Yakob 5:16 - Nouveau Testament en Guidar

¹⁶ Vi vaski mərban mambray nokum awalaŋ zukum aba Maŋgəlva, viyit ɗii nokum, vi kəmbəlaŋ gəni, wəkam na ɗəf təstəs tay də sembe naɗɗa zəga metiŋgini.

Bible en Guidar

¹⁶ Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.

Yakob 5:16 ပူးပေါင်းရင်းမြစ်များ

Matiye 21:22

An munokum tat də wətafa wakərəhaŋ an məs kəssohoŋ pakə.

Matiye 3:6

Arbanənək mambray neti, Zaŋ aɗɗa sitik baptem a məlpa na Zordan.

Markus 1:5

Ɗii naka dələv na Zude pakə, dit ɗii nawalaŋ gəla na Zerusalem pak azoŋguk aza Zaŋ, vi kapprəm wəpel nani, yaŋ arbanən mambray neti. Aɗɗa sitik baptem a məlpa na Zordan.

Luka 9:6

Ambataŋka, ambataŋgək awalaŋ gəla temtemi, arbanənək halabara neneke, ambəl gitinik məs gbəgbaɗe.

Yohanna 9:31

Məsənəka Maŋgəlva azlansəna məs mambray ɓa, amma tay zlansit məzu gakdakənəni, məzəsbanən wəŋgla nani.

Wəza net Masləŋɗe 10:38

Kəsəŋgənək labara na Zezu na Nazaret, məs Maŋgəlva apsən sembe na Əmpəs Salala. Abalək ko aŋga wəɗɗa wəza mogoni, ambəl gitik ɗii məs Satan adawzəm git saha pakə, vi Maŋgəlva tay dəndən.

Wəza net Masləŋɗe 19:18

Ɗii diiɗa sə waleŋgit ɗii dətafaŋ azoŋko atubiyaŋka də wərban wənnet abet ɗii pakə.

Wəza net Masləŋɗe 8:24

Yaŋ Simoŋ akkaman Piyer də Zaŋ: Kamə, məkkaman Ɗəfdaya, vi məs kənnəhaŋ adaɗɗa azaw vas ɓa.

Roma 3:10

Apprəm va ɗerewel anahə: Ɗəf tay məgəɗ mogon ɓa, ko taka zlaŋ tay ɓa.

Roma 5:19

Ɗii diiɗa akpaŋgaŋgək məɗɗaŋ mambraya, vi ɗəf taka dəŋger wəpprəm ma Maŋgəlva ɓa. Vas bo ɗii diiɗa wasoŋ təstəs aba Maŋgəlva, vi ɗəf taka apprəm ma Maŋgəlva.

Kolosi 1:9

Vi wənnani kan mədakkaman Maŋgəlva, səza məpprəm labara nokum. Mənam tatəkkaman Maŋgəlva, dərban sukum gən wəŋgla nan pakə, dəpsukum gən maɗula naw sənən də Əmpəs nani.

1Tesaloniki 5:17

Məzuliyə kədapanən ɓa.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

1Tesaloniki 5:25

Milmiŋgiɗmə məzuli vimə.

Ibriɗe 11:4

Abel atafək Maŋgəlva, ndəni apsən sazlaga an mogon sən Maŋgəlva dayki Kaynu. Vi wətaf nani Maŋgəlva apel wən təstəs akani, vi Maŋgəlva sən kiyən atafək sazlaga nani. Ko də amtə pakə, apel səmək də wətaf nani.

Ibriɗe 11:7

Də wətafi Nuwa apprəm an məs Maŋgəlva anah aka məs dədaɗɗa aka dəlva, ko də dula wənnan ɓa pak zlaŋ atafək wənnani. Apprəmək ma Maŋgəlva, azaɓək bəlay. Adəvəni akoh git ɗii nan pakə. Wətaf nan atawək kita aka dələv pakə. Nuwa atafək Maŋgəlva wənnan lewi ara Maŋgəlva.

Ibriɗe 12:13

Məsban tive an mogoni, məs sarrara, vi tulkum məs maŋgalɓaya nak adaw məsa wəɗɗa ɓa, amma vi dəmbəl gəni.

Ibriɗe 13:18

Məkaman Maŋgəlva viyəm pay pakə. Məsənka makram barri, vi pay pak mamaka wəɗɗa an məs Maŋgəlva aŋgələ.

1Piyer 2:24

Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.

1Yohanna 3:22

Ko mi məssoh avani amərahə vi mərmak ma henziŋ nani, mənam tatəɗɗa an məs aŋgələ.