Zuda 1:1 - Nouveau Testament en Guidar

¹ Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.

Bible en Guidar

¹ Yuda maslən na Yesu Kristu məlmən Yakob, sit ɗiy en Maŋgəlva Afən aŋgələ, məs Yesu Kristu adawtaɗa.

Zuda 1:1 ပူးပေါင်းရင်းမြစ်များ

Matiye 10:3

Filip gəm Bartolomi gəm Tomas gəm Matiye, mətaf zomorgol, Zak wətən Alfa, gəm Tadde.

Matiye 13:55

Ndəni wətən məntar wəlaŋga ɓa sa? Mari təman ɓa sa? Ya Zak də Zozef, Simoŋ gəm Zuda əŋgə milmiŋgiɗin ɓa sa?

Markus 3:18

Andre, Filip, Bartolomi, Matiye, Tomas, Zak wətən Alfa, Tadde, Simoŋ na Kanana,

Markus 6:3

Ndəni wətən məntar wəleŋɗe nak ɓa sa, wətət Mariyi məlmən Zak də Zozef gəm Zuda də Simoŋ ɓa sa? Milmiŋgiɗin muguliŋgit bo tahəŋ də mənam aŋ yaŋka'a ɓa sa? Vi vaski dətafnən wənan ɓa.

Luka 6:16

Zudas wətən Zak gəm Zudas Iskariyot an məs dələ zəm ki Zezu.

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Yohanna 14:22

Ɗəf maɓɓan tay Zuda, mbək sa Zuda Iskariyot, apsən Zezu na: Ɗəfdaya, mbari kədarban zuk azamdi, amma kərbana zuk aza duniya ɓa di?

Yohanna 15:16

Yaŋ na munokum kəwelwən ɓa, amma in nəwel kum. Nənah sukumək də kakara kədoŋ gəni. Kətəraŋ gən wəraya, wətər wəray nokum bo dəsan gən ha faɗə Affən wapsukum ko mi kəssohoŋ də iya nawa.

Yohanna 17:15

Nəkomok na vi kəgil giti gən sə duniyayi ɓa, amma vi kəkoh giti gən səva ɗəf mbrayenəŋka.

Yohanna 17:17

Wəpel noki goŋga. Yaŋ azeɓetik ka ɗii noko də goŋga naka.

Yohanna 17:19

Wanəpan zeŋgillewa viti vi dəsoŋ gən ɗii nok gesiŋ.

Yohanna 6:39

Apprəm an məs də slənu aŋgələ: Nədawzan ko taka səmbet ɗiiyen məs avay ɓa, amma wanəsilgit səkəti əmta pakə, an pay nagrak dələv agapka.

Wəza net Masləŋɗe 1:13

Adan agapaŋ a Zerusalem ateŋgeŋgək adəv gəla atəki adakkalaŋ ɗayɗay adəv gəla ma sula'ən a disiŋ. Piyer də Zaŋ, gəm Andre, gəm Filipi, gəm Tomas, gəm Bartolomi gəm Matiye, də Zak wətən Halfa, gəm Simoŋ məs dəŋglu dələv nani, gəm Zuda wətən Zak.

Wəza net Masləŋɗe 20:32

Kakaŋ na nəppokumək ava Maŋgəlva də mbəlembəle nani. Waɓap wəɓay gukum waɓap wəgəɗ sukum zəzay də zəzay məs azaɓan viyit ɗii nan pakə.

Wəza net Masləŋɗe 27:23

Vi nadəfɗəŋ na, Ɗəfdaya Maŋgəlva məs nədawzuli sənəŋ aslənək maslay nan azawa.

Roma 1:1

Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

Roma 1:6

Nokum bo, aweleŋgit ɗii məs Maŋgəlva ayə dəsoŋ gən ka ɗii na Krestu kənanaŋ.

Roma 16:18

Vi zemvit ɗiiyen veski, aɗɗaŋ na wəza sən Ɗəfdaya nam Krestu ɓa. Amma net say wənna gədiviti də wəpel namet neneke, tahəŋ wəzanən əmpəs net ɗii məs dəsənaŋ zəga diiɗa ɓa, də meŋ nemet nenekɗe.

Roma 6:22

Amma kakaŋ na balemɗe na mambray kənanaŋ əmpa ɓa, nokum kəkpaŋgaŋgək balemɗe na Maŋgəlva. Vini say kədawaŋ gən va an məs Maŋgəlva aŋgələ, wəgrak na wəza nokum ndəni zeŋgille ana suwa ha faɗə.

Roma 8:30

Ɗiiyen məs Maŋgəlva aynan wənnan viyit far pak ayeke, akpaŋgetik təstəs abani atoŋgitik adəv gakdak nani.

Roma 9:24

Anamiyi ayə, suweleŋgit Yahudiyenɗe kaaka ɓa, amma gəm suweleŋgit ɗii məs Yahudiyenɗeŋ ɓa pakə.

1Korintus 1:2

Məslənək letər nan azet ɗii na Maŋgəlva a Korintus, məsɗetik ɗii na Maŋgəlva nadak pakə ɗiiyen salala* də Krestu, azet ɗiiyen məyet dəsoŋ gən salala, ɗii na Maŋgəlva də wəsap də Zezu Krestu, azet ɗiiyen məzuyanən iya na Daya nam Zezu Krestu, Ɗəfdaya namə gəm neti.

1Korintus 6:11

Ɗii suwalaŋkum bo, tayəɗɗaŋ veneti. Amma ya nokum na, mbrayen nokum məviyani, məwel kumi, kəsoŋ gən kana Maŋgəlva, məkpaŋgo kumi də iya na Ɗəfdaya nam Zezu Krestu, gəm də Əmpəs na Maŋgəlva.

Efesus 5:26

Vi kaɗɗe ɗii na Maŋgəlva dəsoŋ gən təstəs aba Maŋgəlva, dərɓagan waɗɗe salala* dit iŋkile gəm də əpel nani.

1Tesaloniki 2:12

Məpel sukumko, də wəsɓokum, məziw gukumko vi kəsoŋ gən də Maŋgəlva məs dəyukum aka məlĩ nan də gakdak nani.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Timote 1:9

Ndəni dəkoh gəmə, ndən dəyəmə məsam gən ɗii nani, vi wəza mogon məs məgəɗi ɓa, amma vi wəŋgla nani də mbəlembəle nani, aɗɗa səmək mbəlembəle nan də Zezu Krestu, daga məɓəlli əɗɗa zəga tagay ɓa.

2Timote 4:18

Gesiŋ, Ɗəfdaya wakoh gu səza mambray pakə, wagap gu azam adəv məlĩ nan a disiŋ. Gakdak nani pay pakə ha faɗə. Amin.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Yakob 1:1

Ɗereweləŋka, in Zak nəvere, əntə məgəɗ wəza na Maŋgəlva də na Ɗəfdaya Zezu Krestu. Nəsɗetik ɗii na Maŋgəlva məs dətrayaŋ aka dələv pakə.

1Piyer 1:2

Kəkpaŋgaŋgək muwelkum vi wənna əŋgla na Maŋgəlva Affən. Əmpəs nan aɗukumko kəsoŋ gən məzəsbanən Zezu Krestu, vi mbel nan dəskoɓ kumən gəni. Mbəlembəle də zam dənzlər sukum.

1Piyer 1:5

Sembe na Maŋgəlva dəga wətaf nokum ha gap wə koh adazani, məs məzaɓan naw gil gən pay dələv adagraka.

1Piyer 2:9

Amma nokum munokumtə əlfa an muwelin, munokumtə məs dəlvəŋge na məlĩya, ɗii yen salala, na Maŋgəlva kənanaŋ. Agil gukumək səra guzliyo, akukumək ara təki babar nan nagət akani. Awel kumuko ka kəpelin gən wənna wəza nan məs mogonəŋka.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

Zuda 1:21

Məga zukum adəv əŋgla na Maŋgəlva. Adan munokum tatə ganən Ɗəfdaya nam Zezu Krestu dəpsukum gən mbəlembəle də zeŋgille nasuwa ha faɗə.

Zuda 1:3

Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.