳ 16:19

ኢሰ ዎሳ ኬ አሳይ ህንተና ሳሮ ጎሶና። አቅልነ ጵርስቅላ ባንታ ሶን ሺቅያ ዎሳ ኬ አሳራ እስፈ ህንተና ጎዳ ሱንን ዎዛናፐ ሳሮሶና።

2 ቆሮንቶሳ 1:8

ኑ እሻቶ፥ ኢሰ ቢታን ኑና ጋክዳ መቱዋ ህንተ ኤራና መላ ኮዮስ። ሄ ኑና ጋክዳ መቶይ ኑ ዎልቃፈ ዳርን፥ ሀይቆና አቶኮ ግድ ኡፋይስ ቃንፅዳሽን።

Galatiya 1:2

ታራ ደእያ አማንያ እሻት ኡባይ፥ ጋላትያን ደእያ ዎሳ ኬታስ ኪትዳ ኪታ።

Efesoona 2:12

ሄ ዎደ ህንተ ክርስቶሳፐ ሻከት ደእዳይሳ፥ እስራኤለ አሳስ አላጋ ግድድ ደእዳይሳ፥ ፆሳ ኡፋይሳ ቃላፐ ሃክድ ደእዳይሳነ ሀ አላምያን ኡፋይስነ ፆሲ ባይና ደእዳይሳ አኬክተ።

Efesoona 2:19

ህዛፐ ህንተ አላጋ ዎይኮ እማ ግደከታ፥ ሽን ህንተ ሀእ ጌሻታ ቢታ አስነ ፆሳ ሶ አስ።

Zaaretho 28:64

ጎዳይ ነና ሀ ጋፃፐ ያ ጋፃ ጋካናዉ ካዎተታ ኡባ ግዶን ላላና። ያን ነኒ ዎይኮ ነ ማይዛት ኤሮና ሀራ ምነ ሹቻ ፆሳታ ጎይናና።

Zaaretho 32:26

ታ ኤንታ ይሳናዉነ ኤንታ ሀሳይያ አስ ዶና መላ ኦናዉ ቆፓስ።

Zaaretho 4:27

ጎዳይ ህንተና ሀራ አሳ ግዶን ላላና፤ ህንተና እ ላልያ ካዎተታ ግዶን ህንተ ታይቦይ ጉ ግዳና።

2 ፅሞትዮሳ 1:15

ኢሰ ቢታን ደእያ ኡባይ ታፐ ሃክዳይሳ ኤራሳ፤ ኤንታ ግዶን ፍገሉስነ ሄርሞገኔስ ደኦሶና።

Ibraawe 11:13

ሄ አሳ ኡባይ ባንታዉ ጌተትዳ ኡፋይሳ ቃላ ኤኮና አማኖን ሀይቅዶሶና። ሽን ሃሆራ ሄሳ በእድ፥ ደምዳዳ ኦድ፥ ኡፋይሳን ኤክዶሶና። ቃስ ኤንቲ ሳአን እማነ በተ አስ ግደይሳ ኤርዶሶና።

Yayqooba 1:1

ፆሳነ ጎዳ የሱስ ክርስቶሳ አይለይ፥ ያይቆብ፥ ቢታ ኡባን ላለትዳ ታማነ ናምኡ ሼሻታስ ኪትዳ ኪታ። ሳሮ፥ አይ መላ ደኤቲ?

1 ጰፅሮሳ 2:11

ታ እሻቶ፥ ህንተ ሀ ሳአን እማነ በተ አስ ግድዳይሳዳ ህንተ ሸምፑዋ ኦልያ አሾ አሞፐ ሃካና መላ ታኒ ህንተና ዎሳይስ።

2 ጰፅሮሳ 1:1

የሱስ ክርስቶሳ ሀዋረይነ እያ አይለይ፥ ታኒ፥ ስሞን ጰፅሮስ፥ ኑ ፆሳነ ኑና አሽያ የሱስ ክርስቶሳ ፅሎተ ባጋራ ኑይሳ መላ አልኦ አማኖ ኤክዳይሳታስ ሀ ዳብዳብያ ፃፋስ።

ዮሃኒሳ ቆንጬ 1:11

ሄ ግርሳይ ታና፥ “ነ በኤይሳ ማፃፋን ፃፋዳ፥ ኢሰን ደእያ ላፑን ዎሳ ኬታስ:- ኤፈሶና፥ ሳምርኔሳ፥ ጳርጋሞና፥ ትያትሮና፥ ሳርዴሳ፥ ፍላደልፍያነ ሎዶቀ የዳ” ያግስ።