1 ቆሮንቶሳ 2:14 - ጌሻ ማፃፋ

¹⁴ ጌሻ አያን ባይና አስ ፆሳ አያና እሞታታ ኤከና። ሄስ እያዉ ኤያተ፤ ኡባይ ጌሻ አያናን ፕልገትያ ግሾ፥ እ ኤራናዉ ዳንዳኤና።

Gofa New Testament

¹⁴ Shin Geeshsha Ayyaanay baynna asi Xoossaa Ayyaana imotata ekkenna. Hessi iyaw eeyatethi; ubbay Geeshsha Ayyaanan pilggettiya gisho, I eranaw dandda7enna.

Geeshsha Maxaafa

¹⁴ Geeshsha Ayyaani bayna asi Xoossa Ayyaana imotata ekenna. Hessi iyaw eeyatethi; ubbay Geeshsha Ayyaanan pilgetiya gisho, I eranaw danda7enna.

Ooratha Caaquwa Goofatho

¹⁴ Shin Geeshsha Ayyaanay baynna asi Xoossaa Ayyaana imotata ekkenna. Hessi iyaw eeyatethi; ubbay Geeshsha Ayyaanan pilggettiya gisho I eranaw dandda7enna.

ኦራ ጫቁዋ ጎፋ

¹⁴ ሺን ጌሻ ኣያናይ ባይና ኣሲ ፆሳ ኣያና ኢሞታታ ኤኬና። ሄሲ ኢያው ኤያቴ፤ ኡባይ ጌሻ ኣያናን ፒልጌቲያ ጊሾ ኢ ኤራናው ዳንዳዔና።

1 ቆሮንቶሳ 2:14 ပူးပေါင်းရင်းမြစ်များ

Leemiso 14:6

ቀልቅስያ አስ ጭንጫተ ኮዬስ፥ ሽን ደመና፤ አኬክ ደእያ አስ ኤራተ ደሞይ ዋይሰና።

Maatosa 16:23

የሱሲ ጰፅሮሳኮ ጉየ ስሚድ፥ “ሀ ፃላህያዉ፥ ታፐ ሃካ! ኔኒ አሳ ቆፋ ቆፓሳፐ አትሽን፥ ፆሳ ቆፋ ቆፖና ግሾ ታዉ በ ግዳሳ” ያግስ።

Yohaanisa 10:20

ኤንታፈ ዳርያ ባጋይ፥ “እያን ቱና አያናይ ደኤስ! እ ጎዬስ! እ ግያባ አይስ ስኤቲ?” ያግዶሶና።

Yohaanisa 12:37

እ ሄሳ መላ ማላታታ ኤንታ ስንን ኦንካ አማንቦኮና።

Yohaanisa 14:17

ሄ አያናይ ፆሳ ቱማ ቆንጭሴስ። ሀ አላምያ አሳይ እያ በኦና ግሾነ ኤሮና ግሾ እያ ኤካናዉ ዳንዳኦኮና። ሽን እ ህንተራ ደእያ ግሾነ ህንተ ግዶን ዳና ግሾ ህንተ እያ ኤሬታ።

Yohaanisa 14:26

ሽን አዋይ ታ ሱንን ኪታና ምንያ ጌሻ አያናይ፥ ህንተና ኡባባ ታማርሳና። ታኒ ህንተዉ ኦድዳ ኡባ እ ህንተና ሀሳይሳና።

Yohaanisa 15:26

“አዋፐ ያ ቱማ ቆንጭስያ አያና ታ ህንተዉ ኪታና። እ ህንተና ምንና፥ ታባ ማርካታና።

Yohaanisa 5:44

ህንተ እሶይ እሱዋፈ ቦንቾ ኮየይሳት፥ እስ ፆሳፈ ያ ጋላታ ኤካናዉ ኮዮናይሳት፥ ዋንድ ታና አማናናዉ ዳንዳኤቲ?

Yohaanisa 8:43

ታኒ ገይሳ ህንተ ስአናዉ ኮዮና ግሾ ታ ግያባይ ህንተዉ ገለና።

ሃዋሬታ ኦሱዋ 16:14

ኑና ስእያ አሳፐ እስ ሊድያ ጌተትያ ትያትሮና ካታማፐ ይዳ፥ ፆሳ አማንዳ ዞኦ አፍላ ዛልእያ፥ ማጫስያ ደአዉሱ። ጳዉሎስ ኦደይሳ እያ ስአና መላ ፆሳይ እ ዎዛና ዶይስ።

ሃዋሬታ ኦሱዋ 17:18

ኤፕቆሮሰነ እስቶይከ ጌተትያ ጩጋታፐ እስ እስ ኤራንቾት ጳዉሎሳራ ፓላምዶሶና። ኤንታፈ እሶት እሶት፥ “ሀ ዮያማይ አይ ኦዳናዉ ኮዪ?” ያግዶሶና። ሀራት ጳዉሎስ የሱሳባነ ሀይቆፐ እ ደንድዳይሳ ባንታዉ ኦድዳ ግሾ፥ “ኦራ ፆሳታባ ኦድያ ዳኔስ” ያግዶሶና።

ሃዋሬታ ኦሱዋ 17:32

ኤንታፈ እስ እስ አሳት ሀይቆፐ ደንዶባ ጳዉሎሳፐ ስእድ፥ እያ ቦላ ቀልቅስዶሶና። ሽን ሀራት፥ “ኑኒ ሄሳ ኔፐ ጉጅድ ስአናዉ ኮዮስ” ያግዶሶና።

ሃዋሬታ ኦሱዋ 18:15

ሽን ቃላስ፥ ሱንስነ ህንተ ህግያስ ህንተ ፓላምያባ ግድኮ ህንተ፥ ህንተዉ ብልተ፤ ሄሳ ታኒ ፕርድከ” ያግስ።

ሃዋሬታ ኦሱዋ 25:19

ሽን ኤንቲ ባንታ ሀይማኖተባነ ጳዉሎስ፥ ‘ፓፃ ደኤስ’ ግያ እስ ሀይቅዳ የሱሳ ጌተትያ አድያባ እያራ ፓላሞሶና።

1 ቆሮንቶሳ 1:18

ክርስቶሳ ማስቃላ ቃላይ የይሳታስ ኤያተ፥ ሽን ኑስ አተይሳታስ ፆሳ ዎልቃ።

1 ቆሮንቶሳ 1:21

ሀ ሳኣ አሳይ ባንታ ጭንጫተን ፆሳ ኤሮና መላ ባ ጭንጫተን ድግድ፥ ኤያተን ታይበትያ፥ ኑኒ ኦድያ ቃላን አማነይሳታ አሻናዉ ፆሳ ሸነ ግድስ።

1 ቆሮንቶሳ 1:23

ሽን ኑኒ ማስቃለ ቦላ ካቀትዳ ክርስቶሳ ሳባኮስ። ሄስ አይሁደታስ በ፤ ቃስ ግርከታስ ኤያተ ግድስ።

1 ቆሮንቶሳ 1:25

ፆሳ ኤያተ አሳ ጭንጫተፈ አስ፤ ቃስ ፆሳ ዳቡራይ አሳ ምኖተፈ ምኔስ።

1 ቆሮንቶሳ 15:44

መተ አሳተይ ዘረትድ፥ አያና አሳተ ግድድ ደንዳና። መታ አሳተ ደእኮ፥ አያና አሳተ ደኤስ።

1 ቆሮንቶሳ 15:46

ሽን መታ አስ ኮይሮ ይን፥ ጉየፐ አያና አስ ይስፐ አትሽን፥ አያና አስ ኮይሮ ይቤና።

1 ቆሮንቶሳ 2:12

ፆሳይ ኑስ ጮ እምዳባ ኑ ኤራና መላ ፆሳ አያና ኤክዳፐ አትሽን፥ ሀ ሳአ አያና ኤክቦኮ።

1 ቆሮንቶሳ 3:1

ታ እሻቶ፥ ህንተ ክርስቶሳን ቡሮ ዮጋነ አማኖና አሳ ደእያ ግሾ፥ ታኒ አያናባ ህንተዉ ኦዳናዉ ዳንዳአብከ።

Yayqooba 3:15

ሄሳ መላ ጭንጫተይ ሳሎፐ ይዳባ ግዶናሽን፥ ሄስ አሳባ፥ አላመባ፥ ፃላሄባ።

1 ዮሃንሳ 2:20

ሽን ክርስቶስ ህንተ ቦላ ጌሻ አያና ጉስስ፤ ቃስ ህንተ ኡባይ ቱማ ኤሬታ።

1 ዮሃንሳ 2:27

ሽን ክርስቶስ ህንተ ቦላ ባ ጌሻ አያና ጉስስ። ጌሻ አያናይ ህንተናን ደእያ ግሾ ኦንካ ህንተና ታማርሶ ኮሸና። እያ ጌሻ አያናይ ህንተና ቱማ ታማርሰስፐ አትሽን፥ ዎርዶ ግደና። ጌሻ አያናይ ህንተና ታማርስዳይሳዳ ክርስቶሳን ደእተ።

1 ዮሃንሳ 5:20

ኑኒ ቱማ ፆሳ ኤራናዳ ፆሳ ናአይ ይዳይሳነ ኑስ አኬካ እምዳይሳ ኤሮስ። ኑኒ እያ ናአ፥ የሱስ ክርስቶሳ ባጋራ ቱማ ፆሳን ደኦስ። የሱሲ ቱማ ፆሳነ መርና ደኡዋ።

Yihuda 1:19

ሄ አሳት አሳ ግዶን ሻሄተ መይሳታ፥ ባንታ አሾ አሙዋስ ሃረተይሳታነ ጌሻ አያናይ ባይናይሳታ።